Տեղի ունեցավ «Աշխարհի խոշորագույն տեխնոլոգիական ձեռներեցությունը աղջիկների համար» մրցույթի մրցանակաբաշխությունը

Հունիսի 11, 2018

ՏՀՏ նորություններ Լուրեր կազմակերպություններից

2018 թվականի հունիսի 7-ին տեղի ունեցավ Կրթության ազգային ինստիտուտի և «Կանայք և տեղեկատվական հասարակությունը» ՀԿ-ի կողմից կազմակերպված «Տեխնովացիա Հայաստան 2018» մրցույթի ամփոփման և մրցանակաբաշխության հանդիսավոր արարողությանը:

Technovation -ը աշխարհի խոշորագույն տեխնոլոգիական ձեռներեցության մրցույթ է` 10-18 տարեկան աղջիկների համար: Ծրագրի արդյունքում աղջիկները իրենց համայնքում վեր հանեցին որևէ սոցիալական խնդիր և լուծեցին այդ խնդիրը՝ ստեղծելով բջջային հավելվածներ:

Հայաստանը երկրորդ տարին է մասնակցում ծրագրին: 2017 թվականին առաջին անգամ մասնակցելով, ունեցանք հաջողված պատմություն՝ Կարբի գյուղի դպրոցի «Մեկ քայլ առաջ» աղջիկների թիմը իր «Հայկական ժեստերի լեզու» հավելվածով կրթություն անվանակարգում ստացավ միջազգային գլխավոր մրցանակ և հրավիրվեց Սիլիկոնյան հովիտ մասնակցելու միջազգային մրցանակաբաշխությանը:

Այս տարի ևս  «Տեխնովացիա Հայաստան 2018» ծրագրին մասնակցեցին 398 աշակերտուհիներ, 94 ուսուցիչ-մենթորներ, որից հայաստանյան կիսաեզրափակիչ փուլ դուրս եկան 49 թիմեր:

«Տեխնովացիա-Հայաստանյան 2018» մրցույթին մասնակցած 49 թիմերը մայիսի 11-ին, 17-ին, 18-ին ժյուրիին ներկայացրեցին իրենց բջջային հավելվածները, որի արդյունքում ժյուրին որոշեց հաղթող թիմերին:

Հաղթողներ դարձան չորս ավագ և երեք կրտսեր թիմեր: Նրանք ուղեգիր ստացան մասնակցելու միջազգային փուլին` https://technovationchallenge.org/2018-semifinalists/:

Հունիսի 1–ից մինչև հունիսի 17-ը օնլայն տարբերակով տեղի կունենա մրցույթի միջազգային փուլը:

Հունիսի 7–ին «Տեխնովացիա Հայաստանյան 2018» մրցանակաբաշխությանը մրցանակներ կստանան ինչպես հաղթող թիմերը, այնպես էլ տարբեր անվանակարգերում առաջադրված թիմերը:

Տեխնովացիա Հայաստան 2018 ֆինանսավորվում է Եվրոպական միության կողմից ՀԲԸՄ ՔՀ Կամուրջ ծրագրի համագործակցությամբ: Տեխնովացիա Հայաստան 2018 մրցույթին աջակցում և հովանավորում են Տեղեկատվական և հաղորդակցության տեխնոլոգիաների գործատուների միությունը, ՄԱԿ-ի հայաստանյան գրասենյակը, Սինոփսիս Արմենիա ընկերությունը, Յունիքոմփ ընկերությունը, Հայաստանի ամերիկյան համալսարանը, «Զիգզագ» ընկերությունը, Ձեռնարկությունների ինկուբատոր հիմնադրամը: