Համադպրոցական սպորտլանդիա

Հունիսի 4, 2018

Դպրոցական անցուդարձ

2018թ. մայիսի 11-ին Վանաձորի ծովակալ Իսակովի անվան թիվ 23 հիմնական դպրոցի 3 յոթերորդ դասարանները ( ուսուցիչներ Լ. Շեկոյան և Ջ. Եգանյան) անցկացրին համադպրոցական սպորտլանդիա:

Սովորողները, մեծ սեր ունենալով սպորտի նկատմամբ, շատ լավ էին նախապատրաստվել սպորլանդիային: Սկզբում թիմերը ողջունեցին իրար, հնչեցրին թիմերի կարգախոսները, միմյանց ցանկացան արդար և հաջող մրցակցություն:

Բացման արարողությանը հնչեց  «Օլիմպիական հիմնը»:

Բազմազան վարժությունների միջոցով նրանք ցուցադրեցին իրենց ֆիզիկական մարզավրճակը` ճկունություն, ճարպկություն և արագաշարժություն:

Ժյուրին ուշադիր հետևում էր վարժությունների ճիշտ կատարմանը, ոգևորում սովորողներին:

Միջոցառման ընթացքում հնչում էին հայրենասիրական բանաստեղծություններ, երգեր, պարային կատարումներ:

Դասարանների մյուս սովորողները ոգևորում էին սպորտլանդիայի մասնակիցներին, ուրախանում նրանց հաջողություններով և տխրում սխալների դեպքում:

Միջոցառումն անցավ ոգևորության մթնոլորտում, ժյուրին լավագույն թիմ ճանաչեց 7-րդ «գ» դասարանի թիմը, 2-րդ տեղում էր 7-րդ «բ» դասարանի թիմը, իսկ 7-րդ «ա» դասարանի թիմը զբաղեցրեց 3-րդ տեղը: Թիմերը տնօրենի կողմից պարգևատրվեցին պատվոգրերով:

Թիմերը շնորհավորեցին իրար, շնորհակալություն հայտնեցին ժյուրիին, ուսուցիչներին, ծնողներին, որոնք ոգևորում էին նրանց:

Դահլիճում թևածում էր սպորտային ուրախությունը և ընկերական մթնոլորտը