Ամառային դպրոց. Արևի մոտ

Մայիսի 22, 2018

Մշակութային լուրեր

Ավ. Իսահակյանի տուն-թանգարանում գործում է ամառային դպրոց:

Իսահակյանական աշխարհում երեխաները ստանում են գիտելիքներ և հմտություններ՝ ինտերակտիվ խաղերի, ձեռքի աշխատանքների, թեմատիկ խաղ-էքսկուրսիաների, դեպի հրաշքների աշխարհ հետաքրքիր ճամփորդությունների   միջոցով:

Ամառային դպրոցի ծրագիրը նախատեսված է 6-12 տարեկան երեխաների համար: Ամառային դպրոցն իր աշխատանքը կսկսի հունիսի 10-ից, երկու խմբով՝ 6-8 և 9-12 տարիքային խմբերով:

Հանդիպումները տեղի կունենան շաբաթվա հինգ օրերին, ժամը 12:00-16:00: 

Տեղեկությունների համար զանգահարել՝    հեռ. +374 10 56 24 24, +374 10 58 73 80

       Ճամփորդության ընթացքում՝

• Շրջայց թանգարանում
• Իսահակյանի հեքիաթների և առակների հիման վրա պատրաստված մուլտերի դիտում
• Սլայդերի միջոցով հեքիաթների ընթերցում, քննարկումներ
• Բնապահպանության և արվեստաբանության դասեր
• Հետաքրքիր այցելություններ տարբեր թանգարաններ, մշակութային հաստատություններ և բնապահպանական կազմակերպություններ
• Ժամանակի գնացքով ճամփորդություններ հեռավոր անցյալում, «հանդիպումներ» հետաքրքիր և զվարճալի մարդկանց հետ
• Արկածային ճամփորդություններ ծովով ու ցամաքով
• «Փոքրիկ գիտնական», հետազոտություններ և փորձեր
• Գունավոր թղթերով, թելերով, քարերով, օրգանիկ ծեփամածիկով աշխատանքներ
• Խմբային- ինտերակտիվ խաղեր
• Ինտելեկտուալ մրցույթներ
• Ազգային երգի և պարի ուսուցում: