ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

Ընտանիք կենտրոն. «20-րդ դարի Ավարայր» խորագրով ինտելեկտուալ մրցույթ

Մայիսի 22, 2018
Լուրեր կազմակերպություններից

Մայիսի 16-ին ԿԳն «Ընտանիք» կենտրոնում Հայաստանի Հանրապետության և Մայիսյան հերոսամարտերի 100-ամյակին նվիրված միջոցառումների շրջանակում անցկացվեց «20-րդ դարի Ավարայր» խորագրով ինտելեկտուալ մրցույթ:

Միջոցառմանը մասնակցում էին Գյումրու թվով ինը կրթամշակութային հաստատությունների թիմեր՝ խորհրդանշական անվանումներով: 

Մրցույթի նպատակն էր գնահատել Մայիսյան հերոսամարտերը՝ որպես հայ ժողովրդի ազատագրական պայքարի փայլուն էջ, մասնակիցներին համախմբել միասնական գաղափարի շուրջ, բարձրացնել նրանց ռազմահայրենասիրական ոգին, հերոսների օրինակով ձևավորել հայրենիքը պաշտպանելու պատրաստակամություն, զարգացնել մասնակիցների տրամաբանությունը, թիմային աշխատանքի, արագ կողմնորոշվելու կարողությունները:

Ժյուրիի անդամներն էին Շիրակի պետական համալսարանի պատմաբանասիրական ֆակուլտետի դասախոս Արթուր Նիկողոսյանը, Գյումրու թիվ 4 արհեստագործական պետական ուսումնարանի դասախոս Սամվել Հովհաննիսյանը և «Ընտանիք» կենտրոնի տնօրենի տեղակալ Սվետլանա Պետրոսյանը:

Ողջունելով թիմերին և միջոցառման մասնակիցներին՝ «Խորան Արդ» ինտելեկտուալ կենտրոն     ՀԿ-ի գործադիր տնօրեն Արմեն Պետրոսյանը շնորհավորեց Մայիսյան եռատոնի առթիվ, մաղթեց ազնիվ, արդար խաղ, շնորհակալություն հայտնեց միջոցառման կազմակերպիչներին՝ հայրենանվեր գործ կատարելու համար: 

Մինչ մրցույթի սկսվելը, մասնակից թիմերը ծանոթացան խաղի կանոններին և անցկացման ընթացակարգին: Մրցույթը բաղկացած էր երեք փուլից: Հարցերն ու առաջադրանքները թեմատիկ բնույթ ունեին և առնչվում էին 1918 թվականի հերոսամարտերի ընթացքում և դրանից հետո Հայաստանի Առաջին Հանրապետությունում տեղի ունեցած իրադարձությունների հետ:

Յուրաքանչյուր փուլից հետո ժյուրին ամփոփեց արդյունքները, իսկ մասնակիցներն ունկնդրեցին և ակնդրեցին «Ընտանիք» կենտրոնի երգարվեստի, պարարվեստի և Ն. Տիգրանյանի անվան թիվ 1 արվեստի դպրոցի դեռահասների հայրենասիրական երգ ու պարը:

Խաղն անցավ համառ  և լարված պայքարի թեժ մթնոլորտում: Բոլոր թիմերը ձգտում էին հասնել առավելագույնին:

Ժյուրիի նախագահ, պատմաբան Արթուր Նիկողոսյանը նախքան արդյունքների հրապարակումը, շնորհակալություն հայտնեց մրցույթի կազմակերպիչներին՝ մայիսյան այս տոնական ամիսն էլ ավելի շքեղացնելու համար: Շնորհավորեց նաև բոլոր թիմերին և մրցանակային տեղեր զբաղեցրած մասնակիցներին՝ հետաքրքիր, դիտարժան, փայլուն խաղի համար և մաղթեց հետագա հաղթանակներ:

Մրցանակային տեղերը բաշխվեցին հետևյալ կերպ. առավելագույն միավորներ վաստակեց Գյումրու  թիվ 4 արհեստագործական պետական ուսումնարանի «Արծվասիրտներ» թիմը, երկրորդ տեղ զբաղեցրեց «Ֆոտոն» վարժարանի «Արիադավան սերունդ» թիմը, իսկ երրորդ տեղը՝ Գյումրու թիվ 11 հիմնական դպրոցի «Սարդարապատ» թիմը: Թիմերը պարգատրվեցին պատվոգրերով, իսկ հաղթող թիմը ստացավ նաև հուշամեդալ: Արթուր Նիկողոսյանը ևս արժանացավ շնորհակալագրի՝ «Ընտանիք» կենտրոնի հետ համագործակցության և մատաղ սերնդի ռազմահայրենասիրական դաստիարակությանը խթանելու համար:

Ս. Էլբակյան

  • Ուսուցման արդի մեթոդները 2

    Թեմայի հեղինակ՝ manush

    Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF

  • Ուսուցման արդի մեթոդները

    Թեմայի հեղինակ՝ Ani Hovhannisyan

    Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…

  • Նախագծային ուսուցում

    Թեմայի հեղինակ՝ Մարիետա

    Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…

  • Դասերի առցանց պլանավորում - Planboard

    Թեմայի հեղինակ՝ Մարի Գասպարյան

    Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․

  • Տարբեր երկրների կրթական համակարգերը

    Թեմայի հեղինակ՝ Մարիետա

    Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…