Ես մի ծիլն եմ քո հողի

Մայիսի 18, 2018

Դպրոցական անցուդարձ

    Հայրենասիրությունը սկսվում է ընտանիքից, զարգանում և թևավորվում է դպրոցում, ծավալվում հայրենի հողում, դառնում սրբազան մասունք` ազգային արյան մեջ:

    Այսօր` մայիսի 17-ին,  Կապանի N 5 հիմնական դպրոցի 4-րդ «բ» դասարանի  հրաժեշտի դասի թեման հայրենիքը էր`  խարսխված սիրո, հույսի ու հավատի վրա:

      Դաս-հանդեսի նպատակն էր ընդգծել աշակերտներին չորս տարիների ընթացքում փոխանցված   հայրենասիրության գաղափարը, կարևորությունը, գիտակցությունը և անցյալի վերքերը սրտում հզոր երկիր կերտելու փոքրիկների կամքը: Ելույթի  ողջ  ընթացքը համեմված էր հետաքրքիր գեղագիտական լուծումներով, Հայկական բանակի, Հայաստանի և նրա հաղթական ապագային  նվիրված  կատարումներով:

     Աշակերտների կատարումները ոգեղեն էին, դահլիճը` ոգեշնչված: Դասվար Արևիկ Հայրապետյանը, որպես պատգամ  «ծիլերին հայրենի հողի» հղեց իր ջերմ խոսքն ու հանձնեց օրվա խորհուրդը բովանդակող ձեռքի աշխատանքներ:

-Այսօրվա ձեր ելույթը հայրենասիրության կատարելագործված դրսևորում է և այն ծառայեց մեկ սրբազան նպատակի` հայրենի հողին հավատարիմ մնալուն,- շնորհավորանքի խոսքն այսպես ավարտեց դպրոցի տնօրեն Սիրանուշ Հարությունյանը: 

   Օրվա հյուրերն  էին Կապանի N 12 ՆՈՒՀ-ի ավագ խմբի սանիկները, որոնք խոսքի էստաֆետ ընդունեցին և կատարեցին նվերների փոխանակումներ :

Կապանի N 5 հիմնական դպրոց