Ընտանիքը հասարակության բյուրեղն է

Մայիսի 16, 2018

Դպրոցական անցուդարձ

Ընտանիքն Աստծո կողմից ստեղծված առաջին միությունն է և մարդու կյանքը սկսվում է ընտանիքում:

Այսօր` մայիսի 15-ը Ընտանիքի միջազգային օրն է և ի նշանավորումն օրվա խորհրդի, Կապանի N 5 հիմնական դպրոցի 5-րդ «բ» դասարանում կազմակերպիչ Հասմիկ Մեսրոպյանը, դասղեկ Արաքյսա Քարամյանը և ծնող Ռիտա Ղազարյանը կազակերպեցին հորինվածք-մրցույթ «Ընտանիքը երեխայի տեսանկյունից» թեմայով:

Միջոցառումը մեկնարկվեց երկլեզու ողջույնով, որը բովանդակում էր ջերմ խոսքեր հայ ընտանիքին, հայ մորը և հայկական դաստիարակությանը, իսկ մրցույթն ընթացավ երկու թիմերի մասնակցությամբ` տղաներ և տղաների մայրիկներ, աղջիկներ և աղջիկների մայրիկներ: Մրցատյանի կազմը ևս բաղկացած էր դասարանի ծնողներից և աշակերտներից: Մրցույթի ողջ ընթացքը համեմվեց գեղագիտական կատարումներով:

* Ընտանեկան կյանքի գլխավոր իմաստն ու նպատակը երեխաների դաստիարակությունն է և օրվա բովանդակությունը ծառայեց այդ գլխավոր նպատակին,- այսպես գնահատեց մրցատյանը թիմերի աշխատանքը:

* Երեխաների դաստիարկության հիմնական դպրոցը ընտանիքն է,- շնորհավորանքի խոսքն այսպես սկսեց դպրոցի տնօրեն Սիրանուշ Հարությունյանը և բարեբախտություն մաղթեց բոլոր ընտանիքներին:

Միջոցառմանը ներկա էին ՎՎ Հայաստան ՏԶ գրասենյակի աշխատակիցներ Մանյա Մաթևոսյանը և Անդրանիկ Մարտիրոսյանը, ովքեր նվերներ հանձնեցին մասնակիցներին:

Դպրոցի տնօրեն Ս. Հարությունյանը լրացուցիչ հարցերով ամփոփեց միջոցառումը:

 

Կապանի N 5 հիմնական դպրոց