Արայիկ Հարությունյանը նշանակվել է ՀՀ կրթության և գիտության նախարար

Մայիսի 14, 2018

Պաշտոնական

Հիմք ընդունելով ՀՀ վարչապետի առաջարկությունը` համաձայն Սահմանադրության 150-րդ հոդվածի, ՀՀ  նախագահ Արմեն Սարգսյանի հրամանագրով  Արայիկ Հարությունյանը նշանակվել  է ՀՀ կրթության և գիտության նախարար:

Ստորև` ԿԳ նախարար Արայիկ Հարությունյանի կենսագրությունը.
Ծնվել է 1979թ. սեպտեմբերի 2-ին Երևանում։
1986-1996թթ. սովորել է Երևանի Վիկտոր Համբարձումյանի անվան թիվ 12 միջնակարգ դպրոցում։
1996-2003թթ. սովորել է Երևանի պետական համալսարանի արևելագիտության ֆակուլտետի արաբագիտության բաժնում՝ 2001թ․ ստանալով արաբագիտության բակալավրի, իսկ 2003թ.՝ արաբագիտության մագիստրոսի աստիճան։
1998-1999թթ. սովորել է Դամասկոսի «Արաբերենն արտասահմանցիների համար» ինստիտուտում: 
2007թ. ավարտել է Ռուսաստանի գիտությունների ակադեմիայի Արևելագիտության ինստիտուտի ասպիրանտուրան՝ ստանալով պատմական գիտությունների թեկնածուի աստիճան («Թուրք-սիրիական հարաբերությունները 1980-ականներին – 21-րդ դարի սկզբին»)։ 
Գիտական 6 հոդվածի հեղինակ է: 
2007թ.-ից դասախոսում է Երևանի պետական համալսարանի Արևելագիտության ֆակուլտետում, «Արաբագիտության արդի հիմնախնդիրներ» մագիստրոսական ծրագրի ղեկավարն է: 
2005-2006թթ. աշխատել է մարդու իրավունքների «Հելսինկյան ասոցիացիայում»` որպես ծրագրի ղեկավար, 2010-2011թթ.` 1in.am լրատվական կայքում` որպես միջազգային բաժնի պատասխանատու, 2013-15թթ.` Araratnews.am կայքում` որպես միջազգային բաժնի պատասխանատու։
2008թ. եղել է «ՀԻՄԱ» երիտասարդական նախաձեռնության համահիմնադիր: 
2011թ.-ից «ՀԻՄԱ» ՀԿ խորհրդի անդամ է։ 
Հայերենի խնդիրներով մտահոգ մի խումբ քաղաքացիների հետ հիմնադրել է «Մենք դեմ ենք օտարալեզու դպրոցներին» քաղաքացիական նախաձեռնությունը, «Բանակն իրականում» խմբի անդամ է։ 
2014 թ-ից «Թրանսփարենսի ինթերնեյշնլ» հակակոռուպցիոն կազմակերպության անդամ է: 
2007-2010թթ. ներգրավված է եղել հայ-թուրքական հաշտեցման երիտասարդական նախաձեռնություններում։
2013-2015թթ. եղել է «Քաղաքացիական պայմանագիր» հանրային-քաղաքական միավորման կառավարման խորհրդի անդամ: 
2015-2016թթ. եղել է «Քաղաքացիական պայմանագիր» կուսակցության վարչության նախագահ:
2016 թ. հոկտեմբերի 30-ին վերընտրվել է «Քաղաքացիական պայմանգիր» կուսակցության վարչության անդամ:
2017 թ. մայիսի 14-ին «Ելք» դաշինքի առաջադրած ցուցակով ընտրվել է Երևանի ավագանու անդամ:
2018թ. մայիսի 11-ից ՀՀ կրթության և գիտության նախարարն է:

Նյութի աղբյուրը. ՀՀ կրթության և գիտության նախարարություն