Ապրիլի 26-ին ԿԳՆ «Ընտանիք» մանկապատանեկան ստեղծագործական կենտրոնում ամփոփվեց ««Ընտանիք»-ն անիվների վրա» կրթական ծրագիրը:
Ընդլայնելով իր գործունեության շրջանակները՝ Արմավիրի և Շիրակի մարզերի գյուղական համայնքներից, Ջավախքի կրթամշակութային հաստատություններից զատ, այս տարի ծրագրում ընդգրկվեցին նաև Լոռու մարզի համայնքները:
Ծրագրի նպատակն էր դեռահասներին ուղղորդել մասնագիտական կողմնորոշման հարցում, օգնել բացահայտելու սեփական ներուժն արհեստի և արվեստի ոլորտում, կարևորել արտադպրոցական կրթության դերը, վեր հանել գյուղական համայնքներում նախընտրելի մասնագիտությունները, նպաստել ազգային արհեստի և արվեստի տարածմանն ու պահպանմանը:
Եզրափակիչ միջոցառմանը ներկա էին «Ընտանիք» կենտրոնի տնօրինությունը, մանկավարժական հանրույթը, ծրագրին մասնակից համայնքների միջնակարգ դպրոցների տնօրեններ, մանկավարժներ, դեռահասներ, ինչպես նաև ծնողներ և սաներ: Հյուրերը դիտեցին «Մասնագիտական կողմնորոշման» դասերի արդյունքում կենտրոնի սաների և համայնքաբնակ դեռահասների համատեղ պատրաստած աշխատանքների ցուցահանդեսը:
Միջոցառման հանդիսավոր մասում ներկաները տեսանյութի միջոցով ծանոթացան ծրագրի 1-ին և 2-րդ փուլերի ընթացքում իրականացրած աշխատանքներին, ներկայացվեցին փաստեր կրթական ծրագրի արդյունավետության և տարեցտարի նկատվող դրական ազդեցության վերաբերյալ:
Կենտրոնի տնօրեն Արթուր Մինասյանն ամփոփելով ծրագիրը` շնորհավորեց ու շնորհակալություն հայտնեց ներկա հյուրերին համագործակցության համար և նրանց հանձնեց շնորհակալագրեր:
«Շատ հուզումնալից և ուրախալի պահ է, որովհետև մենք գտնվում ենք գեղեցիկ ու հաճելի կենտրոնում, որտեղ մթնոլորտը թելադրող է: Ողջունելի է այսպիսի ծրագրերի իրականացումը համայնքների դպրոցներում, առավել ևս սահմանամերձ գյուղերում: Իմ երախտագիտական և խորին շնորհակալական խոսքն են ուղղում կենտրոնի անձնակազմին՝ ի դեմս տնօրեն պարոն Մինասյանի, որ կարողացավ համատեղ ուժերով կազմակերպել երկուստեք հանդիպումներ: Մեր դպրոցում ականատես եղանք այնպիսի գեղեցիկ ակնթարթի, որը միշտ կմնա մեր հիշողության մեջ: Շնորհակալություն Ձեզ»,-նշեց իր ելույթում Աղինի միջնակարգ դպրոցի տնօրեն Խաչիկ Էլբակյանը:
Պարգևատրվեցին նաև «Ընտանիք» կենտրոնի սաները և համայնքների դեռահասները՝ «Մասնագիտական կողմնորոշման» դասընթացներին ակտիվ մասնակցելու համար:
«Շնորհակալություն եմ հայտնում կենտրոնի տնօրինությանն ու մանկավարժներին այս ուսուցողական ծրագին մասնակցելու համար: Շրջագայելով տարբեր համայնքներ՝ ծանոթացա գյուղական բնակավայրերին, ձեռք բերեցի շատ ընկերներ: Այս ծրագրում ինձ համար ամենակարևորը այն էր, որ հնարավորություն ունեցա կենտրոնում ստացած իմ գիտելիքներն ու փորձը փոխանցել տարեկիցներիս»,- կիսվեց իր տպավորություններով կենտրոնի խեցեգգործության խմբակի սան Հրաչ Հովհաննիսյանը:
Միջոցառումը եզրափակվեց «Ընտանիք» կենտրոնի սաների և համայնքների դեռահասների գեղարվեստական ելույթներով:
Հ. Սարգսյան
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ