ՀՀ կրթության և գիտության նախարար Լևոն Մկրտչյանն այսօր հանդիպել է «Բանավեճ, քննարկում, փոփոխություն» ծրագրի մասնակից շուրջ 60 երիտասարդների և ծրագիրն իրականացնող կոնսորցիումի անդամ հասարակական կազմակերպությունների ներկայացուցիչների հետ: Հանդիպումը նվիրված էր ՀՀ-ում ներառական կրթության հիմնախնդիրներին, նախարարության քաղաքականությանը տվյալ ոլորտում, ինչպես նաև երիտասարդների մասնակցությանը՝ այդ խնդիրները բարձրաձայնելու գործընթացում:
Նախարար Լևոն Մկրտչյանը շնորհակալություն է հայտնել «Ջինիշյան» հիշատակի հիմնադրամին՝ նման հանդիպում կազմակերպելու համար: «Երբ խոսում ենք ներառական կրթության մասին, հիմնականում նկատի ենք ունենում հատուկ կարիքներ ունեցող մարդկանց, սակայն ներառականությունը շատ ավելի խորը հասկացություն է: Կրթության մեջ ներառական հիմնախնդիր է, օրինակ, սիրիահայերի ինտեգրումը՝ հաղթահարելու առկա դժվարությունները կամ տաղանդավոր երիտասարդների խնդիրը՝ նրանց շահերը պաշտպանելու առումով: Այսինքն՝ որոշակի խմբերի՝ ընդհանուր համակարգի մեջ ներառվելը կրթական հիմնախնդիր է՝ անկախ նրանից, թե ինչ սկզբունքով է այն ձևավորված՝ գիտական, սոցիալական և այլն: Սա է ներառական կրթության փիլիսոփայությունը, սակայն քանի որ ամենամեծ խնդիրները վերաբերել են հատուկ կարիքներ ունեցողներին, շեշտադրումը գնացել է այդ ուղղությամբ: Երբ ժամանակին սկզբունքային որոշում կայացվեց՝ անցնել ներառական կրթության, մենք դիմագրավեցինք բազմաթիվ մարտահրավերների: ՀՀ մի քանի մարզում փորձնական ներդրեցինք համընդհանուր ներառականության համակարգը, որպեսզի արձանագրենք բացահայտված խնդիրները և ողջ հանրապետությունում այն ներդնելուց առաջ, այն է՝ մինչև 2022 թվականը, դրանք հասցնենք նվազագույնի: Կարծում եմ՝ մարզերում, այնուհանդերձ, պետք է պահել 1-2 կենտրոն՝ հատուկ կարիք ունեցող այն երեխաների համար, որոնց իսկապես հնարավոր չէ ներառել»,-նշել է նախարարը՝ որպես ներառականության անցման մարտահրավերներ ներկայացնելով նաև ուսուցիչների և հասարակության պատրաստվածության խնդիրը: «Միայն ուսուցչի օգնականի հաստիքը բավարար չէ. այսօր վերապատրաստման լուրջ գործընթացի կարիք ունենք: Ինչ վերաբերում է հասարակությանը, ապա պետք է ուրախությամբ փաստել, որ հասարակական կազմակերպությունների աջակցությամբ նաև մեզ հաջողվել է հասնել այն գիտակցությանը, որ ներկայումս հասարակության մեծամասնությունն ընդունում է ներառականության գաղափարը: Այս խնդրում, սակայն, պետք է անտեղի շտապողականություն չցուցաբերել, որը կրկին կարող է դժգոհության առիթ հանդիսանալ: Այսինքն՝ համակարգը պետք է ներդրվի աստիճանաբար և որակով, որ ծնողներն անհարկի չանհանգստանան, հասարակության հետ բացատրական աշխատանք տարվի՝ քայլ առ քայլ ներգրավվելու այդ գործընթացում: Այստեղ մեծ գործ ունեն կատարելու հասարակական հատվածը և մամուլը, որպեսզի հասարակությունը չբաժանվի երկու հակադիր ճամբարների՝ ներառականությանը կողմ և դեմ»,-ընդգծել է նախարարը:
«Ջինիշյան հիմնադրամի քաղաքացիական հասարակության և կրթական ծրագրերի համակարգող Ռուբեն Կրիկյանի խոսքով՝ «Բանավեճ, քննարկում, փոփոխություն» ծրագրի նպատակն է՝ հզորացնել Երևանի, Գյումրու, Վանաձորի և Գավառի երիտասարդներին՝ նրանց հնարավորություն ընձեռելով զարգացնել իրենց գիտելիքներն ու հմտությունները, իրականացնել արդյունավետ հետազոտություններ, բացահայտել և խորացնել նրանց ընկալումը թեժ հասարակական, տնտեսական և քաղաքացիական հիմնախնդիրների վերաբերյալ և ազատ արտահայտել իրենց գաղափարները:
Հանդիպման մասնակիցները մի շարք հարցեր են ուղղել ՀՀ ԿԳ նախարարին, որոնք, մասնավորապես, վերաբերել են ներառականության հիմնախնդիրների վերաբերյալ իրազեկման ապահովման, հաշմանդամություն ունեցող անձանց համար համապատասխան միջավայրի ստեղծման, ներառականության շարունակականության ապահովման, մասնավորապես, բուհական համակարգում որակյալ մասնագետների և մեթոդական աջակցության ապահովման և այլ հարցերի:
Նյութի աղբյուրը. ՀՀ կրթության և գիտության նախարարություն
Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․
Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…
1. Մեդիագրագիտություն · Ի՞նչ է նշանակում լինել մեդիագրագետ: Ինչպես ստանալ, սպառել և տարածել տեղեկատվությունը: Ինչպես զատել արժանահավատ և սուտ տեղեկությունները: Ինչու է անհրաժեշտ կասկածել ցանկացած տեսակի տեղեկատվության հավաստիությանը: Ինչպես չդառնալ…
Հարգելի ուսուցիչներ և ծնողներ, սիրելի երեխաներ․ «Հայաստանի օպերատորների միություն» ՀԿ-ն Հեռահաղորդակցության միջազգային միության (ITU) հետ համատեղ Հայաստանում անցկացնում է Երեխաների առցանց անվտանգությանը նվիրված ծրագիր: Ծրագրի շրջանակներում ստեղծված «Համացանցի ռեսուրսների անվտանգ…
«Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկ՝ 01.05.23 ավարտ՝ 07.05.2023թ Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2O
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
Այսօր ՀՀ-ում ուսուցիչների շարունակական մասնագիտական զարգացման համատեքստում կարևորագույն մարտահրավերներից մեկը համընդհանուր ներառական կրթական համակարգի ներդրումն է։ Ցավոք, ուսուցիչներից շատերը ներառական կրթությունն ընկալում են նեղ իմաստով, այն է` միայն հաշմանդամություն կամ այս կամ այն ֆունկցիայի խանգարում ունեցող երեխաների կրթությունը հանրակրթական դպրոցներում․․․Այս դասընթացի շրջանակներում նախատեսվում է կրթական բազմազան կարիքներ ունեցող երեխաների արդյունավետ ուսումնառության ապահովման և ներառող դասավանդման իրականացման համար անհրաժեշտ կարողունակությունների ձևավորում և զարգացում, մասնավորապես. ● Ծանոթանալ Համընդհանուր ներառական կրթության քաղաքականությանը, սկզբունքներին և օրենսդրական հիմքերին● Ճանաչել, տարբերակել և գնահատել աշակերտների կրթական կարիքները, հստակեցնել և մշակել այդ կարիքների՝ ժամանակին և արդյունավետ լուծման համար անհրաժեշտ ռազմավարություններ ●Պլանավորել, հարմարեցնել, անհատականացնել ուսումնառության գործընթացը` օգտագործելով կրթական բազմազան կարիքներից բխող դասավանդման մոտեցումներ և մեթոդներ, մասնավորապես՝ ուսումնառության համընդհանուր ձևավորումը (ՈՒՀՁ)։ ● Կազմել օրվա դասի պլան հինգ քայլով՝ «Կենտրոնների տեղափոխման » մոդելով Դասընթացավարներ՝ Արմենուհի Աբրահամյան, Արալեզի միջնակարգ դպրոց, անգլերենի ուսուցչուհի Մարինե Զարոյան, Արալեզի միջնակարգ դպրոց, դասվար