ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Հայաստանի երեք տարածաշրջանային քոլեջներում կներդրվի ուսումնական նոր մոդուլ՝ սառեցման և օդորակման համակարգերի ճարտարագիտության ուղղությամբ: Այս համատեքստում ՄԱԿ-ի հայաստանյան գրասենյակում ՀՀ կրթության և գիտության նախարարի տեղակալ Վահրամ Մկրտչյանն ու ՀՀ բնապահպանության նախարարի տեղակալ Խաչիկ Հակոբյանը ստորագրել են փոխըմբռնման հուշագիր՝ «Հայաստանի հիդրոքլորֆտոր ածխածինների փուլային փոխարինում» ծրագրի 2-րդ փուլի իրականացման վերաբերյալ: Հուշագրով նախատեսվում է աջակցել ՀՀ ԿԳ նախարարությանը նախնական (արհեստագործական) և միջին մասնագիտական կրթության, հետագայում նաև բարձրագույն կրթության համակարգերում մշակել և ներդնել համապատասխան ուսումնական մոդուլ:
Ծրագրի առաջնային նպատակն է օժանդակել Հայաստանի Հանրապետությանը կատարել 2020 թվականի համար Մոնրեալի արձանագրությամբ ստանձնած պարտավորությունները, որը ենթադրում է կրճատել հիդրոքլորֆտոր ածխածինների օգտագործումը տնտեսության մեջ: Հիմնական ենթաբաղադրիչն է՝ սառնարանային սարքավորումների արտազատման համակարգի գործունեության և միջին մասնագիտական կրթության համակարգում մասնագետների պատրաստման հզորությունների կատարելագործումը: Այդ նպատակով նախատեսվում է օզոնաանվտանգ տեխնիկական սարքավորումներ սպասարկող ճարտարագետի մասնագիտության ներդրում մասնագիտական կրթության համակարգում: Մեկնարկային փուլի համար ընտրվել են երեք տարածաշրջանային քոլեջներ, որոնք նոր մասնագիտությունների ներդրման համար ստանալու են տեխնիկական աջակցություն: Մասնավորապես, ՄԱԿ-ի աջակցությամբ հաստատությունները կստանան ուսումնական սարքավորումների հավաքածուներ՝ համապատասխան դասընթացներ կազմակերպելու և մասնագետներ պատրաստելու համար: Բացի այդ, հայկական կողմը կստանա օզոնաանվտանգ եղանակով տեխնիկայի սպասարկման 25 հավաքածու, որոնք կբաշխվեն համապատասխան ուսուցում անցած և մրցութային կարգով ընտրված մասնագետներին՝ տարբեր ոլորտներում չափիչ նպատակներով օգտագործելու համար:
Կարևորելով համագործակցությունը՝ ՀՀ կրթության և գիտության նախարարի տեղակալ Վահրամ Մկրտչյանն ընդգծել է պետական և միջազգային կառույցների ուժերի մեկտեղումն ուսումնական նոր մոդուլի ներդրման գործում. «Կրթության և գիտության նախարարության կողմից ընտրվել են միջին մասնագիտական կրթական երեք հաստատություններ՝ Երևանի թիվ 2, Արմավիրի և Արարատի տարածաշրջանային քոլեջները, որտեղ կպատրաստվեն սառնարանային և օդորակման համակարգերի նոր վարպետներ: Ժամանակի պահանջներին համապատասխան մասնագետների հիմնական հմտությունն օզոնաանվտանգ համակարգերի սպասարկումն է լինելու, որը, ինչպես ամբողջ աշխարհում, այնպես էլ մեզ մոտ մտահոգության առաջնային խնդիր է: Ժամանակի ընթացքում կրթության համակարգի և տնտեսության իրական հատվածի միջև որոշակի խզում է առաջացել՝ տարբեր պատճառներով: Աշխատաշուկայում մասնագիտական համապատասխան որակավորում չունեցող կադրերի առկայությունը պայմանավորված է նաև գործատուների ոչ հետևողական պահանջներով: Այս հուշագիրը, որին հետևելու է նոր մասնագիտության ներդրումը, կոնկրետ քայլ է այդ ուղղությամբ: Հետագայում մենք նպատակ ունենք վարպետ մասնագետների որակավորման պահանջին ավելի խստորեն մոտենալ»,- նշել է Վահրամ Մկրտչյանը: Անդրադառնալով ծրագրի համար ընտրված քոլեջներին՝ ԿԳ նախարարի տեղակալը նշել է, որ Երևանի թիվ 2 տարածաշրջանային քոլեջում ներդրված է սառնարանային տնտեսություն՝ սոցիալական ձեռնարկության ծրագրով, որը կարող է արդյունավետ բազա հանդիսանալ սառնարանային և օդորակային համակարգերի մասնագետների պատրաստման համար: ՀՀ բնապահպանության նախարարի տեղակալ Խաչիկ Հակոբյանը նշել է, որ բնապահպանական բազմաթիվ ծրագրեր, որոնցից մեկն էլ «Հայաստանի հիդրոքլորֆտոր ածխածինների փուլային փոխարինում» 2-րդ փուլի ծրագիրն է, ունեն մասնակցային բաղադրիչ, որն ենթադրում է շահառու դարձնել նաև այլ գերատեսչությունների՝ հաշվի առնելով հարակից ոլորտների կարիքներն ու պահանջները. «Որոշել ենք թիրախավորել խնդիրները՝ լուծման գործընթացում ընդգրկելով մասնագետների, ովքեր իրենց աշխատանքային գործունեության բնույթից ելնելով ազդեցություն են ունենում օզոնային շերտի վրա:Այս մասնագետներին դիտարկելով հիմնական թիրախ՝ նպատակ ունենք նրանց մոտիվացնել օզոնային շերտի պահպանության հարցում մեր ստանձնած պարտավորությունների կատարմանն աջակցելու համար»,- նշել է բնապահպանության նախարարի տեղակալը:
Նշենք, որ հուշագրով կողմերը պարտավորվում են մշակել ուսումնական մոդուլներ ու համապատասխան ձեռնարկներ, աջակցել ընտրված ՄԿՈՒ, անհրաժեշտության դեպքում նաև բարձրագույն ուսումնական հաստատությունների կարողությունների զարգացմանը և տեխնիկական հագեցվածությանը, ապահովել ուսանողների համար ոլորտի վերաբերյալ կայուն գիտելիքների ու տեղեկատվության հասանելիությունը:
Նյութի աղբյուրը. ՀՀ կրթության և գիտության նախարարություն
Կրթական ֆորումի հարգելի մասնակիցներ Այս թեմայի շրջանակներում կազմակերպվում է քննարկում դասերի պլանավորման առցանց գործիքների վերաբերյալ․․․
Ճապոնիայի դպրոցական կրթությունը Կրթության ոլորտում Ճապոնիայի կատարած ծախսերի տեսակարար կշիռը պետական բյուջեի ընդհանուր ծախսերում զգալիորեն զիջում է արևելյան որոշ երկրների նույն ցուցանիշին: Եթե Չինաստանում այն 16.7% է, իսկ Կորեայում՝ 18.2%,…
1. Մեդիագրագիտություն · Ի՞նչ է նշանակում լինել մեդիագրագետ: Ինչպես ստանալ, սպառել և տարածել տեղեկատվությունը: Ինչպես զատել արժանահավատ և սուտ տեղեկությունները: Ինչու է անհրաժեշտ կասկածել ցանկացած տեսակի տեղեկատվության հավաստիությանը: Ինչպես չդառնալ…
Հարգելի ուսուցիչներ և ծնողներ, սիրելի երեխաներ․ «Հայաստանի օպերատորների միություն» ՀԿ-ն Հեռահաղորդակցության միջազգային միության (ITU) հետ համատեղ Հայաստանում անցկացնում է Երեխաների առցանց անվտանգությանը նվիրված ծրագիր: Ծրագրի շրջանակներում ստեղծված «Համացանցի ռեսուրսների անվտանգ…
«Գիտելիքների ստուգման ինտերակտիվ թեստերի ստեղծում (Liveworksheets)» թեմայով դասընթաց: Դասընթացավար՝ Լուսինե Մանուկյան (lusine@ktak.am) Մեկնարկ՝ 01.05.23 ավարտ՝ 07.05.2023թ Դասընթացին միանալու և նյութերին ծանոթանալու համար՝ https://dlc.armedu.am/course/view.php?id=84 (https://dlc.armedu.am/course/view.php?id=84&fbclid=IwAR2O
ՀՀ ԿԳՄՍՆ «Կրթության զարգացման և նորարարությունների ազգային կենտրոն» հիմնադրամը մշակում է հերթական ատեստավորման ենթակա ուսուցչի մասնագիտական զարգացման կարիքների գնահատման աշխատակարգ և ուղեցույց: Գյումրու թիվ 38 հիմնական դպրոցը հանդիսանում է ԿԳՄՍ նախարարության կողմից հաստատված վերապատրաստող կազմակերպություն։ Վերապատրաստումների անցկացման ընթացքում ձեռք բերված փորձը հուշեց գրել այս ծրագիրը, որը հիմք կհանդիսանա ուսուցիչների ինքնագնահատման գործիքների ստեղծման համար։ Ուսուցչի մասնագիտական զարգացման կարիքների գնահատումը նախատեսվում է իրականացնել ուսուցչի ինքնագնահատման, ինչպես նաև ուսումնական հաստատության տնօրենի, տնօրենի տեղակալի, առարկայական մեթոդական միավորման նախագահի դիտարկումների և դասալսումների միջոցով: Գնահատումն իրականացվելու է ամեն տարի՝ սեպտեմբեր-հունվար ամիսներին: Ուսուցչի մասնագիտական զարգացման կարիքների գնահատման ենթակա են տվյալ հանրակրթական ուսումնական հաստատության ընթացիկ ուստարում հերթական ատեստավորման ենթակա բոլոր ուսուցիչները: Դպրոցի տնօրինությունը չունի գործընթացը լիարժեք վերահսկելու և կարիքների վերհանման գործուն մեխանիզմներ, իսկ ուսուցիչը՝ ինքնագնահատման գործիքներ, որը կառաջացնի որոշակի խուճապ ուսուցիչների մոտ։ Ելնելով վերոհիշյալից ԿԶՆԱԿ հիմնադրամի կողմից առաջարկվող ինքնագնահատման հարցաթերթիկը լրացնելու համար անհրաժեշտ է ապահովել ուսուցիչների մասնագիտական կարիքների վերհանման անկողմնակալ, միջանկյալ մեխանիզմ։ Ստեղծել ՈԻԿՀ (Ուսումնական կառավարման համակարգ) հարթակներից որևէ մեկի ՝ MS Teams, Google Classroom, Moodle միջոցով հարցերի բանկ, որն իր մեջ կընդգրկի շարունակական լրացվող հարցեր այն բոլոր բաղադրիչներից, որոնք ուսումնասիրվում են պարտադիր ատեստավորման ենթական ուսուցիչների վերապատրաստման ընթացքում։ Հարցաշարերը կկազմվեն Google Forms կամ MS Forms գործիքներով: Միջանկյալ գործիքները հնարավորություն կընձեռեն ուսուցիչներին մինչև տնօրինության կողմից հարցաթերթիկի լրացումը բացահայտել իրենց կարիքները և լինել ավելի ինքնավստահ և ինքնուրույն շարունակաբար աշխատել իր մասնագիտական զարգացման վրա։ Գործիքի ստեղծումից հետո կառաջարկենք վերապատրաստող կազմակերպություններին, որպեսզի նրանք ևս օգտագործեն այս միջանկայլ մեխանիզմը և վերապատրաստումների որակն ավելի բարձրացնեն, դարձնեն նպատակային, և´ ուսուցիչները, և´ վերապատրաստող կազմակերպությունները հնարավորություն կունենան իրենց աշխատանքի որակը բարձրացնելու, կաջակցենք ԿԳՄՍ նախարարությանը այս գործընթացը արդյունավետ անցկացնելու գործում։ Նմուշ օրինակ, որը սակայն մշտապես փոփոխվելու է և վերամշվելու պայմանավորված կրթական բարեփոխումներով։ Նախատեսում ենք նաև աջակցել մեթոդմիավորումներին դասալսումների վերլուծությունների համար։ Հարթակից օգտվելու հնարավորություն կստեղծվի նաև հանրակրթական դպրոցների տնօրինությանը։ Հաստատված պետական և առարկայական նոր չափորոշիչներում կարևոր դեր է հատկացված սովորողների քննադատական մտածողության զարգացմանը, նախագծեր իրականացնելուն, որը սակայն կարող է միայն իրականացնել այն ուսուցիչը որն ինքը ունի հետազոտական հմտություններ և կարողունակություններ: Չափորոշչային պահանջները իրականացնելու համար անհրաժեշտ է առաջին հերթին զարգացնել ուսուցիչների մասնագիտական և հետազոտական հմտությունները: Շատ ուսուցիչներ ի վիճակի չեն խնդիրները բացահայտելու ինքնուրույն լուծումներ առաջարկելու առավել ևս դրանք լուծելու: Ուսուցիչները պարտադիր ատեստացիոն վերապատրաստումների ժամանակ լուրջ դժվարությունների են հանդիպում հետազոտական աշխատանքեր գրելու ընթացքում, մասսայական արտագրություններ, կոռուպցիոն ռիսկեր: Վերապատրաստումները ավարտվելուց հետո ուսուցիչները մեծամասամբ ի վիճակի չեն լինում ինքնուրույն լուծումներ գտնելու, դպրոցը կենդանի օրգանիզմ է, անընդհատ նոր փոփոխությունների կարիք կզգացվի: Հետևաբար այս պահին առաջնահերթություն է ուսուցիչների հետազոտական հմտությունների զարգացումը: Նախնական փուլում մեր կողմից կիրականցվի հարցում ուսուցիչների հետ, վերապատրաստում անցած Շիրակի մարզի տարբեր շրջանների ուսուցիչների մոտ, բացահայտելու համար նրանց կրթական կարիքները, մասնավորապես հետազոտական աշխատանքներ իրականացնելիս, դասպլաններ կազմելիս: Երկրոդ փուլում ընտրված ուսուցիչների հետ ըստ իրենց կարիքների կանցկացվեն անհատական վերապատրաստումներ և հետազոտական հմտությունների զարգացման աշխատանքներ: Գործնական մասում նրանց հետ կզարգացնեք հետազոտական աշխատանքներ գրելու հմտություններ: Արդյունքում կստեղծվի հետազոտական աշխատանքների բանկ, որը հասանելի կլինի մյուս ուսուցիչներին ևս, որոնք կարող են այդ հետազոտությունների արդյունքներն օգտագործել խմբակների և նախագծային ուսուցման աշխատանքները պլանավորելիս: Բացահայտված կարիքները և առաջադրված խնդիրների լուծումները կփոխանցվեն ԿԳՄՍ նախարարություն կրթական քաղաքականության ռազմավարություններ մշակելու համար:
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ
