Մարտի 26-ին կրթության և գիտության նախարարության «Ընտանիք» մանկապատանեկան ստեղծագործական կենտրոնում մեկնարկվեց ««Ընտանիք»-ն անիվների վրա» կրթական ծրագրի առաջին փուլը: Շիրակի մարզի բարձրադիր և սահմանամերձ համայնքների /Աղին, Աշոցք, Բագրավան, Մեծ Մանթաշ, Փոքր Մանթաշ, Ձորակապ, Հայկաձոր, Ջրափի, Մարալիկ/ և Ջավախքի կրթամշակութային կենտրոնների թվով 18 մանկավարժ մասնակցեցին արտադպրոցական կրթության կազմակերպման, ծրագրերի մշակման և իրականացման հմտությունների վերաբերյալ վերապատրաստման դասընթացներին:
Կրթական ծրագրի նպատակն էր կարևորել արտադպրոցական կրթության դերը, վերապատրաստման դասընթացների և գործնական պարապմունքների կազմակերպմամբ բացահայտել և նպաստել մանկավարժների մասնագիտական կարողությունների ձևավորմանը:
Կենտրոնի փոխտնօրեն Սվետլանա Պետրոսյանը դասընթացի մասնակիցներին ներկայացրեց կրթական ծրագիրը և դրա կարևորությունը, փաստեց նաև նախորդ տարիների ձեռք բերած արդյունքները:
5-օրյա վերապատրաստման դասընթացների ընթացքում մանկավարժներն ուսումնասիրեցին «5-18 տարեկան դեռահասների արտադպրոցական կրթության կարևորությունը և հիմնախնդիրները», «Անհատական և շերտավոր դասավանդման կարևորությունն արտադպրոցական կրթության գործընթացում», «Մասնագիտական և դաստիարակչական աշխատանքների ծրագրերի կազմման եղանակները», «Համայնքային հետազոտության իրականացման և լրացուցիչ կրթության կարիքների հայտնաբերման մեթոդների ուսումնասիրում» թեմաները:
Խմբային աշխատանքների և դերախաղերի միջոցով մանկավարժները ներկայացրին սեփական համայնքների հիմնախնդիրները, նախընտրելի մասնագիտությունների ուսուցման անհրաժեշտությունը, դրանց զարգացման հեռանկարները, ինչպես նաև իրենց կազմած մասնագիտական և դաստիարակչական աշխատանքների ծրագրերը։
Ծրագրի շահառուները վերապատրաստող մանկավարժ Անուշ Մկրտչյանի հետ քննարկեցին, վերլուծեցին նրանց կատարած գործնական հանձնարարությունները և կիրառելիության արդյունավետությունը:
Արտադպրոցական կրթության իրականացման տեսական դասընթացներից զատ՝ մանկավարժներն, ըստ իրենց նախընտրած մասնագիտությունների, մասնակցեցին կենտրոնի ուսուցողական խմբակներում գործնական պարապմունքների: Կենտրոնի մասնագետները մեծ ջանասիրությամբ իրենց հմտությունները և մասնագիտական փորձը փոխանցեցին համայնքաբնակ մանկավարժներին:
Մարտի 30-ին ամփոփվեցին վերապատրաստման դասընթացների արդյունքները՝ կլոր սեղան-քննարկմամբ, որին ներկա էին «Ընտանիք» կենտրոնի տնօրինությունը, աշխատակիցներն ու վերապատրաստվող մանկավարժները: Վերջիններս բարձր գնահատեցին կենտրոնի իրականացրած գործունեությունն արհեստի ու արվեստի պահպանման, դեռահասների զբաղվածության ապահովման, կրթման, մասնագիտական կողմնորոշման և շնորհալի սաների բացահայտման գործում: Նրանք ողջունեցին ծրագրի իրականացման գաղափարը և համագործակցությունը սահմանամերձ, բարձրադիր համայնքների հետ:
Համատեղ քննարկումների ընթացքում հնչեցին բազմաթիվ հարցեր ու առաջարկներ՝ դասընթացների կազմակերպման և հետագա համագործակցության հեռանկարների մասին:
Կենտրոնի տնօրեն Արթուր Մինասյանը շնորհավորեց ծրագրի մասնակիցներին և նրանց հանձնեց վերապատրաստման դասընթացների մասնակցության վկայականներ:
Կրթական ծրագրի վերաբերյալ վերապատրաստվածների արտահայտած տպավորություններն ու առաջարկությունները փաստեցին, որ արդյունքն իսկապես գոհացուցիչ էր, սպասելիքներն ու ակնկալիքներն՝ արդարացված:
Հ. Սարգսյան
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ