Ինքնակառավարումը նոր դպրոցի փիլիսոփայություն է

Մարտի 23, 2018

Դպրոցական անցուդարձ

     Մարտի 21-ը,  ռասսայական խտրականության դեմ պայքարի համերաշխության օրն է: 

     Կապանի N 5 հիմնական դպրոցի Աշակերտական խորհուրդը,  ոչ ասելով ցանկացած խտրականության, իրականացրեց ինքնակառավարում: Դպրոցի հաստիքային աշխատողներին փոխարինեցին բարձր դասարանների աշակերտները, որոնք օրեր առաջ համագործակցելով նրանց հետ, ճանաչեցին պաշտոնային պարտականությունները և տնօրենի հրամանով` անցան  գործի:

      Բոլոր պաշտոնակատար աշակերտները դպրոց մտան ավելի վաղ, քան մնացած օրերին: Նրանց կեցվածքը կոկիկ էր, ուսուցչի կերպարին համապատասխան:

    Օրն ընթացավ աշխատանքային եռուզեռով:  Ուսումնաօժանդակ օղակում մուրճի ձայնն էր  և դպրոցամերձ տարածքի աշխատանքները: Ուսումնադաստիարակչական մասում օրվա  պլաններով զինված ուսուցիչներն էին և նրանց հաջողված պարապմունքները:

   Դասերն ավարտվելուց հետո, ավագ և կրտսեր գործընկերները գարնանային տրամադրությամբ ու  գարնան բույրով աrույգացած, անմահացան դպրոցի գարնանաշունչ բակում, որից հետո գումարեցին ամփոփիչ խորհրդակցություն:

- Դպրոցը դաստիարակում է  երեխաներ, որոնք կկարողանան իրենց վրա վերցնել երկրի, ժողովրդի, ապագայի պատասխանատվությունը: Այդուհանդերձ, ինքնակառավարումը ինքնակազմակերպման, ինքնագնահատման, նաև մասնագիտական կողմնորոշման հնարավորություն է : Օրվա նպատակն էր, որ աշակերտները գիտակցեն ուսուցչի գործի ծավալը, կարևորությունը, դժվարությունը,- ասաց փոխտնօրեն Ալինա Մկրտչյանը և ավելացրեց,- դա մեզ հաջողվեց:

- Ինքակառավարումը` ինքն իրեն կառավարելը դաստիարակության գործընթաց է, որը նպաստում է  նոր դպրոցի կրթության փիլիսոփայության ըմբռնմանը: Ես խրախուսում եմ աշակերտական նախաձեռնությունը և հակված` աջակցելու ամեն նորի ու նորարարությանը, որը ինքնուրույն մտածողության գրավվականն է,- աշակերտակենտրոն օրն այսպես ամփոփեց դպրոցի տնօրեն Սիրանուշ Հարությունյանը:

Կապանի N 5 հիմնական դպրոց