Պատրաստ եղի՛ր դիմակայել աղետին

Մարտի 5, 2018

Դպրոցական անցուդարձ

Քաղացիական  պաշտպանության  միջազգային   օրվան՝  մարտի 1-ին նվիրված  Լճաշեն գյուղի  Ա.Տեր-Գրիգորյանի  անվան միջնակարգ  դպրոցի  1-12-րդ  դասարաններում անցկացվեցին   գործնական  պարապմունքներ   ու զրույցներ՝  «Փրկարարական  և տարհանման միջոցառումների  իրականացումը» թեմայով:

5-12-րդ դասարաններում  զինղեկի  և դասղեկների  նախաձեռնությամբ  անցկացվեցին  փրկարարական, տեղահանման և առաջին  բժշկական  օգնության  միջոցառումներ ՝  օգտագործելով  շինա, անշարԺացնող պարագաներ, պատգարակ, շնչադիմակ և  այլն: Առավել  ուշագրավ  էին  1-4-րդ  դասարանների  աշակերտների  «Պատրաստ  եղիր  դիմակայել աղետին» զրույցներն ու միջոցառումները: Դասասենյակների  կահավորանքը, ուսուցիչների մեղմ  ժպիտը տրամադրող էր. Հետաքրքիր ծրագիր էր սպասվում: Այն  կազմակերպել  էր տարրական կրթության  մեթոդական  միավորման նախագահ Վարսիկ  Կարապետյանը:

Հնչեցին զանգերը, և ազդարարվեց տագնապ: Զգացվեց, որ աշակերտները լավ պատկերացում ունեին կրակի, երկրաշարժի,ջրհեղեղի,գազի թունավորումների և  տարերքի այլ ընդվզուների  մասին:

Փոքրերի ասմունքը, երգը, նվագները ներթափանցված  են  հույզով, գիտելիքներով  ու  ուսուցողական  տրամադրությամբ:

1-ին ա, բ     դասարաններում  կազմակերպվեց  գործնական  պարապմունք՝ ինչպես  պաշտպանվել  երկրաշարժի  ժամանակ:Երեխաները   ցուցադրեցին  իրավիճակները

- մտնել  նստարանների  տակ

- կանգնել սենյակի  ամուր պատի  տակ

- պայուսակը գլխին՝ դուրս  գալ  ամենամոտ դռնից

2-րդ ա  դասարանում տարերային  աղետների  մասին  զրույց վարեց դասվար  Հ.Առաքելյանը:

3-րդ ա, 4-րդ ա, բ   դասարաններում   անցկացվեցին   զրույցներ  տարբեր  իրավիճակներում անվտանգության  կանոններն  իմանալու և  դրանք  կիրառելու  մասին:

Այստեղ  նույնպես  կատարվեց գործնական  աշխատանք ՝   երկրաշարժից, ջրհեղեղից, հրդեհից  պաշտպանվելու  համար:Երեխաները ճիշտ  կատարեցին  հրահանգները:

Կարևորեցին  այն   հանգամանքը , որ  բոլոր  դեպքերում պետք է ճիշտ  կողմնորոշվել  և  հնարավորության  դեպքում իրենց  հետ  վերցնել  փաստաթղթերը  և  առաջին  օգնության  դեղարկղը:

Գործնական  պարապմունքի  ավարտին  դպրոցի  տնօրեն  Ա.Մուրադյանը  շնորհակալություն  հայտնեց բոլոր  մասնակիցներին և կազմակերպիչներին  միջոցառումներն  ու  գործնական  պարապմունքը պատշաճ մակարդակով  անցկացնելու  համար  և  շեշտեց  դրանց  դաստիարակչական մեծ նշանակությունը աշակերտների  գիտելիքները  հարստացնելու  և  բոլորին տարերային  աղետներին  պատրաստ  դարձնելու   ուղղությամբ:

Տնօրենի՝ մասնագիտացված  կրթական աջակցությունների գծով տեղակալ՝ Ն.Դավթյան