Առակս ի՞նչ կցուցանե

Մարտի 5, 2018

Դպրոցական անցուդարձ

Մարտի 5-ին Կապանի N13 հիմնական դպրոցի հայոց լեզվի և գրականության ուսուցիչ Նաիրա Գրիգորյանը Vբ  դասարանում կազմակերպեց դաս-միջոցառում:
Թեման՝ «Առակս ի՞նչ կցուցանե» բաժնի ամփոփում
Դասի նպատակը՝
Առակի՝ իբրև ժանրի ճանաչում և իմացություն, առակների միջոցով համամարդկային արժեքների պատվաստում,զարգացում,լեզվական նյութի յուրացման ստուգում, գիտելիքները գրագետ վերարտադրելու,մտածելու,տրամաբանելու հմտությունների զարգացում, հիշողության,բառապաշարի զարգացում, ինքնուրույն աշխատելու, եզրահանգելու կարողության զարգացում,գեղագիտական դաստիարակություն:

Դասը հագեցած էր նոր մեթոդներով, հետաքրքիր բեմադրությամբ, գունագեղ ձևավորմամբ: 
Vա դասարանի աշակերտներն, ավարտելով «Առակս ի՞նչ կցուցանե» բաժինը, ներկայացրեցին իրենց սովորածն ու իմացածը: Խոսեցին, թե ինչ է առակը, ինչ գիտեն առակի մասին և ինչ առակներ են կարդացել: Բեմադրեցին փոքրիկ ներկայացումներ Եզոպոսի, Մխիթար Գոշի,Վարդան Այգեկցու առակներից: 

Աշակերտները աչքի ընկան իրենց ակտիվությամբ, իսկ ուսուցչուհու հմուտ մոտեցումը դասը հասցրեց իր նպատակին:

Իրենց գործնական նշանակության, ուսուցողական-ճանաչողական- դաստիարակչական բնույթի շնորհիվ, ինչպես Մխիթար Գոշի, այնպես էլ Վարդան Այգեկցու առակները աշակերտներին սովորեցնելով՝ վարժեցնում են դառնալու մեկնաբաններ : Մեջբերելով Այգեկցու «Վա՜յ ինձ, ով իմ որդիներ, որ աշխարհ պիտի գաք ինձանից հետո…» խոստովանանքը, խոսում է այն մասին, որ «սերունդների հետ խոսելու այս ազնիվ ցանկությունը համահունչ է նրա խրատական և միաժամանակ կենսալի առակների ուսուցողական ու դաստիարակչական պատգամներին»:

ՄԿԱ գծով փոխտնօրեն Ժաննա Վարդանյան