Գեղարքունիքի մարզի Լճաշեն գյուղի Ա.Տեր-Գրիգորյանի անվան միջնակարգ դպրոցում հունվարի 26-ին անցկացվեց ցերեկույթ՝ նվիրված Հայոց բանակի կազմավորման 26-րդ տարեդարձին:
Օրը տոնական է: Փողփողում է Հայոց եռագույնը: Ներս են մտնում զինվորական համազգեստ հագած աշակերտները,հպարտ ու հաստատուն քայլերով՝ «Ես եմ քո վաղվա զինվորը» անբեկանելի խոսքը շուրթերին: Սիրտդ լցվում է հպարտությամբ, երբ լսում ես Հայոց բանակին նվիրված գեղեցիկ ասմունքն ու երգերը, դիտում խրոխտ ու առնական պարերը:
Դժվար էր բանակաշինության ճամապարհը: Այսօր Հայոց բանակը վստահ ու աներեր քայլում է առաջ, դառնում մեր երկրի ու ժողովրդի խաղաղության երաշխավորն ու մշտարթուն պահապանը:
Շնորհավոր տոնդ, սիրելի Հայոց բանակ: Թող հաղթանակներդ ձեռք բերվեն խաղաղ պայմաններում:
Օրվա խորհուրդն իրենց գեղեցիկ ու խրոխտ կատարումներով ամբողջացրին դպրոցի 5-12-րդ դասարանների աշակերտները: Զինղեկ Գառնիկ Մանուկյանը ներկայացրեց մեր բանակի անցած ուղին: Բանակին նվիրված իրենց բանաստեղծություններով հանդես եկան 9-րդ դասարանի աշակերտ Արեգ Գասպարյանը և 11-րդ դասարանի աշակերտուհի Զարա Հարությունյանը: Միջոցառմանը ներկա էին դպրոցի տնօրինությունը, գյուղապետարանի աշխատակազմի ներկայացուցիչներ:
Տնօրեն Աիդա Մուրադյանը շնորհավորեց ներկաներին և դիմեց աշակերտներին. «Հայկական մարտունակ բանակը կայացավ մեր ժողովրդի զավակների մտքի, բազկի ու հնարամտության շնորհիվ: Ես միջոցառումից տպավորված եմ և համոզված, որ մեր աշակերտների աչքերում բռնկվող փայլատակումը վկայում է, որ նրանք կդառնան երկրին արժանի քաղաքացի» և հորդորեց լավ, շատ լավ սովորել, դառնալ ազգի լավ զավակ, հրաշունչ զինվոր, պատասխանատու քաղաքացի, ինչպիսիք էին 2016թ. ապրիլյան քառօրյային մասնակից փայլուն երիտասարդները, որոնք հայրենասիրության վառ օրինակներ են:
Բոլորը բավականությամբ ու ժպիտով հեռացան:
Ծ.Կարապետյան
Դաստիարակչական աշխատանքների կազմակերպիչ
ՀՀ ԿԳՄՍ նախարարի մարտի 11-ի 2024 թվականի N 07-Լ հրամանով հաստատվել է Հայաստանի Հանրապետության Տավուշի մարզի հանրակրթական ուսումնական հաստատությունների 2023-2024 ուսումնական տարվա 9–րդ դասարանի «Բնագիտություն» («ֆիզիկա», «Քիմիա», «Կենսաբանություն», «Աշխարհագրություն»՝ սովորողի…
Հարգելի գործընկերներ, ՀՀ ԿԳՄՍ նախարարի մարտի 11-ի 2024 թվականի N 08-Լ հրամանով հաստատվել է «Նախագծային ուսուցման հայեցակարգը և ուսուցիչների վերապատրաստման մոդուլը»: ՀՀ ԿԳՄՍ նախարարի հրամանը և հավելվածը նախարարության պաշտոնական կայքում…
Հեղինակ՝ Ani Hovhannisyan (https://forum.armedu.am/member/9839-ani-hovhannisyan) Այս թեման Անի Հովհաննիսյանի «Ուսուցման արդի մեթոդները որպես սովորողի ուսումնառության մոտիվացիա (https://forum.armedu.am/forum/%D5%AF%D6%80%D5%A9%D5%A1%D5%AF%D5%A1%D5%B6-%D5%B8%D5%AC%D5%B8%D6%80%D5%BF/%D5%B4%D5%A1%D5%BD%D5%B6%D5%A1%D5%A3%D5%A5%D5%BF
Ուսուցման արդի մեթոդները որպես սովորողի ուսումնառության մոտիվացիա Ինչպես ասել է ամերիկացի հոգեբան Ֆրեդերիկ Սքիները «Աշխարհը բարելավելու համար հարկավոր է շրջվել դեպի դրական կրթական մեթոդներ: Այն պահից, եր բացահայտվեն առավել արդյունավետ…
Նախագծային ուսուցումը դասավանդման մեթոդ է, որի միջոցով սովորողները ձեռք են բերում գիտելիքներ և հմտություններ՝ որոշակի ժամանակ հետազոտելով գործնական, համալիր և հրատապ բնույթի հարցեր, խնդիրներ և մարտահրավերներ: Նախագիծը առանձին սովորողների կամ…
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
Բարի գալուստ 7-րդ դասարանի ուսումնական նյութերի հեռավար դասընթացին: Մաղթում եմ բոլորիս արդյունավետ աշխատանքային ուսումնական տարի:
ՏՀՏ խմբակ
ՏՀՏ խմբակ