ԻՄՓԱՔԹ/ՍՔԱՅ ակումբները համալրվում են նոր շնորհալի առաջնորդներով

Հունվարի 30, 2018

Լուրեր կազմակերպություններից

Դիլիջան քաղաքում  անցկացվեց ԻՄՓԱՔԹ/ՍՔԱՅ երիտասարդական ակումբների առաջնորդների վերապատրաստման 6-օրյա դասընթացը, որին մասնակցեցին  Տավուշի, Շիրակի, Լոռիի և Արագածոտնի մարզի 18 երիտասարդներ: Նպատակն էր նշյալ մարզերում նոր հիմնվող և արդեն գործող ակումբների գործունեությունը համակարգող առաջնորդ-խմբավարների վերապատրաստումը, ինչպես նաև մասնակից երիտասարդների շրջանում կամավորության խթանումը, կարողությունների և հմտությունների հզորացումը, որոնք թույլ են տալիս նրանց դառնալու մրցունակ  աշխատաշուկայում: Այս վերապատրաստումներն ամենամյա են, որին մասնակցում են այն մարզերի ներկայացուցիչները, որտեղ Վորլդ ՎԻժն Հայաստան միջազգային բարեգործական կազմակերպությունն իրականացնում է իր ծրագրերը: Դասընթացին ուսուցանվեց ոչ ֆորմալ կրթության կազմակերպման ոճերը,  փորձարարական կրթության ուսումնական փուլեչը, ԻՄՓԱՔԹ/ՍՔԱՅ կրթական մոդելը, դասընթաց վարելու և խմբային աշխատանքների կազմակերպման գործիքակազմը, համայնքային ծրագրեր նախագծելու և իրականացնելու, ֆոնդահայթայթման ու հաղորդակցման մեթոդները: Մանսակիցները նաև փորձնական դասընթացներ վարեցին՝ գործնականում կիրառելով ստացած հմտությունն ու գիտելիքը: ԻՄՓԱՔԹ/ՍՔԱՅ ակումբներում երեխաներն ու երիտասարդները  գիտելիքներ և կարողություններ են ձեռք բերում ակտիվ քաղաքացիության, առաջնորդության, սոցիալական ձեռներեցության և աշխատունակության ոլորտներում, որոնք գործնականում կիրառում են համայնքային ծառայության ուսումնական ծրագրեր իրականացնելիս; Ակումբները, որոնց անդամներ են տվյալ համայնքների երեխաներ և երիտասարդներ (13-29տարեկան), նաև դիմում են  դրամաշնորհներ ստանալու համար տարբեր կազմակերպություններին, իրականացնում են ֆոնդահայթայթում  համագործակցում տեղական ինքնակավառաման մարմինների, մարզպետարանների, պետական, հասարակական ու միջազգային կազմակերպությունների, բիզնես հատվածի,  ԶԼՄ-երի, եկեղեցու,  դպրոցների ու այլ կրթական հաստատությունների և այլ կառույցների ու ոչ ֆորմալ միավորումների հետ: Ակումբները հնարավորություն են ընձեռում երեխաներին ու երիտասարդներին դառնալու ակտիվ, քաղաքացիական վարքագիծ դրսևորող քաղաքացի, հանդես գալ որպես փոփոխություններ բերող և համայնքային խնդիրներ լուծման շուրջ համախմբման դերակատարների, զգալու որպես տեղական մակարդակում որոշումների կայացման գործընթացում ակտիվ ներկայանալու, ճանապարհ է հարթվում նրանց ՝ հետագայում անհրաժեշտ հնտություններով մրցունակ լինելու համար: Նշենք, որ այս դասընթացը վարեցին Ազատամուտի ԻՄՓԱՔԹ ակումբի և Սիսիանի ՍՔԱՅ ակումբի փորձառու առաջնորդները, ովքեր ՎՎՀ-ի աջակցությամբ վերապատրաստվել են դասընթացավարների հատուկ դասընթացին և հիմա ուսուցանում են իրենց հասակակիցներին կրթական այս մոդելը և իրենց փորձառությունը փոխանցում նոր առաջնորդներին: Դասընթացի մասնակից, Շիրակի մարզի Գոգհովիտ համայնքի միջնակարգ դպրոցի կենսաբանության ուսուցչուհի Լիլիթ Գևորգյանը, ով կառաջնորդի իրենց համայնքի ակումբը, բավականին կարևոր է համարում իր մասնակցությունը.  «Մասնակցելով այս դասընթացին, կարևորեցի ոչ միայն համապատասխան կարողությունների զարգացումը ոչ ֆորմալ կրթության ոլորտում, այլև այն, որ ակումբի ծրագրերը Գոգհովիտի երեխաների ու երիտասարդների համար կլինեն արդյունավետ՝ նպաստելով նրանց ակտիվության աճին և նոր փոփոխությունների բերելուն համայնքում»:

ԻՄՓԱՔԹ  ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից: Նպատակն է համախմբել երիտասարդությանը  ԻՄՓԱՔԹ  խմբերում, աջակցել նրանց ձեռք բերել քաղաքացիական հասարակության և աշխատանքային շուկայում մրցունակ լինելու համար անհրաժեշտ կարողություններ: Հայաստանի Լոռի, Տավուշ, Արագածոտն, Շիրակ, Սյունիք, Գեղարքունիք մարզերում և Երևան քաղաքում գործում են  86 ԻՄՓԱՔԹ և ՍՔԱՅ ակումբներ, որոնց անդամներ են մոտ 1510 երեխա և երիտասարդ, որոնց  առաջնորդում են 130 վերապատրաստված առաջնորդներ: 

ՎՎՀ Իջևանի գրասենյակ