Բերդի ԻՄՓԱՔԹ Պոզիտիվ ակումբի նոր ծրագիրը համախմբում է համայնքներին

Հունվարի 23, 2018

Լուրեր կազմակերպություններից

Բերդ համայնքում ակտիվ գործունեություն ծավալող Բերդի ԻՄՓԱՔԹ  Պոզիտիվ ակումբը իր համայնքային ծրագրերն իրականացնում է նաև համագործակցելով տեղական ինքնակառավարման  մարմինների, կրթական հասատությունների ու այլ կառույցների հետ: Ակումբը ոչ ֆորմալ կրթական համայնքային միավորում է, որի անդամները 13-17 տարեկան երեխաներ են և ակտիվ քաղաքացիության, առաջնորդության և այլ ոլորտներում ակումբային հանդիպումների միջոցով ձեռք են բերում գիտելիքներ և հզորացնում իրենց կարողությունները,  որոնք կիրառում են  համայնքային նախագծեր իրականացնելիս: Ակումբը նախաձեռնեց (ակումբի առաջնորդ՝ Լիանա Տերզիկյան) իր 4-րդ համայնքային ծրագիրը՝ «Արվեստը հանուն  սահմանի երեխաների» խորագրով, որը նպատակ ուներ բարեգործական համերգ կազմակերպել Բերդի տարածաշրջանի համայնքների երեխաների մասնակցությամբ և հասույթն ուղղել սահմանամերձ համայնքներից մեկի մանկապարտեզին: Ծրագրին, ինչպես նաև նախորդ ծրագրերի դեպքում, համագորածկցող կողմ հանդիսացավ Բերդի համայնքապետարանը, ի դեմս համայնքի ղեկավար, պարոն Հարություն Մանուչարյանի, ով ակումբին առաջարկեց  համերգը կազմակերպել Այգեպարում, որին կմասնակցեն նաև այլ համայնքների երեխաներ: Համերգը կայացավ  Այգեպարի միջնակարգ դպրոցի արարողությունների սրահում:  Մասնակիցներին սկզբում ներկայացվեց ակումբի գործուենության մասին շնորհանդեսը: Գեղեցիկ երաժշտական կատարումներով, ազգային ու ժամանակակից պարերով հագեցած համերգին հրավիրված էին Ներքին Կարմիր Աղբյուր, Տավուշ, Այգեպար, Բերդ և Նավուր համայնքներից երեխաներ, երիտասարդներ, դպրոցների տնօրեններ, ուսուցիչներ, ծնողներ, Տավուշի թեմի Բերդի հոգևոր ներկայացուցիչը: Ծրագրին, բացի ՎՎՀ Իջևանի գրասենյակից, աջակցել է նաև Բերդի թիվ 3 հիմնական դպրոցի տնօրինությունը (տնօրեն՝ տիկին Ռուզան Թումանյան), Բերդի Մշակույթի տունը, Այգեպարի միջնակարգ դպրոցի տնօրինությունը (տնօրեն՝ Արևիկ Արզումանյան): Համերգից հետո կհաջորդի Չինարի գյուղի մանկապարտեզի փոքրիկներին այցելությունը, որոնց կնվիրաբերվի նվեներ: Ակումբի անդամ, 14-ամյա Մանեն տպավորված է ծրագրով, քանի որ նախորդել էր բավականին կազմակերպչական աշխատանք, որին մասնակցել են մեծ սիրով: Իսկ 14-ամյա Մոնիկան ծրագիրը համարում է մարդասիրական, քանի որ նպատակ ունեն նաև օգնել մանուկներին.<<Ծրագրի շնորհիվ մենք ավելի համախմբվեցինք նույն գաղափարի շուրջ: Ինչպես ամեն ծրագրից առաջ,այս անգամ էլ մեծ էր լարվածությունը: Փորձեցինք անել այնպես, որ աչքի ընկնի ողջ ակումբը: Մտավախությունները շատ էին, սակայն հանդիսատեսի լավ ընդունելությանն արժանանալով, փորձեցինք դրական էմոցիաներ հաղորդել, որը ստացվեց: Նաև կօգնենք մեզնից կրտսերներին մեր մարդասիրական աջակցությամբ>>:

Ծրագրի հիմքում ընկած է մարդասիրությունը քանի որ ողջ հասույթը կտրամադրվի Չինաիի մանկապարտեզին,իսկ սահմանսպահ մանուկները իմ կարծիքով կվողջունեն այս քայլը:

Քանի որ Բերդ համայնքն ու հարակից բնակավայրերը նոր են խոշորացման ծրագրում , ապա Բերդի ԻՄՓԱՔԹ Պոզիտիվ ակումբը իր համայնքային ծրագրերն արդեն տարածում է նաև հարակից համայնքներում: Նշենք,որ Բերդի ԻՄՓԱՔԹ-1 ակումբը ևս իր համայնքային ծրագիրն իրականացրեց մի քանի այլ համայնքներում:

ԻՄՓԱՔԹ  ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից: Նպատակն է համախմբել երիտասարդությանը  ԻՄՓԱՔԹ  խմբերում, աջակցել նրանց ձեռք բերել քաղաքացիական հասարակության և աշխատանքային շուկայում մրցունակ լինելու համար անհրաժեշտ կարողություններ:

ՎՎՀ Իջևանի գրասենյակ