Սարիգյուղի մարզահրապարակը բարեկարգվեց ակումբի և համայնքապետարանի համագործակցության արդյունքում

Դեկտեմբերի 27, 2017

Լուրեր կազմակերպություններից

Տավուշի մարզի Սարիգյուղ համայնքի ԻՄՓԱՔԹ ակումբն ունի երկու տարվա պատմություն՝ ներառելով համայնքի երեխաներին՝ խթանելով նրանց քաղաքացիական վարքագծի ձևավորմանն  և  համախմբմանը համայնքի խնդիրների լուծման գործում: Ակումբը ոչ ֆորմալ կրթական միջավայր է և ակտիվ քաղաքացիության, առաջնորդության և այլ ասպարեզներում երեխաներին տալիս է  գիտելիքներ և հզորացնում  կարողությունները: Ձեռք բերված գիտելիքները ակումբականները կիրառում են  համայնքային ծրագրեր իրականացնելիս:

Սարիգյուղի ԻՄՓԱՔԹ ակումբն իրականացրեց իր երկրորդ համայնքային ծրագիրը՝ «Կոտրում ենք կարծրատիպերը սպորտի միջոցով» անվամբ, որի նպատակն էր համայնքի մարզահրապարակի բարելավման միջոցով տարբեր տարիքի բնակիչների շրջանում խթանել  խթանել առողջ ապրելակերպը, կազմակերպել տարբեր մարզական խաղեր: Ծրագրին աջակցեց նաև Սարիգյուղ համայնքի ղեկավարությունը, ի դեմս համայնքի ղեկավար, պարոն Էլլարյանի, ով համաֆինանսավորեց ծրագիրը՝ համայնքի բարեգործական հիմնադրամից: Ակումբը մինչ այդ հանդիպել էր ղեկավարին և ներկայացրել ծրագիրը: Համայնքի ղեկավարը հանձն առավ բարեկարգել համայնքի սեփականություն հանդիսացող մարզահրապարակի որոշ հատվածներ և  վերանորոգվեցին վոլեյբոլի, մինի և մեծ ֆուտբոլի դարպասները, տեղադրել մուտքի դարպասը, նստարաններ, իսկ ակումբը՝ Վորլդ Վիժն-ի աջակցությամբ տեղադրեց դարպասների ցանցերը, նստարաններ ու կատարեց հարդարման աշխատանքներ: Աշխատանքներին մասնակցում էին ակումբի անդամներչը, ակումբի առաջնորդներընաև կամավորներ, բնակիչներ, ՏԻՄ-ի  աշխատակիցներ, ներկա էր նաև  համայնքապետը: Համայնքի մարզահրապարակն արդեն ավելի բարվոք վիճակում է: Ակտիվ համագործակցության և ծրագրում ներդրում կատարելու առիթով ակումբի կողմից համայնքապետ Կոմիտաս Էլլարյանը ստացավ շնորհակալագիր: Շնորհակալագրեր ստացան կամավորները, առաջնորդները, համայնքի դպրոցի ֆիզկուլտուրայի ուսուցիչը, ակումբի անդամները: Ակումբի անդամ, 15 –ամյա Ալլան կարևորում է հասակակիցների ժամանցի ապահովում, ասելով. «Երեխաները արդեն ունեն խաղալու և մարզվելու վայր: Լավ եմ զգում, որ փոփոխություն եմ բերում իմ համայնքին»: Իսկ 14-ամյա Վիտալին, ով առաջին անգամ է մասնակցում ծրագրին, նշեց, որ աղջիկները և տղաները այստեղ կարող են սպորտով զբաղվել, անցկացնել մրցույթներ, որպեսզի ավելի առողջ լինեն:

ԻՄՓԱՔԹ  ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից: Նպատակն է համախմբել երիտասարդությանը  ԻՄՓԱՔԹ  խմբերում, աջակցել նրանց ձեռք բերել քաղաքացիական հասարակության և աշխատանքային շուկայում մրցունակ լինելու համար անհրաժեշտ կարողություններ:

ՎՎՀ Իջևանի գրասենյակ