Ազատամուտի և Այգեհովիտի ԻՄՓԱՔԹ ակումբների նոր նախաձեռնությունները

Դեկտեմբերի 11, 2017

Լուրեր կազմակերպություններից

Տավուշի մարզի Այգեհովիտ և Ազատամուտ համայնքներում գործող ԻՄՓԱՔԹ ակումբներրը, որոնց առաքելությունն է երեխաների ու երիտասարդների քաղաքացիական կարողությունների զարգացումը, համայնքային ծրագրեր են իրականացնում, որոնց միջոցով լուծում են իրենց բացահայտած խնդիրները: Նախագծերի իրականացման գործում համագործակցում են տեղական իշխանության մարմինների և այլ կառույցների հետ: Ակումբների անդամներն տիրապետում են նաև խնդրի բացահայտման ու դրանց լուծմանն ուղղված քայյլեր մշակելու, ֆինանսավորող կառույցներին դիմելու հմտությունների: «Իջևանի երիտասարդական բանկը»  հայտարարել էր դրամաշնորհներ տրամադրելու մրցույթ երիտասարդական խմբերի համար, որի նպատակն էր համայնքային նշանակության գաղափար ներկայացնելը՝  բարելավելով համայնքային կյանքն ու բերել  դրական փոփոխություններ: Ակումբներն առաջին անգամ փորձեցին դիմել և շահել դրամաշնորհ: Առաջին անգամ նման փորձը հաջողություն ունեցավ և իրենց գործունեության մեջ սա համարվում է ևս լուրջ ձեռքբերում: Ծրագրային գաղափարները ակումբները քննարկեցին նաև տեղական իշխանությունների հետ՝ համատեղ ֆինանսավորման համար: Ակումբները, որոնք գործում են Վորլդ Վիժն Հայաստանի աջակցությամբ, ևս ՎՎՀ-ի Իջևանի գրասենյակից ստացան համաձայնություն ծրագրին աջակցելու համար: Եվ արդյունքում դրամաշնորհային գաղափարի իրագործման համար ՏԻՄ-երը և ՎՎՀ-ի Իջևանի գրասենյակը միանալով այն դարձավ եռակողմ ֆինանսավորվող նախաձեռնություն:  Իջևանի երիտասարդական բանկ (ԻԵԲ) ծրագրի կոմիտեն ս/թ դեկտեմբերի 8-ին հայտարարեց  հաղթող համայնքային ծրագրերի անունները և ակումբներին հանձնվեցին  ծրագրերի պաշտոնական հավաստագրերը: Տավուշի մարզի ութ համայնքներից ստացված տասնմեկ  ծրագրերից ԻԵԲ-ի կոմիտեն ընտրել է երկու ծրագրեր՝ Ազատամուտ և Այգեհովիտ համայնքներից:

Ֆինանասավորվող ծրագրերից առաջինի, որ կոչվում է «Սպորտը որպես համայնք-ՏԻՄ համագործակցության միջոց», արդյունքում Ազատամուտ համայնքում ԻԵԲ-ի, ՎՎՀ-ի Իջևանի Տարածքային ծրագրի գրասենյակի և համայնքապետարանի համատեղ աջակցությամբ կբարեկարգվի Ազատամուտ համայնքի ֆուտբոլի դաշտը:  Երկրորդ ծրագրի, որ կոչվում է «Առավել իրազեկ Այգեհովիտ», Այգեհովիտ համայնքում ԻԵԲ-ի, ՎՎՀ-ի և համայնքապետարանի համատեղ աջակցությամբ կբարեկարգվեն երկու կանգառներ: Կանգառներում կկահավորվեն համապատասխան անկյուններ որտեղից բնակիչները կտեղեկանան համայնքային՝ մասնավորապես ՏԻՄ նորություններին՝ ավագանու և համայնքապետի որոշումներ և այլն:

-«Մենք կարևորում ենք հասարակական կազմակերպությունների և մարզային ու տեղական իշխանությունների հետ համագործակցությունը, որոնք միտված են երիատասարդների կարողությունների զարգացմանը և խթանում են համայնքային խնդիրների լուծմանը:

Այս ծրագրերն իրականացվում են «Հանրային մասնակցություն տեղական ինքնակառավարմանը» ծրագրի շրջանականերում: Շատ կարևոր է,  որ յուրաքանչյուր քաղաքացի մասնակցի համայնքի կյանքին և հավատա, որ հենց ինքը կարող է լինել փոփոխություն իրականացնողը: Այս անգամ հետաքրքիր համագործակցություն է ստացվել ԻԵԲ-ի և ՎՎՀ-ի ԻՄՓԱՔԹ ակումբների միջև:- ասաց ԵՀՀ Հյուսիսային մասնաճյուղի և ԻԵԲ-ի համակարգող Վարսիկ Ներկարարյանը»:

Տավուշի մարզպետարանի զարգացման ծրագրերի բաժնի ղեկավար Գուրգեն Հարությունյանը նույնպես ողջունեց երիտասարդներին և հայտնեց, որ մարզպետարանը նույնպես պատրաստակամ է անհրաժեշտության դեպքում աջակցել երիտասարդներին:

Այգեհովիտի ԻՄՓԱՔԹ ակումբի անդամ 15 –ամյա Լաուրայի համար այս ծրագիրը ծառայում է լուսավոր հնարավորություն ՝ բացահայտելու սեփական ներուժը.«Նման ծրագրերը սովորեցնում են ապագայի երիտասարդին ամուր կանգնել իր համայնքում և զգալ հասարակության մի մասնիկ»: Իսկ Ազատամուտի ԻՄՓԱՔԹ ակումբի առաջնորդ 19-ամյա Սյուզաննան հավաստիացնում է, որ համայնքային իշխանությունների հետ համագործակցությունը կարևոր է խնդիրների լուծման համար. «Ազատամուտի մարզադաշտը ոչ լավ վիճակում էր և համայնքային ղեկավարությունը ընդառաջ գնաց մեր առաջարկին ու համատեղ որոշեցինք այն բարելավելու ծրագիրը ներակայցեն ԻԵԲ-ին, քանի որ դաշտը նաև այլ համայնքների ևս ծառայում է»:

Գյուղական համայնքների երիտասարդների գործնական հմտությունները և համայնքների զարգացման գործում ղեկավար դերեր ստանձնելու կարողությունները զարգացնելու նպատակով Եվրասիա համագործակցություն հիմնադրամը (ԵՀՀ) սկսած 2007 թվականից իրականացնում է «Երիտասարդական բանկ» ծրագիրը: Երիտասարդական բանկ ծրագիրը երիտասարդական քաղաքացիական ակտիվության և առաջնորդնորդության ծրագիր է, որի շրջանակներում տարբեր մարզերում ձևավորված և վերապատրաստված Երիտասարդական բանկ կոչվող կոմիտեները փոքրամասշտաբ ծրագրեր են իրականացնում իրենց հասակակից երիտասարդների համար, ինչպես նաև իրենք են իրականացնում կամավորական ծրագրեր՝ իրենց և ուրիշների կյանքում դրական փոփոխություններ ապահովելու համար:

Իջևանում  «Երիտասարդական բանկ» ծրագիրը համակարգում է ԵՀՀ  հյուսիսային մասնաճյուղը՝ ԱՄՆ ՄԶԳ-ի աջակցությամբ:

ԻՄՓԱՔԹ  ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից: Նպատակն է համախմբել երիտասարդությանը  ԻՄՓԱՔԹ  խմբերում, աջակցել նրանց ձեռք բերել քաղաքացիական հասարակության և աշխատանքային շուկայում մրցունակ լինելու համար անհրաժեշտ կարողություններ:

ՎՎՀ Իջևանի ՏԾ գրասենյակ