Հաջողակ մարդու որակները

Դեկտեմբերի 4, 2017

Դպրոցական անցուդարձ

     Ազատ շուկայական հարաբերություննները սկզբունքորեն փոխել են աշխատանքային հարաբերությունների բնույթը, աշխատաշուկայի կարգավորման սկզբունքներն ու մեխանիզմները, ինչպես նաև աշխատաշուկայում պահանջարկի և առաջարկի ձևավորման օրինաչափությունները:

    Պայմանավորված վերոնշյալով`մասնագիտությունների և զբաղմունքների ոլորտը դարձել է առավել դինամիկ, բազմագործոն և դժվար կանխատեսելի: Հայաստանի աշխատաշուկայում առկա որակական և քանակական քրոնիկ անհավասարակշռությունը հաղթահարելու նպատակով`մասնագետների պատրաստման պետական պատվերի համակարգը արդյունավետ գործընթաց է ընձեռնել հանրակրթական դպրոցներում:

    Աշխատաշուկայի և կրթական համակարգի փոխադարձ կապի ստեղծման, ամրապնդման, հեռանկարի ապահովման մեջ մեծ նշանակություն ստացավ մասնագիտական կողմնորոշումը:

   Դեկտեմբերի 1-ին, Կապանի N5 հիմնական դպրոցի 8-րդ «բ» դասարանի պարապմունքի թեման «Հաջողակ մարդու որակներն» էր: Մասնագիտական կողմնորոշման հանդեպ հարաճուն հետաքրքրությունը բավարաելու, համակարգի փորձը ներդնելու նպատակով` պարապմունքին կիրառվեց ավանդական «Տոհմածառի» մեթոդը:

     Դպրոցում առաջարկվող ակադեմիական գիտելիքները համադրելով անհատի մասնագիտական նախընտրությունների ձևավորման հիմնական գործոնների ամբողջությանը, դրանք իրականացնելու ուղիների բազմակողմանի հաշվարկներին, բարձր դասարանի աշակերտը մասնագիտության ընտրության հարցում արդեն իսկ փորձում է իրատես լինել: Ահա դպրոցի ընտրած ճանապարհը:

    «Մասնագիտություն» ծառի արմատը աշակերտն իր գործողություններով զարգացրեց և աշխատանքային առանձնահատկություններով հասավ «Ծաղկազարդ ծառ» նպատակին:

- Ահա և հաջողության հասնելու որակները. աշխատասիրություն+աշխատասիրություն+աշխատասիրություն=հմտություն` եզրահանգեցին աշակերտները:

   Դասընթացավար Լիանա Ավետիսյանը հասավ օրվա նպատակին:

Կապան հ.5 հիմնական դպրոց