ԿԳՄՍ նախարարի տեղակալ Աննա Բաբաջանյանը մասնակցել է «Արհեստական բանականության օրեր 2026» համապետական նախաձեռնությանը, որն անցկացվել է «Ներառական ապագա՝ բոլորի մասնակցությամբ» խորագրով։
«ԱԲ օրեր 2026»-ը կազմակերպել է ՄԱԿ-ի Զարգացման ծրագրի (ՄԱԶԾ) ԿԶՆ նորարարական կենտրոնը՝ ԿԳՄՍ և ԲՏԱԱԲ նախարարությունների հետ համագործակցությամբ։ Նախաձեռնությանը միացել է 159 դպրոց։
ՄԱԶԾ-ի 12 գործընկեր կազմակերպություն անցկացրել է 16 միջոցառում՝ անվճար բաց դասեր, վերապատրաստումներ, գործնական աշխատարաններ, ֆորումներ և քննարկումներ։
«Պատրաստ ԱԲ-ին. կրթությունը, աշխատանքը և կյանքը Հայաստանում՝ արհեստական բանականության դարաշրջանում» երկրորդ քննարկմանը Աննա Բաբաջանյանն անդրադարձել է ուսուցման գործընթացում ԱԲ կիրառման խնդրին՝ մասնավորապես, թե ինչպես պետք է դպրոցը փոխի ուսուցման ու գնահատման ձևերը, ինչ աջակցություն է անհրաժեշտ մարզերի ուսուցիչներին։ Կարևորվել են նաև ԱԲ կարգավորման, նորարարության և հանրային վստահության, պետական համակարգերում ԱԲ-ի անվտանգ, թափանցիկ ու մարդակենտրոն կիրառման հարցերը։
Միջոցառման շրջանակում Երևանի և մարզերի ներկայացուցիչները քննարկել են այնպիսի թեմաներ, ինչպիսիք են` ԱԲ գրագիտությունը, կիբեռանվտանգությունը, ԱԲ կառավարման սկզբունքներն ու հանրային քաղաքականությունը, ինչպես նաև քաղաքացիների մասնակցությունn ԱԲ-ի ապագայի շուրջ հանրային երկխոսությանը։
«ԱԲ օրեր 2026»-ի գլխավոր միջոցառումը՝ «ԱԲ Ագորա»-ն (AI Agora), անցկացվել է Հայաստանի ազգային պատկերասրահում։ Հին Հունաստանի ագորայի օրինակով՝ Ազգային պատկերասրահում բացվել է «Ճնշման ցուցիչ» (Index of Pressure) ինստալյացիան՝ պատկերասրահի առաջին ցուցադրությունը, որը ստեղծվել է ԱԲ-ի միջոցով։ Այն բաց կլինի մինչև նոյեմբերի 29-ը։
«ԱԲ օրեր 2026»-ի գործընկեր կազմակերպություններն են «Ձեռնարկությունների ինկուբատոր» հիմնադրամը (EIF), Հայաստանի գիտության և տեխնոլոգիաների հիմնադրամը (FAST), «Ինովացիոն լուծումների և տեխնոլոգիաների կենտրոն» հիմնադրամը (ISTC), «Մայքրոսոֆթ ինովացիոն կենտրոն Հայաստան» հիմնադրամը (MIC Armenia), CyHub Armenia-ն, Տեխնոլոգիական կրթության հիմնադրամը (TEF), «Հայ առաջադեմ երիտասարդություն» ՀԿ-ն (APY), «Դասավանդի՛ր, Հայաստան» հիմնադրամը (Teach For Armenia), Հայաստանի մանուկների հիմնադրամը (COAF), TUMO Labs-ը, Plug and Play Armenia-ն և Հայկական բարեգործական ընդհանուր միությունը (ՀԲԸՄ)։ Նախաձեռնությունը համաֆինանսավորել են Նորվեգիայի զարգացման համագործակցության գործակալությունը (Norad) և Ավստրիայի զարգացման գործակալությունը (ԱԶԳ)։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՊՉ նոր պահանջների համատեքստում մեր առաջնային խնդիրն է սովորողների մոտ ձևավորել ոչ թե պատրաստի գիտելիք վերարտադրելու, այլ ինքնուրույն, քննադատաբար մտածելու և սեփական դիրքորոշումն արտահայտելու կարողունակություններ: Հաճախ ենք հանդիպում իրավիճակի, երբ…
Խաղային մեթոդների կիրառումը տարրական դասարաններում՝ որպես ուսուցման արդյունավետության բարձրացման միջոց Մեթոդական հոդված Ներածություն Ժամանակակից կրթական գործընթացում կարևոր խնդիրներից է սովորողների ակտիվ ներգրավվածության ապահովումը, հետաքրքրության խթանումը և ուսումնական նյութի արդյունավետ յուրացումը:…
«Անհայտ բաղադրիչի գտնելը» թեմայի շրջանակում երկրորդ դասարանի սովորողների համար թղթից պատրաստել եմ դիդակտիկ մոդել՝ թվային բուրգ: Մոդելի միջոցով երեխաները ակնառու կերպով տեսնում են առաջադրանքի լուծման ամբողջ ընթացքը: Առանձին թղթե մոդելը…
Գրական ստեղծագործության ուսումնասիրությունը չպետք է սահմանափակվի միայն ընթերցանությամբ և բովանդակության վերաբերյալ հարցերին պատասխանելով: Կարևոր է, որ սովորողները կարողանան խորությամբ ընկալել բնագիրը, բացահայտել նրա գլխավոր ասելիքը, գաղափարական առանցքն ու հեղինակի ուղերձը,…
Գրականություն` առանց սահմանների. Ինչպե՞ս դասական տեքստերը դարձնել կենդանի և կիրառելի ապագայի քաղաքացու համար «Գրականությունը ժամանակի մեջ ճանապարհորդություն է, բայց նրա վերջնակետը միշտ մարդու սիրտն է»: Հաճախ մենք՝ հայոց լեզվի և…