Երևանի պետական համալսարանում տեղի է ունեցել «Էրազմուս+» միջազգային կրեդիտային շարժունության շրջանավարտների հանդիպումը:
Այն կազմակերպվել է «Էրազմուս» ուսանողական ցանցի (ESN) երևանյան մասնաճյուղի նախաձեռնությամբ և Հայաստանում «Էրազմուս+» ազգային գրասենյակի հետ համագործակցությամբ:
Միջոցառմանը ներկա են եղել ԿԳՄՍ նախարարի տեղակալ Ալֆրեդ Քոչարյանը, ԵՊՀ ռեկտոր Հովհաննես Հովհաննիսյանը, Երևանի «Էրազմուս» ուսանողական ցանցի տնօրեն Հովհաննես Յուքինյանը, ԵՄ-ի «Էրազմուս+» հայաստանյան գրասենյակի ներկայացուցիչներ:
Հանդիպման նպատակն էր արժևորել «Էրազմուս+» ծրագրի մասնակիցների փորձը, խթանել շրջանավարտների միջև համագործակցությունը և ընդգծել նրանց դերը՝ ապագա մասնակիցներին աջակցելու և միջազգային կրթական հնարավորությունների մասին իրազեկվածությունը բարձրացնելու գործում։
Հանդիպումը միավորել էր ծրագրի շրջանավարտներին, ուսանողներին, բարձրագույն ուսումնական հաստատությունների և գործընկեր կառույցների ներկայացուցիչներին՝ քննարկելու միջազգային շարժունության ազդեցությունը կրթության միջազգայնացման, մասնագիտական զարգացման, զբաղվածության և սոցիալական ներառման վրա։
Մինչ հանդիպման մեկնարկը ուսանողները կազմակերպել են դրոշներով երթ: Պաշտոնյաների ողջույնի խոսքերին հաջորդել են պանելային քննարկումները «Կրթության միջազգայնացումն ու ծրագրի դերը», «Ուսանողների զբաղվածությունը, աշխատունակությունն ու մրցունակությունը «Էրազմուս+» և այլ միջազգային ծրագրերից հետո», «Սոցիալական ներառում, ինտեգրում, ծրագրից հետո ներգրավվածություն և հասակակիցների աջակցություն» թեմաներով:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՊՉ նոր պահանջների համատեքստում մեր առաջնային խնդիրն է սովորողների մոտ ձևավորել ոչ թե պատրաստի գիտելիք վերարտադրելու, այլ ինքնուրույն, քննադատաբար մտածելու և սեփական դիրքորոշումն արտահայտելու կարողունակություններ: Հաճախ ենք հանդիպում իրավիճակի, երբ…
Խաղային մեթոդների կիրառումը տարրական դասարաններում՝ որպես ուսուցման արդյունավետության բարձրացման միջոց Մեթոդական հոդված Ներածություն Ժամանակակից կրթական գործընթացում կարևոր խնդիրներից է սովորողների ակտիվ ներգրավվածության ապահովումը, հետաքրքրության խթանումը և ուսումնական նյութի արդյունավետ յուրացումը:…
«Անհայտ բաղադրիչի գտնելը» թեմայի շրջանակում երկրորդ դասարանի սովորողների համար թղթից պատրաստել եմ դիդակտիկ մոդել՝ թվային բուրգ: Մոդելի միջոցով երեխաները ակնառու կերպով տեսնում են առաջադրանքի լուծման ամբողջ ընթացքը: Առանձին թղթե մոդելը…
Գրական ստեղծագործության ուսումնասիրությունը չպետք է սահմանափակվի միայն ընթերցանությամբ և բովանդակության վերաբերյալ հարցերին պատասխանելով: Կարևոր է, որ սովորողները կարողանան խորությամբ ընկալել բնագիրը, բացահայտել նրա գլխավոր ասելիքը, գաղափարական առանցքն ու հեղինակի ուղերձը,…
Գրականություն` առանց սահմանների. Ինչպե՞ս դասական տեքստերը դարձնել կենդանի և կիրառելի ապագայի քաղաքացու համար «Գրականությունը ժամանակի մեջ ճանապարհորդություն է, բայց նրա վերջնակետը միշտ մարդու սիրտն է»: Հաճախ մենք՝ հայոց լեզվի և…