ՀՀ կրթության, գիտության, մշակույթի և սպորտի նախարար Ժաննա Անդրեասյանը Ռուսաստանի Դաշնություն կատարած այցի շրջանակում այցելել է Դուբնայի միջուկային հետազոտությունների միացյալ ինստիտուտ (ՄՀՄԻ), որտեղ տեղի է ունեցել հանդիպում ինստիտուտի տնօրեն, ակադեմիկոս Գրիգորի Տրուբնիկովի և հայազգի անվանի գիտնական, ակադեմիկոս, Մենդելեևի պարբերական աղյուսակի գերծանր տարրերի հետազոտող և սինթեզող Յուրի Հովհաննիսյանի հետ։
Նախարարին ներկայացվել են ինստիտուտի գիտական գործունեության հիմնական ուղղությունները, լաբորատոր ենթակառուցվածքները, իրականացվող հետազոտությունները և վերջին տարիների գիտական ձեռքբերումները։
Քննարկվել են Հայաստանի բարձրագույն ուսումնական հաստատությունների և գիտական կազմակերպությունների հետ համագործակցության ընդլայնման հնարավորություններն ու հեռանկարները, մասնավորապես՝ համատեղ գիտական հետազոտությունների, փորձի փոխանակման, մասնագիտական վերապատրաստումների և երիտասարդ գիտնականների ներուժի զարգացման ուղղություններով։
Հանդիպման ընթացքում Գրիգորի Տրուբնիկովը պատրաստակամություն է հայտնել աջակցելու նաև Հայաստանի դպրոցականների և ուսուցիչների համար Դուբնայում յոթօրյա ուսուցողական այցերի կազմակերպմանը՝ հնարավորություն ընձեռելով նրանց ծանոթանալու ժամանակակից գիտության նվաճումներին, ինստիտուտի գիտական ենթակառուցվածքներին և հետազոտական աշխատանքներին։
Նշենք, որ ակադեմիկոս Յուրի Հովհաննիսյանը ղեկավարել է հետազոտություններ, որոնց արդյունքում Մենդելեևի պարբերական աղյուսակը համալրվել է նոր գերծանր տարրերով, մասնավորապես՝ 118-րդ տարրը՝ Օգանեսոնը, կոչվել է ի պատիվ նրա։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ՀՊՉ նոր պահանջների համատեքստում մեր առաջնային խնդիրն է սովորողների մոտ ձևավորել ոչ թե պատրաստի գիտելիք վերարտադրելու, այլ ինքնուրույն, քննադատաբար մտածելու և սեփական դիրքորոշումն արտահայտելու կարողունակություններ: Հաճախ ենք հանդիպում իրավիճակի, երբ…
Խաղային մեթոդների կիրառումը տարրական դասարաններում՝ որպես ուսուցման արդյունավետության բարձրացման միջոց Մեթոդական հոդված Ներածություն Ժամանակակից կրթական գործընթացում կարևոր խնդիրներից է սովորողների ակտիվ ներգրավվածության ապահովումը, հետաքրքրության խթանումը և ուսումնական նյութի արդյունավետ յուրացումը:…
«Անհայտ բաղադրիչի գտնելը» թեմայի շրջանակում երկրորդ դասարանի սովորողների համար թղթից պատրաստել եմ դիդակտիկ մոդել՝ թվային բուրգ: Մոդելի միջոցով երեխաները ակնառու կերպով տեսնում են առաջադրանքի լուծման ամբողջ ընթացքը: Առանձին թղթե մոդելը…
Գրական ստեղծագործության ուսումնասիրությունը չպետք է սահմանափակվի միայն ընթերցանությամբ և բովանդակության վերաբերյալ հարցերին պատասխանելով: Կարևոր է, որ սովորողները կարողանան խորությամբ ընկալել բնագիրը, բացահայտել նրա գլխավոր ասելիքը, գաղափարական առանցքն ու հեղինակի ուղերձը,…
Գրականություն` առանց սահմանների. Ինչպե՞ս դասական տեքստերը դարձնել կենդանի և կիրառելի ապագայի քաղաքացու համար «Գրականությունը ժամանակի մեջ ճանապարհորդություն է, բայց նրա վերջնակետը միշտ մարդու սիրտն է»: Հաճախ մենք՝ հայոց լեզվի և…