ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ԱԲ
ՈՒՂԵՑՈՒՅՑ

Հայաստանի չորս գրական թանգարաններում կիրականացվի նոր ծրագիր

Նոյեմբերի 16, 2026
Մշակութային լուրեր

Նիդերլանդների Թագավորության դեսպանության և Մշակույթի զարգացման հիմնադրամի միջև կնքվել է դրամաշնորհի հատկացման պայմանագիր՝ Հայաստանում «Ժառանգության նորովի բացահայտում՝ իմերսիվ պատմությունների միջոցով. թանգարանները՝ հանուն կայուն զարգացման» ծրագրի իրականացման նպատակով։

Միջոցառմանը ներկա է եղել ՀՀ կրթության, գիտության, մշակույթի և սպորտի նախարարի տեղակալ Ալֆրեդ Քոչարյանը:

Նախաձեռնության նպատակն է ժամանակակից տեխնոլոգիաների կիրառմամբ վերաիմաստավորել թանգարանային այցելությունները՝ հայկական գրական ժառանգությունը համադրելով բնապահպանական կրթության և կայուն զարգացման գաղափարների հետ։ Ծրագրում ընդգրկված են Խաչատուր Աբովյանի, Ավետիք Իսահակյանի, Եղիշե Չարենցի տուն-թանգարանները և Եղիշե Չարենցի անվան գրականության և արվեստի թանգարանի՝ Դսեղի Հովհաննես Թումանյանի տուն-թանգարան մասնաճյուղը, որոնց հավաքածուների, գրական երկերի ու կենսագրական դրվագների հիման վրա կստեղծվեն լրացված իրականության (AR) ինտերակտիվ պատմություններ: 

Այս տեխնոլոգիան թույլ կտա իրական ցուցադրությունները համալրել թվային բովանդակությամբ՝ այցելուներին հնարավորություն տալով առավել խորությամբ բացահայտել ցուցանմուշների պատմությունը։ Նախաձեռնության առանցքում մարդու և բնության փոխհարաբերությունն է, ինչն արտացոլված է հայ գրողների կյանքում ու ստեղծագործություններում և կծառայի որպես հարթակ ժամանակակից բնապահպանական մարտահրավերները՝ կլիմայի փոփոխությունը, կենսաբազմազանության կորուստը և շրջակա միջավայրի պահպանությունը բարձրաձայնելու համար։ 

Ծրագիրն ուղղված է տարբեր տարիքային խմբերին՝ հատկապես երիտասարդներին, և միտված է քննադատական մտածողության խթանմանն ու բնության ու մշակութային ժառանգության հանդեպ հոգատար վերաբերմունքի ձևավորմանը։ 

Ծրագրի կարևորագույն բաղադրիչներից է նաև նիդերլանդացի փորձագետների ներգրավմամբ թանգարանային աշխատակիցների մասնագիտական վերապատրաստումը, ինչի արդյունքում ստեղծված AR փորձառությունները կներդրվեն մասնակից թանգարաններում և կուղեկցվեն հանրային կրթական միջոցառումներով՝ ամրապնդելով թանգարանների դերը՝ որպես ժամանակակից կրթության, երկխոսության և հանրային ակտիվ ներգրավման ժամանակակից հարթակների։

Նյութի աղբյուրը. ՀՀ կրթության, գիտության, մշակույթի և սպորտի նախարարություն