ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԱԲ
ՈՒՂԵՑՈՒՅՑ
ՈՒՂԵՑՈՒՅՑ
ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Հայաստանի Հանրապետությունում Մեքսիկայի Միացյալ Նահանգների արտակարգ և լիազոր դեսպան Էդուարդո Վիլեգաս Մեխիասին:
Նախարար Ժաննա Անդրեասյանը ողջունել է դեսպանին՝ կարևորելով Հայաստանի և Մեքսիկայի միջև առկա համագործակցությունն ու ԿԳՄՍՆ համակարգման ոլորտներում նոր ծրագրերի իրականացումը:
Նա, մասնավորապես, հիշատակել է Մեքսիկայի Սինալոա համալսարանում հայագիտական առարկաների դասավանդման ծրագիրը՝ վերահաստատելով նախարարության պատրաստակամությունը՝ ապահովելու ծրագրի աջակցության շարունակականությունը: Այս համատեքստում քննարկվել են Մեքսիկայի այլ համալսարաններում ևս հայագիտական ամբիոններ բացելու, ինչպես նաև բարձրագույն ուսումնական հաստատությունների միջև միջբուհական համագործակցության ընդլայնման հնարավորությունները, կրթաթոշակային ծրագրերի և ուսանողների ակադեմիական շարժունության խթանման հեռանկարները:
Կարևորելով կրթության ոլորտում կայուն համագործակցությունը՝ կողմերն անդրադարձել են նաև Մեքսիկայում Թումո կենտրոն հիմնելու հնարավորությանը:
Դեսպան Էդուարդո Վիլեգաս Մեխիասը բարձր է գնահատել հայկական փորձն ու Թորմո մոդելի ներդրումը Մեքսիկայի կրթական համակարգում: Նա առանձնակի կարևորել է նաև գիտության և նորարարության ոլորտներում կապերի ամրապնդումն ու համատեղ նախագծերի իրականացումը:
Անդրադարձ է եղել նաև մշակույթի ոլորտում ժառանգության հանրահռչակման և մշակութային արժեքների պահպանման ուղղությամբ համատեղ ծրագրերի իրագործմանը, ընդգծվել է ժամանակակից արվեստի ոլորտում ևս ակտիվ փոխգործակցումը՝ ցուցահանդեսների, մշակութային միջոցառումների անցկացման ձևաչափով:
Քննարկում է ծավալվել սպորտի ոլորտում համագործակցության վերաբերյալ՝ մասնավորապես կարևորելով տարբեր մրցաշարերին մարզիկների մասնակցությունը։
Հանդիպմանը քննարկվել են փոխադարձ հետաքրքրություն ներկայացնող այլ հարցեր:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
«Անհայտ բաղադրիչի գտնելը» թեմայի շրջանակում երկրորդ դասարանի սովորողների համար թղթից պատրաստել եմ դիդակտիկ մոդել՝ թվային բուրգ: Մոդելի միջոցով երեխաները ակնառու կերպով տեսնում են առաջադրանքի լուծման ամբողջ ընթացքը: Առանձին թղթե մոդելը…
Գրական ստեղծագործության ուսումնասիրությունը չպետք է սահմանափակվի միայն ընթերցանությամբ և բովանդակության վերաբերյալ հարցերին պատասխանելով: Կարևոր է, որ սովորողները կարողանան խորությամբ ընկալել բնագիրը, բացահայտել նրա գլխավոր ասելիքը, գաղափարական առանցքն ու հեղինակի ուղերձը,…
Գրականություն` առանց սահմանների. Ինչպե՞ս դասական տեքստերը դարձնել կենդանի և կիրառելի ապագայի քաղաքացու համար «Գրականությունը ժամանակի մեջ ճանապարհորդություն է, բայց նրա վերջնակետը միշտ մարդու սիրտն է»: Հաճախ մենք՝ հայոց լեզվի և…
Ինտերակտիվ մեթոդների դերը 4-րդ դասարանցիների քննադատական մտածողության եւ համագործակցային հմտությունների ձեւավորման գործում Բանալի բառեր: ինտերակտիվ մեթոդներ, 4-րդ դասարան, քննադատական մտածողություն, համագործակցություն, կրտսեր դպրոց, «6 մտածող գլխարկներ», փոխուսուցում: Ներածություն Հանրակրթության պետական…
Հարգելի գործընկեր, ուզում եմ խոսել մի թեմայի մասին, որը վստահ եմ կհետաքրքրի օտար լեզու դասավանդող ուսուցիչներին: Գաղտնիք չէ, որ ժամանակակից աշխարհում օտար լեզուների իմացությունը կարևոր դեր ունի անձի կրթական, մասնագիտական…
