ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է Աջարիայի Ինքնավար Հանրապետության մշակույթի նախարար Էլիսո Բոլքվաձեի գլխավորած պատվիրակությանը:
Հանդիպմանը մասնակցել են նաև ԿԳՄՍ նախարարի տեղակալներ Արթուր Մարտիրոսյանը և Ալֆրեդ Քոչարյանը, ինչպես նաև Հայաստանի Հանրապետությունում Վրաստանի դեսպան Գիորգի Շարվաշիձեն և Բաթումիում Հայաստանի Հանրապետության գլխավոր հյուպատոս Նարինե Մաթոսյանը։
Ողջունելով հյուրերին՝ Ժաննա Անդրեասյանն ընդգծել է մշակութային համագործակցության կարևորությունը և մշակույթի ոլորտում երկկողմ հարաբերությունների զարգացման մեծ ներուժը։
ԿԳՄՍ նախարարը կարևորել է «Արամ Խաչատրյան» համերգասրահում կայացած «Երաժշտական Բաթումի» մշակութային ծրագիրը, որի շրջանակում ելույթ են ունեցել Աջարիայի պետական «Բաթումի» անսամբլը և Բաթումիի պետական նվագախումբը։
Նա ընդգծել է, որ երկու երկրների միջև մշակութային համագործակցությունը շարունակաբար զարգանում է՝ հիմնվելով ոչ միայն համատեղ ծրագրերի, այլև ձևավորված ռազմավարական գործընկերության վրա, ինչը հնարավորություն է տալիս ընդլայնել համագործակցության շրջանակներն ու կյանքի կոչել նոր նախաձեռնություններ։
Նախարարը տեղեկացրել է, որ նախորդ տարվա ամռանը Երևանում անցկացվել են Վրաստանի մշակույթի օրեր, իսկ այս տարվա աշնանը նախատեսվում է Վրաստանում կազմակերպել Հայաստանի մշակույթի օրեր։
Կարևորելով մշակութային երկխոսությունը՝ Ժաննա Անդրեասյանը նշել է, որ դրա կարևոր բաղադրիչներից է թատրոնը և շնորհավորել Թատրոնի համաշխարհային օրվա առթիվ: Նա առանձնացրել է Թբիլիսիում գործող Պետրոս Ադամյանի անվան հայկական դրամատիկական թատրոնի գործունեությունը և կարևորել այնտեղ իրականացվող հիմնանորոգման աշխատանքները։ Կողմերը պատրաստակամություն են հայտնել աջակցելու երկու երկրների թատերական կազմակերպությունների միջև համագործակցության խորացմանը և հյուրախաղերի կազմակերպմանը։ ԿԳՄՍ նախարարն առաջարկել է նաև դիտարկել Վանաձորի Հովհաննես Աբելյանի անվան պետական դրամատիկական թատրոնի և Բաթումիի դրամատիկական թատրոնի մեջ համագործակցության հնարավորությունը՝ հատկապես հաշվի առնելով, որ Վանաձորը և Բաթումին հանդիսանում են քույր քաղաքներ:
Աջարիայի Ինքնավար Հանրապետության մշակույթի նախարար Էլիսո Բոլքվաձեն շնորհակալություն է հայտնել ընդունելության համար և նշել, որ երկու երկրների միջև մշակութային համագործակցությունը զարգանում է՝ խթանելով մշակութային դիվանագիտությունը, որը կարևոր կամուրջ է բարեկամ և հարևան ժողովուրդների միջև։
Պաշտոնական այցի շրջանակում Էլիսո Բոլքվաձեի գլխավորած պատվիրակությունն այցելել է Կոմիտասի ինստիտուտ-թանգարան, Սերգեյ Փարաջանովի թանգարան, Մեսրոպ Մաշտոցի անվան Մատենադարան, Երևանի Կոմիտասի անվան պետական կոնսերվատորիա, Պ. Չայկովսկու անվան միջնակարգ մասնագիտական երաժշտական դպրոց և այլ կրթամշակութային հաստատություններ։ Աջարիայի Ինքնավար Հանրապետության մշակույթի նախարարը նշել է, որ հնարավորություն է ունեցել լսելու բազմաթիվ տաղանդավոր հայ երեխաների։
Կողմերը կարևորել են նաև երիտասարդ սերնդի ներգրավվածությունը մշակութային գործընթացներում՝ ընդգծելով, որ նման նախաձեռնությունները նպաստում են երկկողմ կապերի խորացմանը, փոխըմբռնման ամրապնդմանը և մշակութային արժեքների փոխանակմանը։ ԿԳՄՍ նախարարը տեղեկացրել է՝ այս օրերին էլ Վրաստանի Թելավի քաղաքում անցկացվում է Հայաստան֊Վրաստան երիտասարդական ճամբար, որին Հայաստանից մասնակցում են ներկայացուցիչներ ակտիվ երիտասարդական շրջանակներից, ՀՀ բուհերի ուսանողներ, ինչպես նաև ԿԳՄՍ նախարարության ստեղծած և ՀՀ մարզերում գործող երիտասարդական կենտրոններ հաճախող ակտիվ երիտասարդներ:
Հանդիպմանը քննարկվել են երկկողմ հետաքրքրություն ներկայացնող մի շարք այլ հարցեր։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Կրթության մեջ հաճախ ասում ենք՝ «պետք է բարձրացնել սովորողների մոտիվացիան»: Բայց այստեղ առաջանում է մի հիմնարար հարց․ Արդյո՞ք մոտիվացիան իսկապես հնարավոր է ձևավորել դպրոցում, թե՞ այն կախված է սովորողի ներքին…
«Սիրելի՛ գործընկերներ, ուզում եմ կիսվել մի մտորումով: Իմ դասարանում ունեմ աշակերտ, ով ունի կրթության առանձնահատուկ պայմանների կարիք (ԿԱՊԿՈՒ): Խմբային աշխատանքների ժամանակ ես միշտ փորձում եմ նրան վստահել կոնկրետ «թվային դերեր»…
«Հարգելի՛ գործընկերներ, իմ 4-րդ դասարանի 32 աշակերտների հետ աշխատելիս ես հաճախ եմ օգտագործում LearningApps ,Google Forms հարթակները: Դրանք անփոխարինելի են նյութը տեսանելի և խաղային դարձնելու համար: Սակայն վերջերս ինձ մոտ…
Վերջին տարիներին հաճախ կարելի է լսել, որ ավանդական դասավանդումը «այլևս չի աշխատում»: Ոմանք պնդում են, որ ուսուցիչակենտրոն մոտեցումը խոչընդոտում է սովորողների ստեղծագործական և քննադատական մտածողության զարգացմանը: Մյուսները, հակառակը, համոզված են,…
Բոլորս էլ գիտենք, որ ուսուցչի սովորական աշխատանքային օրը բավականին հագեցած և բազմաբնույթ է, այն չի սահմանափակվում միայն դասավանդմամբ: Շատ հաճախ շարունակվում է դպրոցական ժամերից դուրս և պահանջում է մեծ նվիրում,…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
