ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Շիրակի մարզ կատարած աշխատանքային այցի շրջանակում ԿԳՄՍ նախարար Ժաննա Անդրեասյանը եղել է մարզական մի շարք հաստատություններում: Նախարարին ուղեկցել է Շիրակի մարզպետ Դավիթ Առուշանյանը:
Ժաննա Անդրեասյանի առաջին կանգառը Գյումրու մարզական բարձրագույն վարպետության դպրոցում էր։ Այստեղ նախարարը ծանոթացել է ուսումնական և մարզումային պայմաններին, ինչպես նաև գույքային հագեցվածությանը։ Քննարկվել են մարզադահլիճի վերանորոգման և տարածքի ընդլայնման հարցերը՝ պայմանավորված սաների թվի աճով և նոր խմբերի ձևավորմամբ։
Գյումրու մարզական բարձրագույն վարպետության դպրոցն այս տարի նշելու է հիմնադրման 80-ամյակը։ Այստեղ գործում են ազատ ոճի ըմբշամարտ, գեղարվեստական մարմնամարզություն, ծանրամարտ, հունահռոմեական ոճի ըմբշամարտ և սամբո մարզաձևերի ուսումնական խմբեր, որոնցում ընդգրկված են շուրջ 260 պարապողներ։
Այնուհետև նախարարն այցելել է Գյումրու համալիր մարզադպրոց, որտեղ ևս դիտարկել է առկա պայմաններն ու նյութատեխնիկական ապահովվածությունը։ Ժաննա Անդրեասյանը կարևորել է մարզագույքի, մասնավորապես՝ մարզագորգերի արդյունավետ և նպատակային օգտագործումը՝ ընդգծելով, որ դրանց ճիշտ շահագործումը կարևոր նախապայման է երեխաների լիարժեք մարզական զարգացման համար։
Աշխատանքային այցի շրջանակում ԿԳՄՍ նախարարը եղել է նաև մի շարք այլ մարզական հաստատություններում՝ Գյումրու ծանրամարտի մանկապատանեկան մարզադպրոցում, Գյումրու սուսերամարտի մանկապատանեկան մարզադպրոցում, Լյուդվիգ Մնացականյանի անվան ձմեռային մարզաձևերի մանկապատանեկան մարզադպրոցում, Գյումրու օլիմպիական հերթափոխի մարզական քոլեջում և աթլետիկայի օլիմպիական հերթափոխի մանկապատանեկան մարզադպրոցում:
Մարզադպրոցներում նախարարը ծանոթացել է ենթակառուցվածքների առկա վիճակին, արձանագրել առկա խնդիրները, զրուցել սաների և մարզիչների հետ: Նա ընդգծել է մի շարք հաստատությունների հիմնանորոգման անհրաժեշտությունը՝ կարևորելով մարզական ենթակառուցվածքների շարունակական զարգացումը։
Գյումրու ձմեռային մարզաձևերի մարզադպրոցում Ժաննա Անդրեասյանը տեղեկացրել է, որ ներկայում մշակման փուլում է գտնվում Աշոցքում ձմեռային մարզաձևերի նոր մարզադպրոցի կառուցման նախագիծը։ Այս համատեքստում նախարարը կարևորել է պետական մակարդակով համակարգային մոտեցման ձևավորումը։
Նրա դիտարկմամբ՝ նպատակահարմար է մշակել համալիր ծրագիր նաև մարզադպրոցների համար՝ ուղղված դրանց հիմնանորոգմանը, վերակառուցմանը և ամբողջական վերազինմանը։
«Այսօր տարբեր մարզադպրոցներում իրականացվում են հատվածական աշխատանքներ, սակայն շենքերի մեծ մասը պահանջում է ամբողջական վերանորոգում։ Վերջին տարիներին, իհարկե, դրական տեղաշարժ է արձանագրվում մարզագույքի ձեռքբերման ուղղությամբ։ Օրինակ՝ Ծանրամարտի Եվրոպայի առաջնության շրջանակում ձեռք բերված գույքն արդեն փոխանցվել է մարզադպրոցներին և ակտիվորեն օգտագործվում է, ինչը կարևոր առաջընթաց է»,- նշել է ԿԳՄՍ նախարարը։
Աթլետիկայի օլիմպիական հերթափոխի մարզադպրոցում առանձնակի ընդգծվել է փակ մարզահամալիրի անհրաժեշտությունը՝ հաշվի առնելով մարզի եղանակային պայմանների առանձնահատկությունները, որոնք հաճախ սահմանափակում են բացօթյա մարզումները։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
«Հարգելի՛ գործընկերներ, «Շրջված դասարան» (Flipped Classroom) մոդելը կիրառելիս ես բախվեցի մի շատ կարևոր խնդրի. ծնողների ընկալմանը: Շատ ծնողներ կարծում են, որ եթե երեխան տանն է դիտում դասի տեսանյութը, ուրեմն ուսուցիչը…
Ժամանակակից լեզվակրթության ամենամեծ մարտահրավերներից մեկը ուսումնական խմբերի բազմամակարդակ բնույթն է: Միևնույն դասարանում հաճախ սովորում են աշակերտներ, որոնք ունեն լեզվական տարբեր պատրաստվածություն, բառապաշարի տարբեր պաշար և ընկալման արագություն: Այս պայմաններում ուսուցիչը…
Ուսումնական նախագիծ. «Հայկական գինին՝ որպես ազգային ինքնության խորհրդանիշ» Բաղադրիչ Նկարագրություն Թեմա Հայկական գինեգործություն Առարկա(ներ) Հայոց պատմություն, Անգլերեն Թիրախային դասարան 9-րդ դասարան Տևողություն և ժամկետ 15 շաբաթ (2025-2026
Արտադասարանական լեզվական խաղերը՝ որպես խոսքի զարգացմանը նպաստող հետաքրքիր միջոց, ներառում են տարբեր խաղեր ու վարժություններ, որոնք նպաստում են երեխաների և պատանիների լեզվական ունակությունների, մտածողության և խոսքի զարգացմանը: Այսպիսի խաղերը ոչ…
Կրթության մեջ լեզվաբառարանական զարգացման ու խոսքի հմտությունների բարելավումը հանդիսանում է կրթական համակարգի հիմնական բաղադրիչներից մեկը: Դպրոցական կրթության ընթացքում աշակերտների լեզվաբառարանական զարգացմանը մեծ ուշադրություն է դարձվում, քանի որ այն հանդիսանում է…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
