ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Ազգային ժողով-Կառավարություն հարցուպատասխանի ընթացքում ՀՀ կրթության, գիտության, մշակույթի և սպորտի նախարար Ժաննա Անդրեասյանն անդրադարձել է ՀՀ Արարատի մարզի Վերին Դվինի ասորական Ումրա (Մար Թումա) եկեղեցու վերականգնման աշխատանքներին։
Նախարարի խոսքով՝ եկեղեցու վերականգնման հարցը ներառված է նախարարության կարևոր առաջնահերթությունների շարքում։ ԿԳՄՍ նախարարությունը մրցութային կարգով պատվիրել է Վերին Դվին գյուղի ասորական Ումրա (Մար Թումա) եկեղեցու ամրակայման, նորոգման և վերականգնման գիտանախագծային փաստաթղթեր։ Սակայն, հաշվի առնելով, որ հանրապետությունում հուշարձանների վերանորոգման և պահպանության աշխատանքների ծավալը մեծ է, դրանք անհրաժեշտ է կազմակերպել և իրականացնել փուլային ու համակարգված մոտեցմամբ։
ԿԳՄՍ նախարարը տեղեկացրել է՝ այս տարի կիրականացվեն համապատասխան նախագծման աշխատանքները, այնուհետև կմեկնարկի բուն վերականգնումը:
«Գործում են հատուկ ընթացակարգեր․ նախագիծը պետք է քննարկվի նախարարությանը կից գիտամեթոդական խորհրդում, իսկ բուն աշխատանքների հսկողությունը պետք է իրականացվի մասնագիտական խորհրդի կողմից։ Այս տրամաբանությամբ, կարծում եմ, առաջիկա տարվա ընթացքում կամփոփվեն նախագծման աշխատանքները, ինչից հետո կմեկնարկի շինարարության փուլը»,- նշել է նախարարը:
Ասորական Ումրա (Մար Թումա) եկեղեցու վերականգնման գիտանախագծային փաստաթղթերի մշակման համար պետական բյուջեից տրամադրվել է 6 մլն դրամ:
Ժաննա Անդրեասյանն անդրադարձել է նաև հուշարձանների վերականգնման համար նախատեսված ընդհանուր պետական ֆինանսավորմանը՝ ընդգծելով, որ վերջին տարիներին այդ ուղղությամբ բյուջետային հատկացումները զգալիորեն աճել են․ «Նախորդ տարի հուշարձանների վերականգնման աշխատանքներին ուղղվել է ավելի քան 1.3 միլիարդ դրամ։ Այս պահին արդեն աշխատանքների ծավալը և որակը հասցվել են այնպիսի տեմպի, որ մեկ տարվա ընթացքում հնարավոր է դառնում աշխատանքներ իրականացնել շուրջ չորս տասնյակ հուշարձաններում»։
Ժաննա Անդրեասյանի դիտարկմամբ՝ կարողությունների զարգացումն ու ֆինանսական հնարավորությունների ընդլայնումը հնարավորություն են տվել վերականգնման ծրագրերում ներառել բազմաթիվ նոր հուշարձաններ, որոնց թվում է նաև Վերին Դվինի ասորական Ումրա (Մար Թումա) եկեղեցին:
Նախարարը նաև ընդգծել է, որ ՀՀ մշակույթի պահպանության, զարգացման և հանրահռչակման 2023-2027 թվականների ռազմավարության մեջ հատուկ շեշտադրված է ազգային փոքրամասնությունների հուշարձանների պահպանումը։ Նրա խոսքով՝ ներկայում արդեն իրականացվում են վերանորոգման աշխատանքներ ազգային փոքրամասնությունների մշակութային ժառանգությանը պատկանող մի շարք հուշարձաններում։
«Մենք խոսում ենք մի քանի հարյուր հուշարձանի մասին, և բնականաբար, մեկ տարվա ընթացքում հնարավոր չէ բոլորի վերականգնումն իրականացնել։ Սա շարունակական գործընթաց է, և առաջին հերթին պետք է զբաղվել առավել վտանգված հուշարձաններով, որոնք անհապաղ միջամտության կարիք ունեն»,- ասել է Ժաննա Անդրեասյանը։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի՛ ուսուցիչներ, նախագծային մեթոդը զարգացնում է սովորողների հետազոտական և թիմային հմտությունները (օրինակ՝ բնապահպանական կամ մշակութային թեմաներով): Որպեսզի նախագծի արդյունքների ամփոփումը լինի տեսանելի և տպավորիչ, աշակերտների հետ կարելի է օգտագործել Canva…
Ողջո՛ւյն, հարգելի գործընկերներ: Տարրական դպրոցում ձևավորող գնահատումն առանցքային է, իսկ ՏՀՏ գործիքների (օրինակ՝ LearningApps կամ Google Forms) կիրառումը թույլ է տալիս այն դարձնել ավելի պատկերավոր և անհատականացված: Թվային գործիքների միջոցով…
Ողջույն, հարգելի՛ գործընկերներ: Այսօր մեր աշակերտները (և ոչ միայն նրանք) ավելի շատ գրում են սոցցանցերում, քան տետրերում: Արդյունքում ձևավորվել է մի նոր լեզվաշերտ, որտեղ «լայքելը» , «սքրին անելն» ու «ֆոլով…
Առաջարկում եմ Վարուժանի « Հարճը» ամփոփել «Անավարտ նախադասություններ մեթոդով»: Ի՞նչ կարծիքի եք, հարգելի՛ գործընկերներ: Անավարտ նախադասությունները շարունակե՛լ: Իմ կարծիքով ուժեղ մարդը նա է, ով- Կարծիքիս վերաբերյալ վկայություն պատմությունից- պոեմից- մեր…
Հարգելի՛ գործընկեր, առաջարկում եմ այսպիսի անդրադարձ: Նպատակը՝Ներկայացնում եմ Տերյանին Լսել «Մի խառնեք մեզ ձեր վայրի․․․» երգը, գրել 3-րոպեանոց շարադրանք՝ առանց գրիչը թղթից կտրելու: Ընթերցել « Ոչ ծաղրածու զվարճախոս» բանաստեղծությունը դուրս…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
