ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԱԺ լիագումար նիստում քննարկվել է «Պետական տուրքի մասին» օրենքում փոփոխությունների նախագիծը:
Զեկուցելով հարցը՝ ՀՀ ԿԳՄՍ նախարար Ժաննա Անդրեասյանը նշել է, որ նախագծով առաջարկվող փոփոխություններն ուղղված են մշակութային արժեքների արտահանման գործընթացում ավելի հստակ ու չափելի ընթացակարգերի սահմանմանը: Մասնավորապես՝ նախատեսվում է մաքսային մարմինների կողմից մշակութային արժեքների համար գանձվող պետական տուրքի տարանջատում:
«Մի կողմից՝ առաջարկվող կարգավորումները համադրվում են ընդհանուր իրավական շրջանակին, մասնավորապես՝ ԵԱՏՄ կարգավորումներին, մյուս կողմից՝ դրանք առավել նպաստավոր պայմաններ են ստեղծում մշակութային արժեքների շրջանառության տեսանելիության համար: Սա կարևոր քայլ է նաև մշակույթի ոլորտում թափանցիկ շուկայի ձևավորման տեսանկյունից, ինչը Կառավարության առաջնահերթություններից է»,- նշել է ԿԳՄՍ նախարարը և տեղեկացրել՝ վերջին տարիներին Կառավարության աշխատանքն ուղղված է եղել մշակույթի ոլորտում տնտեսականացման առաջընթացի ապահովմանը։
Մասնավորապես՝ նախորդ տարի Ազգային ժողովն ընդունել է «Մշակութային աճուրդների մասին» օրենքը, որը օրենսդրության նոր փաթեթ էր և ամբողջությամբ նոր դաշտ է ապահովել մշակութային աճուրդների կազմակերպման համար։ Նախարարի դիտարկմամբ՝ այն հնարավորություն է տալիս երկրում ձևավորել ինստիտուցիոնալ շուկա մշակութային արժեքների վաճառքի համար: Ըստ նրա՝ ներկայում բանակցություններ են վարվում հեղինակավոր աճուրդային տների հետ՝ Հայաստանում գործունեություն ծավալելու ուղղությամբ։ Բացի այդ՝ վերջերս Կառավարությունն ընդունել է նաև աճուրդների կազմակերպման կարգը։
«Վստահ եմ՝ «Պետական տուրքի մասին» օրենքում առաջարկվող փոփոխությունները կլրացնեն օրենսդրական շրջանակը, որը մշակութային արժեքների շուկան և դրա կարգավորումը կդարձնի առավել տեսանելի և կանխատեսելի»,- ասել է Ժաննա Անդրեասյանը։
ԿԳՄՍ նախարարի խոսքով՝ հստակեցվել են մշակութային արժեքների արտահանման համար պահանջվող փաստաթղթերը և մաքսային ռեժիմները։ Եթե նախկինում առկա էր միայն արտահանման լիցենզիա և ժամանակավոր արտահանման իրավունքի վերաբերյալ եզրակացություն, ապա այժմ ավելացվում են նաև հանքագիտական և հնէաբանական հավաքածուների հետ կապված կարգավորումները, վերամշակման մաքսային ընթացակարգերի կարգավորումները և մի շարք այլ դրույթներ, որոնք հնարավորություն կտան ճկունություն ցուցաբերել համապատասխան գործընթացներում։
Առաջարկվում է փոխել նաև տուրքի չափը, մասնավորապես՝ գործող օրենքում տուրքի չափը բազային տուրքի հնգապատիկն է: Քննարկվող նախագծով առաջարկվում է մեկ մշակութային արժեքի համար բազային տուրքի տասնապատիկի չափով տուրք կիրառել, երկու և ավելի մշակութային արժեքների դեպքում՝ բազային տուրքի տասնհինգապատիկի չափով: Միաժամանակ կրկնօրինակների պարագայում տուրքի չափը կպահպանվի բազային տուրքի եռապատիկի չափով՝ ինչպես նախկինում էր։ Նոր խմբագրություն է սահմանվել նաև տուրքի վճարման արտոնություն ունեցող խմբերին վերաբերող հոդվածում:
ԿԳՄՍ նախարարի խոսքով՝ նախագիծը կարևոր է ինչպես օրենսդրական շրջանակը միջազգային ձևաչափերին համապատասխանեցնելու, այնպես էլ մշակույթի տնտեսականացման պետական քաղաքականությունը խթանելու տեսանկյունից՝ ապահովելով մշակութային արժեքների արտահանման առավել կարգավորված և կանխատեսելի ընթացակարգեր։
Գլխադասային հանձնաժողովի դրական եզրակացությունը ներկայացրել է ԱԺ պատգամավոր Ջուլիետա Ազարյանը:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Անդրադառնանք ևս մեկ թեմայի գործընկերների ցանկությամբ: Երեխաների ուշադրությունը գրավելն ու պահելը պահանջում է թե՛ հոգեբանական հնարքներ, թե՛ ճիշտ կառուցվածք: Քանի որ երեխաների ուշադրության կենտրոնացման տևողությունը սովորաբար սահմանափակ է, կարևոր է…
Հարգելի գործընկերներ, իմ դասարանում ունեմ 32 աշակերտ՝ նրանք սահուն կարդում են, բայց կան մի քանիսը,որոնք դժվարանում են պատմել,վերարտադրել տեքստի բովանդակությունը. ձեր դասարաններում ինչպե՞ս եք լուծում այս խնդիրը՝ քննարկենք միասին.
Հարգելի՛ գործընկերներ, Տեխնոլոգիա առարկայի դասերը առանձնահատուկ հնարավորություն են տալիս սովորողների ստեղծագործական և գործնական կարողությունների զարգացման համար: Իմ դիտարկմամբ՝ այս դասերի ընթացքում սովորողների հետաքրքրությունը մեծապես պայմանավորված է այն հանգամանքով, թե որքանով…
Հարգելի գործընկերներ, Հաճախ ենք տեսնում աշակերտների, ովքեր ամբողջ գիշեր դաս են սովորում, բայց առավոտյան գրեթե ոչինչ չեն հիշում: Որպես կենսաբան՝ ես փորձում եմ նրանց բացատրել, որ ուղեղը սովորական «պարկ» չէ,…
ֆիզիկա առարկայի միջառարկայական կապերի համար լայն կիրառություն ունեցող թեմաներից է, որի միջոցով կարող ենք կապ հաստատել նաև հասարակագիտության հետ:
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
