ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Ֆրանս-հայկական մասնագիտական ուսումնական կենտրոնում մեկնարկել է Եվրոպական կրթական հիմնադրամի (ETF) FormA եռօրյա վերապատրաստման ծրագիրը՝ միջին մասնագիտական ուսումնական հաստատությունների դասավանդողների և ղեկավարների համար: Ծրագիրը կանցկացվի փետրվարի 23-25-ը:
Վերապատրաստման դասընթացի մեկնարկին ներկա է եղել ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը:
Նախարարի տեղակալը շնորհակալություն է հայտնել Եվրոպական կրթական հիմնադրամին ծրագրի իրականացման համար՝ նշելով, որ կառույցի հետ երկարատև և կայուն գործընկերություն է ձևավորվել. հիմնադրամը ՄԿՈՒ ոլորտում կարողությունների զարգացման բազմապիսի ծրագրեր է իրականացնում․
«Քննարկումների ժամանակ առաջարկվեց քոլեջների համար ձևավորող գնահատման վերաբերյալ դասընթաց իրականացնել, քանի որ ժամանակակից մանկավարժության մեջ ձևավորող գնահատումն ունի իր ուրույն տեղը և անգնահատելի նշանակությունը թե՛ սովորողի, և թե՛ դասավանդողի տեսակետից: Եթե հանրակրթության ոլորտում Հանրակրթության պետական չափորոշչի շրջանակում արդեն շուրջ երեք տարի ներդրված է ձևավորող գնահատումը, ապա մասնագիտական կրթության ոլորտում այս մոտեցումը շատ ավելի ուշ է ներդրվել: Կարևոր է, որ դասընթացին տարբեր քոլեջների ներկայացուցիչներ են մասնակցում, որոնց հրավիրված փորձագետները և դասավանդողները կներկայացնեն FormA գործիքը»,- նշել է նախարարի տեղակալը՝ ընդգծելով ձևավորող գնահատման արդյունավետությունը սովորողների մոտիվացիան բարձրացնելու տեսանկյունից։
Արաքսիա Սվաջյանի դիտարկմամբ՝ տարիներ շարունակ կրթական համակարգի գնահատման սկզբունքը հիմնվել է «ինչ չգիտի սովորողը» մոտեցման վրա, իսկ ձևավորող գնահատման հիմքում ընդհակառակը՝ «ինչ գիտի սովորողը» մոտեցումն է․ «Այս մոտեցումը միտված է ուսուցման գործընթացում արձանագրված բացերի լրացմանը և սովորողին ընձեռում է ոչ միայն իր ձեռքբերումները և առաջընթացը ցույց տալու հնարավորություն, այլև դրական է ազդում սովորելու մոտիվացիայի վրա»:
Վստահություն հայտնելով, որ դասընթացը կլինի հագեցած և հետաքրքիր՝ նախարարի տեղակալը նշել է, որ այն դեռևս չի կարող համարվել վերապատրաստողների վերապատրաստում։ Նա հույս է հայտնել, որ այս գործընթացում ներգրավված դասավանդողներն աստիճանաբար կգեներացնեն նաև տեղական վերապատրաստողների ռեսուրսը՝ ընդլայնելով ձևավորող գնահատման ներդրումը ՄԿՈՒ համակարգում։
Ողջույնի խոսքով հանդես են եկել նաև Եվրոպական կրթական հիմնադրամի (ETF) Մարդկային կապիտալի զարգացման ավագ փորձագետ, նորարարական դասավանդման և ուսուցման համակարգող Օլենա Բեխը, Մարդկային կապիտալի զարգացման փորձագետ Թամար Կիտաշվիլին, ձևավորող գնահատման փորձագետ-վերապատրաստող Աննա Ալեքսանյանը:
Եվրոպական կրթական հիմնադրամի (ETF) FormA գործիքը կարող է կիրառվել մասնագիտական կրթության և ուսուցման ոլորտում․ այն առաջարկում է չափորոշիչների, չափանիշների և գործնական միջոցների կառուցվածքային շրջանակ, որն աջակցում է դասավանդողներին, հաստատություններին և համակարգերին՝ ախտորոշել իրենց ընթացիկ պրակտիկան և ծրագրել առաջընթացը ձևավորող գնահատման ուղղությամբ։
Գործիքը թույլ է տալիս տեսանելի դարձնել ուսուցման նպատակներն ու հաջողության չափորոշիչները, կրթության ընթացքում ստանալ հետադարձ կապ՝ ներգրավելով սովորողներին խմբակային և ինքնուրույն աշխատանքների միջոցով։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, Ուզում եմ մի հարց բարձրացնել, որն ամեն օր տեսնում ենք մեր դասարաններում: Հաճախ աշակերտի համար դասի նպատակը դառնում է ոչ թե թեման հասկանալը, այլ լավ գնահատական ունենալը: Մենք…
Հանրակրթության նոր չափորոշիչը (ՀՊՉ) տարրական դպրոցում շեշտադրումը տեղափոխում է «ի՞նչ սովորեցնել»-ից դեպի «ինչպե՞ս սովորեցնել», որպեսզի ձևավորվեն անհրաժեշտ կարողունակությունները: Այս համատեքստում գործիքակազմի ճիշտ ընտրությունն առանցքային է: Ահա այն հիմնական գործիքները, որոնք…
Ներածություն Մաթեմատիկան շատ աշակերտների համար թվում է բարդ և վերացական: Ես իմ աշխատանքում կիրառում եմ CPA (Concrete-Pictorial-Abstract) մոդելը, որն օգնում է երեխային «տեսնել» և «շոշափել» մաթեմատիկան նախքան թվերով գործողություններ անելը:…
Շախմատի դասավանդման նոր չափորոշչային պահանջները ենթադրում են անցում զուտ տեղեկատվական ուսուցումից (քայլերի անգիր անում) դեպի կարողունակահենք կրթություն: Ստորև ներկայացված են այն հիմնական մեթոդներն ու հնարները, որոնք ապահովում են ակադեմիական գիտելիքի…
Միջառարկայական կապերը դպրոցում Ժամանակակից կրթական համակարգում կարևոր տեղ է զբաղեցնում միջառարկայական կապերի ապահովումը: Այն ենթադրում է տարբեր առարկաների միջև բովանդակային և մեթոդական փոխկապակցվածություն, որի շնորհիվ աշակերտները գիտելիքը ընկալում են ոչ…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
