ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԿԳՄՍ նախարար Ժաննա Անդրեասյանը Երևանի և ՀՀ մարզերի մի խումբ դպրոցականների հետ այսօր այցելել է ԳԱԱ մոլեկուլային կենսաբանության ինստիտուտ։
ԿԳՄՍ նախարարին ուղեկցել են Բարձրագույն կրթության և գիտության կոմիտեի նախագահ Սարգիս Հայոցյանը և ինստիտուտի տնօրեն Արսեն Առաքելյանը։
Այցին մասնակցել են 7-12-րդ դասարանների դպրոցականներ, որոնք արձագանքել էին նախարարի՝ ֆեյսբուքյան էջով հրապարակված հրավերին։
Նախաձեռնության նպատակն է խթանել աշակերտների հետաքրքրությունը գիտության նկատմամբ և հնարավորություն ընձեռել նրանց անմիջականորեն ծանոթանալու գիտահետազոտական գործունեությանը։
Դպրոցականները գիտաշխատողների ուղեկցությամբ շրջել են ժամանակակից սարքավորումներով հագեցած լաբորատորիաներում, ծանոթացել իրականացվող գիտական ծրագրերին և ընթացիկ հետազոտություններին։ Աշակերտները զրուցել են գիտնականների հետ, ստացել իրենց հետաքրքրող հարցերի պատասխանները, ինչպես նաև ականատես եղել գիտական փորձերին։
Ժաննա Անդրեասյանը զրուցել է դպրոցականների հետ՝ հետաքրքրվելով նրանց մասնագիտական կողմնորոշմամբ, ապագա ծրագրերով և գիտության նկատմամբ հետաքրքրությամբ։
Ինստիտուտի տնօրեն Արսեն Առաքելյանի գնահատմամբ՝ հասարակության և գիտական ոլորտի միջև առկա է որոշակի տարանջատվածություն, և նմանօրինակ նախաձեռնությունները հնարավորություն են տալիս ավելի մոտիկից պատկերացնելու, թե ինչով են զբաղվում գիտնականները, ինչ խնդիրների վրա են աշխատում և ինչ լուծումներ են առաջարկում՝ ուղղված կյանքի բարելավմանը։
Նրա խոսքով՝ գիտաշխատողները փորձել են աշակերտներին հնարավորինս մատչելի ներկայացնել իրականացվող հետազոտությունները։
Աշակերտները ծանոթացել են կենսամոլեկուլների համակարգչային մոդելավորման աշխատանքներին, ինչպես նաև տեղեկացել հնագիտական պեղումներից ստացված ոսկրային նյութից ԴՆԹ-ի առանձնացման և տարբեր ժամանակաշրջաններում մարդկանց ծագումնաբանական հարցերի ուսումնասիրման գործընթացին։ Անդրադարձ է կատարվել նաև տարածաշրջանում տարբեր ժամանակաշրջաններում արձանագրված փոփոխություններին և տարածված հիվանդություններին։
Դպրոցականները եղել են նաև վիրուսաբանական լաբորատորիայում, որտեղ իրականացվող հետազոտություններն առնչվում են գյուղատնտեսությանը։
«Դպրոցականներն իրենց ձեռքով փորձեցին ելակից անջատել ԴՆԹ-ն, որպեսզի տեսնեն՝ գործնականում ինչպես է իրականացվում այդ գործընթացը։ Կարծում եմ՝ սա նրանց համար շատ հետաքրքիր փորձ կլինի։ Երեխաները շատ հետաքրքրված էին և բավականին հետաքրքիր հարցեր էին տալիս։ Փորձեցինք նրանց ապագա մասնագիտությունները կապել կենսաբանության հետ։ Ցույց տվեցինք, որ կենսաբանության և կենսատեխնոլոգիայի զարգացումը կարևոր է տարբեր մասնագիտությունների համար»,- ասել է ինստիտուտի տնօրենը՝ ընդգծելով, երեխաները ցուցաբերել են մեծ հետաքրքրվածություն։
Դպրոցականների՝ գիտական ինստիտուտներ և լաբորատորիաներ այցերը կրելու են շարունակական բնույթ։ Ծրագրին կարող են մասնակցել 7–12-րդ դասարաններում սովորող, գիտությամբ հետաքրքրվող դպրոցականները։ Մասնակցելու ցանկություն ունեցող աշակերտները կարող են դիմել՝ գրելով նախարարի պաշտոնական էլփոստին` zhanna.andreasyan@escs.am։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ներածություն Մաթեմատիկան շատ աշակերտների համար թվում է բարդ և վերացական: Ես իմ աշխատանքում կիրառում եմ CPA (Concrete-Pictorial-Abstract) մոդելը, որն օգնում է երեխային «տեսնել» և «շոշափել» մաթեմատիկան նախքան թվերով գործողություններ անելը:…
Շախմատի դասավանդման նոր չափորոշչային պահանջները ենթադրում են անցում զուտ տեղեկատվական ուսուցումից (քայլերի անգիր անում) դեպի կարողունակահենք կրթություն: Ստորև ներկայացված են այն հիմնական մեթոդներն ու հնարները, որոնք ապահովում են ակադեմիական գիտելիքի…
Միջառարկայական կապերը դպրոցում Ժամանակակից կրթական համակարգում կարևոր տեղ է զբաղեցնում միջառարկայական կապերի ապահովումը: Այն ենթադրում է տարբեր առարկաների միջև բովանդակային և մեթոդական փոխկապակցվածություն, որի շնորհիվ աշակերտները գիտելիքը ընկալում են ոչ…
Բարև ձեզ, հարգելի գործընկերներ․ Ինչպես գիտենք, սմարթ-էկրանը ՏՀՏ գործիքակազմի կիրառման լավագույն գործիքն է, որի շնորհիվ մենք կարողանում ենք դասերը դարձնել ինտերակտիվ, հետաքրքիր ու հեեշտ: Այն հիմնված է Էլեկտրոնային հարթակների և…
Հարգելի գործընկերներ, Մեր մանկավարժական գործունեության ընթացքում մենք օգտվել ենք բազմաթիվ աղբյուրներից․ գրքեր, թերթեր, ամսագրեր, հոդվածներ և այլն: Սակայն այսօր, ի լրումն այդ աղբյուրների, ունենք նաև «Աշխարհացույց» կրթական հարթակ, որի հայտնվելը…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
