Տավուշի մարզի շահերի պաշտպանության խմբերն ամփոփեցին իրենց աշխատանքները

Օգոստոսի 30, 2017

Լուրեր կազմակերպություններից

Տավուշի մարզի Ոսկեվան, Բաղանիս, Բերդավան և Հաղթանակ   համայնքների մոտ 50 երեխաներ  ընդգրկված են երեխայի շահերի պաշտպանության ծրագրում, որը նշյալ համայնքներում իրականացվում է Վորլդ Վիժն Հայաստան միջազգային բարեգործական կազմակերպության կողմից երեխաների շահերի պաշտպանության խմբերն ամփոփեցին իրենց գործունեության  արդյունքները  տարեկան  ֆորումների ընթացքում, որին մասնակցում էին  համայքների ավագանու անդամներ, համայնքների ներկայացուցիչներ, հասարակական կազմակերպությունների, դպրոցների  և Տավուշի մարզի երեխայի, ընտանիքի և կանանց իրավունքների բաժնի ներկայացուցիչներ:

Ներկայացվել  են  տարվա ընթացքում ծրագրով իրականացված գործողությունները, նախաձեռնությունները, իրականացված համայնքային ծրագրերը և դրանց արդյունքները, քննարկվել  ապագա անելիքների և որոշում կայացնողների հետ համագործակցության  խորացման  հետ կապված հարցեր: Միջոցառումներին  որոշում կայացնողների և այլ կառույցների ներկայացուցիչների  կողմից բարձր է գնահատվել  խմբերի  գործունեությունը և վերահաստատել են, որ   երեխաները կարողանում են իրենց համայնքների հարցերի շուրջ մտածել, դրանց լուծման գործում երկխոսություն ծավալել որոշում կայացնողների հետ և կարևորում են իրենց դերը համայնքների զարգացման գործում:

Ծրագրի մասնակից 15-ամյա Ժաննան նշում է. «Երբ միացա ծրագրին և մասնակցեցի  տարբեր նախաձեռնությունների, բարդույթներից  ազատվեցի, որը մինչ այդ ունեի և  խանգարում էին  լինել ակտիվ:  Այժմ կարողանում եմ անկաշկանդ ներկայացնել  իմ կարծիքն ու տեսակետը և զգում եմ, թե որքան եմ փոխվել ծրագրին մասնակցելով»: 15-ամյա Լիլիթը կարևորում է իր դերը համայնքում՝ կիրառելով ստացած գիտելիքներն ու կարողությունները: Իսկ 14-ամյա Նարինեի հավաստմամբ, ինքը արդեն կարողանում է հիմնախնդիրների վերաբերյալ հանրային հարցումների մասնակցել և գտնել լուծման ճանապարհներ: Հաղթանակ համայնքի միջնակարգ դպրոցի տնօրեն, պարոն Գ.Բիջոյանը ողջունեց այս ծրագիրը, նշելով, որ երեխաների մոտ ակտվիության ցուցանիշն է բարձրացել ու շատ է կարևոր, որ երեխաները համայնքում կարողանում խնդիրներ վեր հանել, դրանց առաջնայնությունը որոշել ու հետևողական լինել դրանց լուծման հարցում: Երեխաները նաև ստացան մասնակցության հավաստագրեր:

Ծրագրի շրջանակում  երեխաները վերապատրաստվել են  մարդու իրավունքների, շահերի պաշտպանության և որոշումների կայացման գործընթացում մասնակցության մեխանիզմների, կարիքների գնահատման, տվյալների հավաքագրման  ու վերլուծման դասընթացներին մասնակցելով, իրականացրել հարցումներ, մշակել գործողությունների պլան և ձեռնամուխ եղել համայնքային նախագծերի մշակմանը և իրականացմանը:  Ծրագիրը կրկին կշարունակվի հոկտեմբերից:

Շահերի պաշտպանության խումբը, որը ներառում է նշյալ համայնքների մոտ 33 երեխա, դասընթացների միջոցով ձեռք են բերում գիտելիքներ ու հմտություններ՝ համայնքային նախագծեր և քաղաքացիական նախաձեռնությունների, քարոզարշավների ու այլ միջոցառումների իրականացման նպատակով, որոնցում կներգրավվեն նաև որոշում կայացնողներին ու հանրությանը: Ծրագիրն իրականացվում է 6 մարզերում՝ Վորլդ Վիժն Հայաստան միջազգային կազմակերպության կողմից :

ՎՎՀ Իջևանի գրասենյակ