ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԿԳՄՍ նախարարի տեղակալ Հասմիկ Ավագյանն այսօր ընդունել է անկախ Հայաստանի կարատեի աշխարհի առաջնության առաջին բրոնզե մեդալակիր Սուրեն Հարությունյանին, Երևանում անցկացված Եվրոպայի մեծահասակների 60-րդ առաջնության բրոնզե մեդալակիր Գոռ Ներսիսյանին, 2025 թ. Սուրդլիմպիկ խաղերի բրոնզե մեդալակիր Գագիկ Ոսկանյանին և տարվա ընթացքում բարձր արդյունքներ ցուցաբերած մյուս մարզիկներին:
Հանդիպմանը մասնակցել են Հայաստանի կարատեի ազգային ֆեդերացիայի նախագահ Վազգեն Հարությունյանը, հավաքականի գլխավոր մարզիչ Սերյոժա Մակարյանը, ֆեդերացիայի գլխավոր քարտուղար Կարեն Վարդանյանը:
Ողջունելով մեդալակիր մարզիկներին և ֆեդերացիայի ղեկավար կազմին՝ ԿԳՄՍ նախարարի տեղակալ Հասմիկ Ավագյանը շնորհավորել է նրանց տարվա ընթացքում արձանագրած հաջողությունների կապակցությամբ և շնորհակալություն հայտնել կատարած հետևողական աշխատանքի համար։
«Ձեր ձեռքբերումներն այս մարզաձևում, իսկապես, բացառիկ են․ ՀՀ անկախության ողջ շրջանում այս մարզաձևում այսպիսի բարձր արդյունքներ դեռևս չէին գրանցվել։ Դրանք ոչ միայն ձեր անձնական հաղթանակներն են, այլև մեր երկրի և հայկական սպորտի կարևոր նվաճումները։ Դուք լավագույն օրինակն եք երիտասարդ սերնդի համար»,- նշել է նախարարի տեղակալը՝ կարևորելով նաև սպորտի ոլորտում հաջողությունների հասած մարզիկների համագործակցությունը հանրակրթության համակարգի հետ՝ առողջ ապրելակերպի խրախուսման և քարոզման համատեքստում:
Հասմիկ Ավագյանը բարձր է գնահատել Հայաստանի կարատեի ազգային ֆեդերացիայի ղեկավարության և մարզչական շտաբի արդյունավետ աշխատանքը և համագործակցությունը։ Նա վերահաստատել է պետության պատրաստակամությունը՝ շարունակելու աջակցել ֆեդերացիայի կողմից իրականացվող ծրագրերին ու նախաձեռնություններին, ինչպես նաև սատարելու բարձր արդյունքներ ապահոված մարզիկներին՝ նպաստելով մարզաձևի զարգացմանն ու մասսայականացմանը։
Հայաստանի կարատեի ազգային ֆեդերացիայի ներկայացուցիչները շնորհակալություն են հայտնել ընդունելության, ցուցաբերած ուշադրության ու գնահատանքի համար։ Նշվել է մարզչական շտաբի կողմից իրականացված հետևողական և նպատակային աշխատանքի կարևորությունը, որի շնորհիվ Երևանում անցկացված Եվրոպայի առաջնությունում և Եգիպտոսում տեղի ունեցած աշխարհի առաջնությունում հայ մարզիկներն առաջին մեդալներն են նվաճել մեծահասակների պայքարում։
«Թիմը երիտասարդ է, սակայն շատ հեռանկարային։ Մեր նպատակն է առաջիկայում փոխել մեդալների գույնը, հասնել եզրափակիչներ և բարձր պահել Հայաստանի մարզական պատիվը միջազգային հարթակներում»,- ընդգծել են ֆեդերացիայի ներկայացուցիչները։
Հանդիպման ընթացքում քննարկվել են նաև առաջիկա միջոցառումներին, մասնավորապես՝ 2027 թվականին Երևանում անցկացվելիք կարատեի Եվրոպայի պատանիների, երիտասարդների և մինչև 21 տարեկանների առաջնությանը վերաբերող հարցեր:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական համակարգը վերջին…
Ես Լորետա Դումիկյանն եմ, դասավանդում եմ ավագ դպրոցում` որպես ԹԳՀԳ և մաթեմատիկա առարկաների ուսուցիչ: Բացի այդ, դասավանդում եմ python ծրագրավորման լեզու՝ <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական…
Հարգելի գործընկերներ, ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Ուզում եմ քննարկել հետևյալ…
Ուսումնական նախագիծ I. Նախաբան Այս ուսումնական տարում մեր 10-րդ դասարանի սովորողների նախաձեռնությամբ մեկնարկեց մի նախագիծ, որը նպատակ ունի խորապես ուսումնասիրել քաղաքական գաղափարախոսությունների դերը՝ որպես քաղաքական դաշտը հասկանալու գործիք: Նախաձեռնության հիմնական…
Տեղեկատվական այս դարաշրջանում, երբ տեխնոլոգիաները արագությամբ փոխում են աշխարհը, մեր դասարանների դռները չեն կարող մնալ փակ նախորդ դարի համար: Հայկական կրթությունը, իր հարուստ պատմական ավանդույթներով, կանգնած է հզոր և անխուսափելի…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
