«ՀՀ 2027 թվականի երիտասարդական մայրաքաղաք» մրցույթի փորձագիտական գնահատման խմբի ձևավորման մրցույթ

Հոկտեմբերի 17, 2025

Լուրեր կազմակերպություններից

ԿԳՄՍ նախարարությունը հայտարարում է մրցույթ՝ «Հայաստանի Հանրապետության 2027 թվականի երիտասարդական մայրաքաղաք» մրցույթի փորձագիտական գնահատման խմբի ձևավորման նպատակով:

Փորձագիտական գնահատման խումբն իրականացնում է մրցութային հայտերի փորձագիտական գնահատումը:

Մրցույթին կարող են մասնակցել և խմբի կազմում ընդգրկվել երիտասարդական աշխատողներ, երիտասարդական հասարակական կազմակերպությունների, ուսանողական խորհուրդների, նախաձեռնող խմբերի ներկայացուցիչներ, երիտասարդության ոլորտի դասընթացավարներ, փորձագետներ, հետազոտողներ, ինչպես նաև այլ շահագրգիռ անձինք, որոնք ուղղակի և/կամ անուղղակի առնչվում են երիտասարդության հիմնախնդիրներին ու երիտասարդական պետական քաղաքականությանը և բավարարում են ստորև ներկայացվող պահանջներին:

Փորձագետին ներկայացվող պահանջներն են՝

• վերջին 5 տարում երիտասարդական քաղաքականության ոլորտում իրականացրած գործունեություն, համայնքային, մարզային և հանրապետական մակարդակով երիտասարդական ծարագրերի իրականացում, երիտասարդական աշխատանքի իրականացում, երիտասարդական ծառայությունների մատուցում,
• երիտասարդության ոլորտում փորձագիտական աշխատանքի իրականացման փորձառություն,
• առնվազն 3 երիտասարդական կամ համայնքային ծրագրերի գնահատման փորձառություն,
• ներհանրապետական գործուղումների մեկնելու պատրաստակամություն,
• բարձրագույն կրթությունը (առնվազն բակալավրի որակավորման աստիճան) կդիտարկվի առավելություն։

Մրցույթին մասնակցելու համար անհրաժեշտ փաստաթղթերի ցանկը`

• դիմում՝ ուղղված «Հայաստանի Հանրապետության 2027 թվականի երիտասարդական մայրաքաղաք» մրցույթի կազմակերպման մրցութային հանձնաժողովի ղեկավարին (ձևը կցվում է),
• անձը հաստատող փաստաթուղթ (անձնագրի կամ նույնականացման քարտի պատճեն (pdf կամ jpg ֆորմատով),
• հայտ (pdf կամ word ֆորմատով) (ձևը կցվում է),
• Ինքնակենսագրական (cv):

Հայտերն ընդունվում են մինչև 2025 թվականի նոյեմբերի 20-ը ներառյալ։

Ներկայացված պահանջներին բավարարող և հետաքրքրված անձինք կարող են իրենց հայտն ուղարկել youth@escs.am էլեկտրոնային փոստին՝ նամակի վերնագրում նշելով «2027 թվականի երիտասարդական մայրաքաղաք/փորձագիտական խումբ»:

Հայտի ստացման մասին հայտատուն կտեղեկացվի երկօրյա ժամկետում` պատասխան էլեկտրոնային նամակի միջոցով:

ՈՒՇԱԴՐՈՒԹՅՈՒՆ։ Փորձագիտական գնահատման խմբում չեն ընդգրկվի այն թեկնածուները, որոնք կներկայացնեն «Հայաստանի Հանրապետության 2027 թվականի երիտասարդական մայրաքաղաք» մրցույթի հայտատու քաղաքները/համայնքները և/կամ որոնց աշխատանքային/մասնագիտական գործունեությունը անմիջական կապված կլինի հայտատու քաղաքների/համայնքների հետ։

Փորձագիտական գնահատման խմբի կազմը սահմանափակ է, և վերջնական ընտրությունը կատարվելու է «Հայաստանի Հանրապետության 2027 թվականի երիտասարդական մայրաքաղաք» մրցույթի կազմակերպման մրցութային հանձնաժողովի կողմից՝ համաձայն նշված պահանջների։

Հարցերի և հավելյալ տեղեկատվության համար զանգահարել՝ 010 599 643 հեռախոսահամարներով:

Նյութի աղբյուրը. ՀՀ կրթության, գիտության, մշակույթի և սպորտի նախարարություն