ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԿԳՄՍ նախարար Ժաննա Անդրեասյանն այսօր ներկա է եղել Հայաստանի տեխնոլոգիական համայնքի ամենասպասված միջոցառումներից մեկի՝ «ԴիջիԹեք 2025»-ի շրջանակում անցկացվող «EdTech Talks by Armath» կոնֆերանսին, որը վերաբերել է տեխնոլոգիական կրթությանը և կրթության մեջ տեխնոլոգիաների կիրառմանը։
«Արմաթ»-ի կողմից այսօր կազմակերպված կրթական կոնֆերանսի ընթացքում ՀՀ-ում գործող տարբեր կրթական ծրագրերի և ոչ ֆորմալ հաստատությունների ղեկավարներ անցկացրել են պանելային քննարկումներ, ունեցել ելույթներ` կիսվելով կրթության վերաբերյալ իրենց տեսլականով, փորձով ու կարծիքով։
Ողջունելով կրթական կոնֆերանսի մասնակիցներին՝ Ժաննա Անդրեասյանը կարևորել է՝ «Դիջիթեքում» տարեցտարի ավելի տեսանելի և նկատելի են դառնում հենց կրթական ծրագրերը։ Անդրադառնալով կրթության մեջ տեխնոլոգիաների գրագետ կիրառմանը՝ ԿԳՄՍ նախարարը նշել է, որ այն օրակարգային հարց է։
«Մեր խնդիրները տարբեր են, բայց դրանք առնչվում են կրթության մեջ տեխնոլոգիաների կիրառության գրագիտությանը, հնարավորությունների ճիշտ օգտագործմանը և զարգացման նոր հեռանկարներին։ Սրանք հարցեր են, որոնք թե՛ անհատական մակարդակում են մեզ տանելու զարգացման նոր ճանապարհով, թե՛ նոր հնարավորություններ են բացելու կրթական համակարգի համար, թե՛ նաև օգնելու են միջազգայնորեն հաստատել մեր կրթական համակարգի մրցունակությունը»,- ասել է Ժաննա Անդրեասյանն ու ընդգծել՝ կրթական համակարգի մրցունակությունն ու կրթական արտադրանքի արտահանումը ՀՀ կրթության՝ մինչև 2030 թվականի զարգացման պետական ծրագրի կարևոր ուղղություներից են։
Այս համատեքստում Ժաննա Անդրեասյանն արձանագրել է՝ ՀՀ կրթական համակարգում այսօր առկա են այնպիսի արտադրանքներ, որոնք վերաբերում են հենց տեխնոլոգիական կրթությանն ու հաջողությամբ արտահանվում են. «Շատ ուրախ եմ, որ այս ուղղությամբ մեր բոլոր ծրագրերը պետության և տվյալ ոլորտում ակտիվ գործունեություն ծավալող մասնավոր կազմակերպությունների համագործակցության արդյունք են, որը ամենաճիշտ զարգացման ճանապարհն է»։
Հաջողության պատմություններին զուգահեռ Ժաննա Անդրեասյանը կարևորել է նաև առկա խնդիրների վերաբերյալ քննարկումների ծավալումը։ Այս համատեքստում ԿԳՄՍ նախարարը տեղեկացրել է՝ հանրային քննարկման է ներկայացվել «ՀՀ գիտության ոլորտի զարգացման 2026-2030 թվականների ռազմավարական ծրագիրը» և դրանից բխող գործողությունների պլանը։
Ռազմավարությամբ առանձնացված են չորս կարևոր ուղղություններ, հստակ որակական և քանակական ցուցիչներ, որոնք թույլ են տալու հատկապես պետության համար կարևոր և գերակա ուղղություններում միջազգայնորեն մրցունակ, երկրի հանրային և տնտեսական զարգացման համար էական կշիռ ունեցող հետազոտություն և գիտական արդյունք ունենալ՝ հիմնվելով վերջին տարիներին գիտության ոլորտում կառավարության՝ արդեն իսկ իրականացրած էական ներդրումներին և փոփոխություններին։
«Այդ փաստաթուղթը պետք է ուղղված լինի նաև տեխնոլոգիական կրթության, հետազոտության, գիտության զարգացման խնդիրների ախտորոշմանը և այդ ուղղությամբ ճիշտ գործիքակազմերի որոշմանը։ Հուսով եմ՝ այս օրերի մեր քննարկումներն իրենց արտացոլումը կգտնեն ռազմավարական փաստաթղթերում և մեր առաջիկա անելիքներում»,- ասել է Ժաննա Անդրեասյանը՝ հաջող ընթացք մաղթելով կոնֆերանսի մասնակիցներին։
ԿԳՄՍ նախարարը նաև շնորհավորել է մայրաքաղաք Երևանի 2807-ամյակի առթիվ՝ խորհրդանշական համարելով նմանօրինակ քննարկումների անցկացումը տոնական օրերին: Ժաննա Անդրեասյանի խոսքով՝ հենց տեխնոլոգիական կրթությունը պետք է նպաստի քաղաքն առավել նորարար և հարմարավետ դարձնելուն:
ԿԳՄՍ նախարարը նաև շրջել է «ԴիջիԹեք» ցուցահանդեսում, ծանոթացել տաղավարներին։
Կրթական կոնֆերանսի շրջանակում ԿԳՄՍ նախարարի տեղակալներ Արաքսիա Սվաջյանը և Արթուր Մարտիրոսյանը մասնակցել են համապատասխանաբար «Նոր աշխարհ, հին կրթություն․ ինչ ենք մենք իրականում սովորեցնում երեխաներին և ինչպես» և «Կրթության արտահանում․ Հայաստանը որպես edtech հզոր կենտրոն» պանելային քննարկումներին, իսկ Բարձրագույն կրթության և գիտության կոմիտեի նախագահ Սարգիս Հայոցյանը հանդես է եկել ելույթով։
«ԴիջիԹեքը» տարածաշրջանի ամենամասշտաբային և ազդեցիկ տեխնոլոգիական հարթակն է։ Այն Հայաստանը ներկայացնում է որպես բարձր ներուժ ունեցող տեխնոլոգիական հաբ՝ միավորելով ավելի քան 300 ընկերության, 40.000 այցելուի, ավելի քան 100 ներդրողի և վենչուրային կապիտալի ներկայացուցչի, ինչպես նաև աշխարհի տարբեր կետերից ժամանած առաջատար մասնագետների։ Հոբելյանական 20-րդ «ԴիջիԹեքը» ներկայանում է նոր ու առավել ընդգրկուն ձևաչափով՝ որպես ցուցահանդեսի, միջազգային կոնֆերանսի և տոնական փառատոնի համադրություն։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, դիտարկումներս վերաբերում են նախագծային ուսումնառությանը, որը, անկասկած, ողջունելի և ժամանակի պահանջներին համահունչ մոտեցում է: Միաժամանակ, անհրաժեշտ է արձանագրել, որ այն իր հետ բերում է նաև որոշակի դժվարություններ և…
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Հարգելի´ ուսուցիչներ ,ձեզ եմ ներկայացնում իմ ընտրած թեման՝ «21-րդ դարի հմտությունների զարգացմանը միտված մեթոդների կիրառումը հայոց լեզվի և գրականության դասաժամերի ընթացքում »: Հուսով եմ ,որ կմասնակցեք թեմայի քննարկումներին, կանեք մեջբերումներ…
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ « Տեքստային խնդիրների դերը և կարևորությունը մաթեմատիկայի դասավանդման մեջ» և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ :…
Եկեք միասին քննարկենք՝ Արհեստական բանականության դերը կրթության մեջ․ ռիսկեր թե՞ հնարավորություններ: 21-րդ դարում կրթությունը կանգնած է նորագույն տեխնոլոգիաների, այդ թվում՝ արհեստական բանականության (ԱԲ) ակտիվ ներմուծման շեմին: Բայց արդյո՞ք ԱԲ-ն սպառնալիք…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
