ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
2025 թվականին լրանում է հայ կինոյի վարպետներից մեկի՝ Հենրիկ Մալյանի ծննդյան 100-ամյակը։ Որպես կինոռեժիսոր, թատերական ռեժիսոր և սցենարիստ՝ Մալյանը բացառիկ դերակատարություն է ունեցել ազգային կինեմատոգրաֆիայի ձևավորման, ժամանակակից կինոլեզվի և արժեքային համակարգի զարգացման գործում։
Օրվա շրջանակում ԿԳՄՍ նախարարի տեղակալ Դանիել Դանիելյանը, Հայաստանի կինոյի հիմնադրամի տնօրեն Դավիթ Բանուչյանը, Հենրիկ Մալյանի անվան կինոդերասանի թատրոնի գեղարվեստական ղեկավար, Հենրիկ Մալյանի դուստր Նարինե Մալյանն այսօր Երևանի կենտրոնական գերեզմանատանը ծաղիկներ են խոնարհել Հենրիկ Մալյանի շիրիմին։
Հիշատակի միջոցառմանը ներկա էին Հենրիկ Մալյանի անվան կինոդերասանի թատրոնի դերասանները, կինոոլորտի ու թատերական աշխարհի ներկայացուցիչներ, ուսանողներ:
ԿԳՄՍ նախարարի տեղակալ Դանիել Դանիելյանն ընդգծել է Հենրիկ Մալյանի թողած բացառիկ ժառանգությունը՝ նշելով, որ այն ոչ միայն հայկական կինոյի և թատրոնի պատմության անբաժանելի մասն է, այլև մեր մշակութային ինքնության կարևորագույն հենասյուներից մեկը։ Նրա խոսքով՝ Մալյանի ստեղծագործական ժառանգությունը, որն ընդգրկում է անզուգական կինոնկարներ ու բեմադրություններ, այսօր էլ շարունակում է ոգեշնչել նոր սերունդներին: Դանիել Դանիելյանը կարևորել է այդ ժառանգությունը հավուր պատշաճի սերունդներին փոխանցելու անհրաժեշտությունը՝ շեշտելով, որ այն չի կարելի դիտարկել միայն որպես անցյալի ձեռքբերում. այն նաև կենդանի մշակութային ժառանգություն է։ Այս համատեքստում նա առանձնահատուկ կարևորել է Մալյանի անվան թատրոնի դերակատարությունը՝ որպես հարթակի, որը ոչ միայն պահպանում է մեծ վարպետի արվեստը, այլև իր ստեղծագործական գործունեությամբ նոր շունչ ու արդիական շեշտադրում է հաղորդում այդ արժեքներին։
Հայաստանի կինոյի հիմնադրամի տնօրեն Դավիթ Բանուչյանն ընդգծել է Հենրիկ Մալյանի ստեղծագործական բացառիկ ներդրումը հայկական կինոարվեստի զարգացման գործում։ Նա նշել է, որ Մալյանի արվեստը ձևավորել է ազգային կինեմատոգրաֆիայի ինքնության առանցքային շերտերը, իսկ նրա թողած ժառանգությունն այսօր էլ հանդիսանում է կարևոր արժեք ինչպես մասնագիտական հանրության, այնպես էլ նոր սերնդի համար։ Դավիթ Բանուչյանը նշել է, որ հենց այդ համոզմամբ՝ Հայաստանի կինոյի հիմնադրամը նախաձեռնել է Մալյանի 100-ամյակին նվիրված մի շարք հոբելյանական ծրագրեր և միջոցառումներ, որոնք միտված են վարպետի արվեստը բազմաբովանդակ ձևաչափերով ներկայացնելու ժամանակակից հանդիսատեսին՝ ապահովելով մշակութային շարունակականություն։
Հենրիկ Մալյանի շիրիմի մոտ հնչել են հարգանքի և գնահատանքի խոսքեր՝ նվիրված նրա բացառիկ անձնային և ստեղծագործական ավանդին։ Ներկաներն առանձնակի շեշտադրել են վարպետի դերն ազգային մշակութային միջավայրի ձևավորման գործընթացում՝ ընդգծելով նրա թողած կինեմատոգրաֆիական ժառանգության պահպանման և արժևորման անհրաժեշտությունը։
100-ամյակին նվիրված միջոցառումների շրջանակում այսօր նաև տեղի է ունեցել դպրոցականների այց Հենրիկ Մալյանի անվան կինոդերասանի թատրոն: Դպրոցականները շրջայց են կատարել ետնաբեմում, զրուցել դերասանների հետ:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի գործընկերներ, այսօր ուզում եմ ներկայացնել մաթեմատիկայի կապը մյուս ուսումնական առարկաների հետ: Չկա ուսումնական որևէ առարկա, որ դասավանդվի մյուս ուսումնական առարկաներից առանձնացված:Բոլոր գիտություններն էլ կապված են միմյանց հետ և փոխադարձ…
Սիրելի գործընկերներ, իմ փորձը ցույց է տալիս, որ 1-ից 4-րդ դասարանում հաջողակ ուսումնառությունը կախված է ոչ միայն ուսուցողական մեթոդներից կամ գիտելիքի բովանդակությունից, այլև այն միջավայրից, որտեղ երեխան զգում է անվտանգություն,…
Հարգելի ուսուցիչներ, սիրով ձեզ եմ ներկայացնում իմ <<Միջառարկայական կապերի դերն ու նշանակությունը տարրական դասարաններում>>վերնագրով թեման:Տարրական դասարաններում դրվում են գիտելիքների և կարողությունների հիմքերը, աստիճանաբար հարստանում է սովորողների խոսքը, զարգանում է նրանց…
Նախագծային ուսուցում. Բեռ, թե՞ հնարավորություն օտար լեզվի ուսուցչի համար Հարգելի գործընկերներ, 2024-2026 թթ. ՀՊՉ նոր պահանջների համաձայն՝ նախագծային աշխատանքը դարձել է մեր առօրյայի անբաժան մասը: Սակայն եկեք անկեղծ լինենք. շատերիս…
Արհեստական բանականությունը՝ օգնական, թե՞ «թշնամի». Հարգելի գործընկերներ, Թվային դարաշրջանի արագընթաց զարգացումները մեզ ստիպում են վերանայել դասավանդման ավանդական մեթոդները: Եթե նախկինում մեր գլխավոր խնդիրը տեղեկատվության հայթայթումն էր, ապա այսօր մարտահրավերը փոխվել…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
