ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն այսօր ընդունել է ՄԱԿ-ի պարենի համաշխարհային ծրագրի (ՊՀԾ) հայաստանյան գրասենյակի նորանշանակ ղեկավար Լեյլա Մելիուին։ Հանդիպմանը մասնակցել է նաև ԿԳՄՍ նախարարի տեղակալ Արթուր Մարտիրոսյանը։
Շնորհավորելով Լեյլա Մելիուին նշանակման կապակցությամբ՝ ԿԳՄՍ նախարար Ժաննա Անդրեասյանը կարևորել է ՊՀԾ-ի հետ ձևավորված արդյունավետ համագործակցությունը, շեշտել ձեռքբերված շոշափելի արդյունքները և ընդգծել ծրագրերի շարունակականության ապահովման անհրաժեշտությունը։
Նախարարը ներկայացրել է «Կայուն դպրոցական սնունդ» ծրագրի ընթացքը՝ նշելով, որ 2023 թվականի հուլիսից դրա կառավարումն ամբողջությամբ փոխանցվել է ՀՀ կառավարությանը. այսուհետ ծրագիրն իրականացվում է բացառապես պետական բյուջեի միջոցներով։ Ժաննա Անդրեասյանի խոսքով՝ ծրագրի դրական ազդեցությունն արդեն զգալի է ՀՀ մարզերի դպրոցականների շրջանում․ երեխաները վերանայում են իրենց սննդակարգը, ստանում ավելի առողջ սնունդ և միաժամանակ գիտելիքներ՝ ճիշտ և առողջ սնվելու վերաբերյալ։
Լեյլա Մելիուին իր հերթին շնորհակալություն է հայտնել ընդունելության և արդյունավետ համագործակցության համար։ Նա բարձր է գնահատել ՀՀ կառավարության ջանքերը՝ կարճ ժամանակում ծրագիրն ազգայնացնելու և հաջողությամբ իրականացնելու ուղղությամբ՝ այս գործընթացում կարևորելով նաև ԿԳՄՍ նախարարի անմիջական դերակատարությունը։ Մելիուին ընդգծել է, որ տաք սնունդ ստանալու հնարավորություն ունեցող բազմաթիվ դպրոցականներ մարզերում արձանագրում են առաջադիմության աճ և կենտրոնացման բարձրացում։ Նրա խոսքով՝ Հայաստանի փորձն օրինակելի է աշխարհի մի շարք այլ երկրների համար։
ՊՀԾ հայաստանյան գրասենյակի ղեկավարը հատկապես կարևորել է դպրոցական սննդի ապահովման գործում տեղական արտադրության ներգրավումը, մասնավորապես՝ դպրոցների տարածքում ջերմոցային տնտեսությունների ստեղծումը, ինչը հնարավորություն է տալիս ողջ տարվա ընթացքում դպրոցներին մատակարարել առողջ սնունդ՝ միաժամանակ նաև կրթական բաղադրիչ ապահովելով երեխաների համար։ Նա առանձնահատուկ ընդգծել է նաև առողջ ապրելակերպի վերաբերյալ դասընթացների անցկացումը՝ ինչպես աշակերտների, այնպես էլ համայնքի անդամների համար՝ նշելով, որ սա ևս հայաստանյան հաջողված փորձի վկայությունն է։ Ծրագրի իրականացումը Լեյլա Մելիուին կարևորել է նաև երկրի տնտեսական զարգացման համատեքստում՝ նշելով, որ խոցելի խմբերի ավելի քան 2000 կին ներկայացուցիչներ նաև աշխատանքով են ապահովվել դպրոցական ճաշարաններում:
Հանդիպման ընթացքում կողմերը քննարկել են գործակալության՝ առաջիկա հինգ տարիներին Հայաստանում իրականացվելիք ծրագրերը, սպասվող նախաձեռնություններն ու ռազմավարական ուղղությունները։ Այս համատեքստում Ժաննա Անդրեասյանը տեղեկացրել է, որ կատարվում են նախապատրաստական աշխատանքներ՝ Երևանի դպրոցները «Դպրոցական սնունդ» ծրագրում ներառելու նպատակով 2026 թվականին պիլոտային ծրագրեր մեկնարկելու ուղղությամբ:
Անդրադարձ է եղել նաև «Դպրոցական սնունդ» կոալիցիային ՀՀ անդամակցության կարևորությանը: Ընդգծելով «Դպրոցական սնունդ և երեխաների բարեկեցություն» հիմնարկի արդյունավետ գործունեությունը՝ նշվել է, որ «ԴՍԵԲ» հիմնարկի տնօրեն Սաթենիկ Մկրտչյանն այս օրերին Բրազիլիայի Ֆորտալեզա քաղաքում մասնակցում է «Դպրոցական սնունդ» կոալիցիայի 2-րդ համաշխարհային համաժողովին:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Արհեստական բանականությունը՝ օգնական, թե՞ «թշնամի». Հարգելի գործընկերներ, Թվային դարաշրջանի արագընթաց զարգացումները մեզ ստիպում են վերանայել դասավանդման ավանդական մեթոդները: Եթե նախկինում մեր գլխավոր խնդիրը տեղեկատվության հայթայթումն էր, ապա այսօր մարտահրավերը փոխվել…
Բարև ձեզ, եկեք քննարկենք այս թեման փորձի փոխանակման նպատակով:
Հարգելի՛ գործընկերներ, եկե՛ք քննարկենք․ ՏՀՏ –ն ուսումնական գործընթացում խթա՞ն, թե ավելորդ ժամանակի վատնում․․․ 21–րդ դարում դժվար է պատկերացնել որակյալ կրթությունն առանց տեղեկատվական տեխնոլոգիաների:Կրթության ոլորտը դիտարկվում է որպես երկրի կայուն զարգացման…
ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական համակարգը վերջին…
Ես Լորետա Դումիկյանն եմ, դասավանդում եմ ավագ դպրոցում` որպես ԹԳՀԳ և մաթեմատիկա առարկաների ուսուցիչ: Բացի այդ, դասավանդում եմ python ծրագրավորման լեզու՝ <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
