ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՅՈՒՆԵՍԿՕ-ի կենտրոնակայանում սեպտեմբերի 2-4-ն ընթացող «Թվային կրթության շաբաթ» ամենամյա համաժողովի շրջանակում ԿԳՄՍ նախարարի տեղակալ Արթուր Մարտիրոսյանը հանդիպումներ է ունեցել ՅՈՒՆԵՍԿՕ-ի գլխավոր տնօրենի՝ կրթության և մշակույթի հարցերով տեղակալների հետ։
Հանդիպումներին մասնակցել են նաև ՅՈՒՆԵՍԿՕ-ում ՀՀ մշտական ներկայացուցիչ Արամ Հակոբյանը, Կրթական տեխնոլոգիաների ազգային կենտրոնի տնօրեն Արտակ Պողոսյանը, Հայաստանի գիտության և տեխնոլոգիաների հիմնադրամի գործադիր տնօրեն Սյուզաննա Շամախյանը:
Կրթության հարցերով տեղակալ Ստեֆանիա Ջիանինիի հետ հանդիպմանն անդրադարձ է եղել կրթության ոլորտում Հայաստանի և ՅՈՒՆԵՍԿՕ-ի միջև շարունակական արդյունավետ համագործակցությանը, այդ թվում՝ Հայաստանի առջև ծառացած մարտահրավերների հաղթահարման գործում կազմակերպության կողմից ցուցաբերվող աջակցությանը: Կարևորվել է Հայաստանի բուհերում գործող ՅՈՒՆԵՍԿՕ-ի ամբիոնների գործունեության արդյունավետության բարձրացումը և համագործակցության նոր ձևաչափերի նախանշումը:
Արթուր Մարտիրոսյանն ընդգծել է արհեստական բանականության աճող դերը կրթական համակարգում. Մասնավորապես՝ քննարկվել է Արհեստական բանականության սերունդ ծրագրի շրջանակում Հայաստանի փորձի հետազոտության («case study») հնարավորությունը: Նախարարի տեղակալն առաջարկել է Հայաստանում իրականացվող ծրագիրը դիտարկվել որպես օրինակելի և դրական փորձ՝ այլ երկրներում ներդնելու համար: Կրթության հարցերով տեղակալ Ստեֆանիա Ջիանինին նշել է, որ հայկական կողմի առաջարկությունը հետաքրքիր է և կդիտարկվի իրականացման հնարավորությունը:
ԿԳՄՍ նախարարի տեղակալը ներկայացրել է Հայաստանի՝ կրթության զարգացման ռազմավարության հիմնական ուղղությունները, դրա շրջանակում իրականացվող նախաձեռնություններն ու ձեռքբերումները: Որպես հաջողված ծրագրի փորձառություն՝ առանձնացվել է Հայաստանում իրականացվող և ընդլայնման միտում ունեցող «Դպրոցական սնունդ» ծրագիրը:
Մշակույթի հարցերով տեղակալ Էռնեստո Օտտոնեի հետ հանդիպմանը քննարկվել են մշակույթի ոլորտում ՅՈՒՆԵՍԿՕ-ի հետ արդյունավետ համագործակցությանը վերաբերող հարցեր։ Մասնավորապես՝ անդրադարձ է եղել ոչ նյութական մշակութային ժառանգության և մշակութային ինքնաարտահայտման ձևերի բազմազանության պաշտպանության կոնվենցիաների շրջանակում ընթացող նախաձեռնություններին և Հայաստանի առջև ծառացած մարտահրավերներին առնչվող մի շարք հարցերի:
Արտակարգ իրավիճակներում մշակութային ժառանգության պաշտպանության համատեքստում անդրադարձ է եղել ՅՈՒՆԵՍԿՕ-ի «Վերակենդանացնելով Մոսուլի ոգին» ծրագրի շրջանակում Հայաստանի կողմից տրամադրվող շարունակական աջակցությանը: Վերահաստատվել է նույնաբնույթ այլ նախաձեռնություններում ներգրավվելու Հայաստանի պատրաստակամությունը:
ԿԳՄՍ նախարարի տեղակալը հայտնել է, որ «Մշակութային ինքնաարտահայտման ձևերի բազմազանության պաշտպանության և խրախուսման մասին» ՅՈՒՆԵՍԿՕ-ի կոնվենցիայի 20-ամյակի կապակցությամբ 2025 թ․ նոյեմբերի 26-28-ը Երևանում կայանալու է «Մշակութային խաչմերուկ» խորագրով միջազգային համաժողով:
Նյութի աղբյուրը. ՀՀ կրթության, գիտության, մշակույթի և սպորտի նախարարություն
ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական համակարգը վերջին…
Ես Լորետա Դումիկյանն եմ, դասավանդում եմ ավագ դպրոցում` որպես ԹԳՀԳ և մաթեմատիկա առարկաների ուսուցիչ: Բացի այդ, դասավանդում եմ python ծրագրավորման լեզու՝ <<Արհեստական Բանականություն սերունդ>> ծրագրի շրջանակում: Հարգելի գործընկերներ, Հայաստանի կրթական…
Հարգելի գործընկերներ, ես Լորետա Դումիկյանն եմ, դասավանդում եմ ավագ դպրոցում ԹԳՀԳ և մաթեմատիկա առարկաները, բացի այդ դասավանդում եմ python ծրագրավորման լեզուն <<Արհեստական Բանականություն սերունդ>> ծրագրի շրջանակում: Ուզում եմ քննարկել հետևյալ…
Ուսումնական նախագիծ I. Նախաբան Այս ուսումնական տարում մեր 10-րդ դասարանի սովորողների նախաձեռնությամբ մեկնարկեց մի նախագիծ, որը նպատակ ունի խորապես ուսումնասիրել քաղաքական գաղափարախոսությունների դերը՝ որպես քաղաքական դաշտը հասկանալու գործիք: Նախաձեռնության հիմնական…
Տեղեկատվական այս դարաշրջանում, երբ տեխնոլոգիաները արագությամբ փոխում են աշխարհը, մեր դասարանների դռները չեն կարող մնալ փակ նախորդ դարի համար: Հայկական կրթությունը, իր հարուստ պատմական ավանդույթներով, կանգնած է հզոր և անխուսափելի…
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
