Մեկնարկել է «Անվտանգ և ապահով կրթական միջավայրի» ուսումնական տարին

Սեպտեմբերի 1, 2025

Դպրոցական անցուդարձ

Նոր հորիզոններ բացահայտելու խանդավառությամբ՝ Կապանի N 5 հիմնական դպրոցի բակում թևածում է տոնական տրամադրությունը:

Ուսուցիչ, սովորող ու ծնող միահյուսվել են ու հիշարժան դարձրել աշնան առաջին օրը՝ սեպտեմբերի 1-ը՝ Դպրության պետական տոնը:

Պետական տոնի գործելակարգով ( պրոտոկոլով)՝ դպրոցի զինղեկ փախգնդապետ Գ. Ներսեսյանի հրահանգով՝ ՀՀ օրհներգի հնչյունների ներքո 9-րդ <<բ>> դասարանի սովորող Մանվել Էլոյանի ուղեկցությամբ՝ առաջին դասարանի սանին պատիվ տրվեց բարձրացնելու ՀՀ պետական դրոշը:

_ Մենք եկել ենք գիտության կանչով,- հնչում է առաջին դասարանցիների շարքերից, և խոսքը համեմվում է երգ ու պարով, ուրախ տրամադրությամբ:

_Գիտելիքը ուժ է, գիտելիքը զենք է, գիտելիքը գանձ է, իսկ ուսումը ցկյանս է,- պատասխանում են տարրական դպրոցն ավարտած 5-րդ «ա» և 5-րդ «բ» դասարանների սաները, որոնց մասնակցությամբ ընթացել է գեղարվեստական ծրագիրը:

Ահա այսպես կրթության արժևորման պետական տոնը վերածվեց տոնախմբության ու հանդիսավոր պայմաններում հնչեցվեց ուստարվա առաջին զանգը:

Աշակերտական խորհրդի նախագահ Թինա Ղազարյանն իր ուղերձում հրապարակեց ուստարվա կարգախոսը. այն է՝ «Անվտանգ և ապահով կրթական միջավայրի» տարի:

Դպրոցի տնօրենի պարտականությունները կատարող, տնօրենի տեղակալ Ա. Մկրտչյանը շնորհավորանքի և ընդունելության խոսքում թանկ սպասումներ ու երջանիկ հիշողություններ մաղթեց առաջին դասարանցիներին, անսպառ եռանդ, ամենայն բարիք՝ գործընկերներին, հաջողություններ՝ բոլոր սովորողներին ու ներկաներին:

Միջոցառումն իր ներկայությամբ պատվեց ՀՀ Սյունիքի մարզպետի աշխատակազմի փաստաթղթաշրջանառության վարչության ավագ մասնագետ Սյուզաննա Հալևորյանն, ով
ներկաներին հղեց ՀՀ Սյունիքի մարզպետ Ռոբերտ Ղուկասյանի ուղերձը:

Կապանի N 5 հիմնական դպրոց