«Գրչի և վրձնի վարպետները. Ավետիք Իսահակյան 150 և Մարտիրոս Սարյան 145» ստեղծագործական աշխատանքների հանրապետական մրցույթ

Օգոստոսի 28, 2025

Մշակութային լուրեր

«Գրչի և վրձնի վարպետները. Ավետիք Իսահակյան 150 և Մարտիրոս Սարյան 145» ստեղծագործական աշխատանքների հանրապետական մրցույթի հայտարարություն

Ստեղծագործական մրցույթի կազմակերպիչներն են՝ ՀՀ կրթության, գիտության, մշակույթի և սպորտի նախարարությունը և «Ընտանիք» մանկապատանեկան ստեղծագործական կենտրոնը:

Թեմա՝ «Գրչի և վրձնի վարպետները. Ավետիք Իսահակյան 150 և Մարտիրոս Սարյան 145»:

Մրցույթի նպատակներն ու խնդիրները

· Արժևորել վարպետների դերն ու նշանակությունը ստեղծագործական աշխարհում

· Գեղանկարչական աշխատանքների միջոցով գնահատել և պահպանել արվեստագետների ձեռագիրը

· Նպաստել մշակութային արժեքների հանրայնացմանը

· Զարգացնել մասնակիցների ստեղծագործական միտածողությունն ու կարողությունները

· Բացահայտել շնորհալի դեռահասներին

· Բարձրացնել արտադպրոցական կրթության դերը

Ստեղծագործական մրցույթին ներկայացվող աշխատանքները

Մրցույթին կարող են ներկայացվել կերպարվեստի և դեկորատիվ-կիրառական արվեստի աշխատանքներ։ Աշխատանքները կարող են լինել անհատական կամ խմբային և կատարվել ցանկացած նյութերով՝ ջրաներկ, գուաշ, ակրիլ, ածուխ, մետաղ, կավ, փայտ և այլն:

Մրցույթի մասնակիցները

Մրցույթին կարող են մասնակցել Հայաստանի Հանրապետության և Ջավախքի կրթամշակութային կենտրոնների 6-18 տարեկան դեռահասները:

Մրցույթի մասնակիցները կդասակարգվեն հետևյալ տարիքային խմբերում՝

· 6-9 տարեկան

· 10-13 տարեկան

· 14-18 տարեկան

Աշխատանքները ներկայացնելիս անհրաժեշտ է նշել՝

· Հեղինակի անուն, ազգանուն

· Ստեղծագործության անվանումը

· Տարիքը (խմբային աշխատանքի դեպքում՝ բոլոր մասնակիցների)

· Կրթամշակութային հաստատության անվանումը

· Դասավանդող մանկավարժի անուն, ազգանուն

· Էլ. հասցեն, հեռախոսահամարը

Ստեղծագործական մրցույթի անցկացման և գնահատման կարգը

1. Աշխատանքի համապատասխանությունը մրցույթի թեմային

2. Կատարման գեղարվեստական յուրօրինակություն և էսթետիկ ձևավորում

3. Կոմպոզիցիոն լուծում և գեղարվեստական արտահայտչություն

4. Կատարման կոկիկությունը

Աշխատանքների ներկայացման վերջնաժամկետը՝ մինչև սեպտեմբերի 30-ը:

Մասնագիտական հանձնաժողովի կողմից մինչև հոկտեմբերի 4-ը կամփոփվի մրցույթի արդյունքները և կորոշվեն մրցանակային աշխատանքները: Լավագույն աշխատանքների հեղինակների անունները կհրապարակվեն ծրագրի ամփոփիչ միջոցառմանը:

Պարգևներ

Յուրաքանչյուր տարիքային խմբում մրցանակային տեղեր զբաղեցրած և լավագույն ստեղծագործությունների հեղինակները կպարգևատրվեն պատվոգրերով, խրախուսական մրցանակներով,ինչպես նաև կկազմակերպվի ճանաչողական այց՝ Ավետիք Իսահակյանի տուն-թանգարան, Մարիամ և Երանուհի Ասլամազյան քույրերի պատկերասրահ, Երերույքի տաճար: Մրցանակային աշխատանքները կցուցադրվեն «Գրչի և վրձնի վարպետները» խորագրով մշակութային փառատոնին:

Աշխատանքները ներկայացնել հետևյալ հասցեով

Շիրակի մարզ, Գյումրի 3126,

Անի թաղամաս, 11փողոց, 5/2 ,ՀՀ ԿԳՄՍՆ «Ընտանիք» ՄՊՍԿ ՊՈԱԿ

Հեռախոս +374 312 6 64 07

Էլ. հասցե՝ info@entanik.am կամ 403532@entanik.am, s.petrosyan@entanik.am Մրցույթի հայտարարությունը տեղադրված է նաև www.entanik.am կայք էջում.

Ի գիտություն․ Ներկայացված աշխատանքները վերադարձվում են:

Տնօրենություն 27․08․2025թ.