ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Հայաստանի Հանրապետությունում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ջոն Գալագերին՝ Հայաստանում նրա դիվանագիտական առաքելության ավարտի կապակցությամբ։
Նախարարը շնորհակալություն է հայտնել դեսպանին պաշտոնավարման ընթացքում երկու երկրների միջև համագործակցության զարգացման ուղղությամբ իրականացված արդյունավետ աշխատանքի և արձանագրված առաջընթացի համար, ինչպես նաև մաղթել հաջողություն հետագա գործունեության մեջ։ Ժաննա Անդրեասյանը կարևորել է դեսպանի անձնական ներդրումն ու ջանքերը կրթամշակութային կապերի ամրապնդման և խորացման գործում։
Նախարարը կարևորել է դեսպանության հետ ռազմավարական կարևոր ուղղություններով համագործակցությունը: Այս համատեքստում Ժաննա Անդրեասյանը շնորհակալություն է հայտնել «Ակադեմիական քաղաք» ծրագրում ակտիվ ներգրավվածության համար։ Ծրագրի շրջանակում Հայաստանը համագործակցում է Մեծ Բրիտանիայի առաջատար բուհերի՝ Լոնդոնի արվեստների համալսարանի և Լոնդոնի համալսարանական քոլեջի կրթության ինստիտուտի հետ։ Նա կարևորել է նաև համատեղ աշխատանքը ՀՀ մշակույթի պահպանության և զարգացման 2023–2027 թթ. ռազմավարության մշակման ուղղությամբ՝ նշելով, որ Կառավարության կողմից հաստատված փաստաթուղթը Բրիտանական խորհրդի աջակցությամբ հասանելի է նաև անգլերենով։
Նախարարը շեշտել է Բրիտանական խորհրդի դերը և աջակցությունը Հայաստանում անգլերենի ուսուցման մեթոդաբանության մշակման, ուսուցիչների շարունակական մասնագիտական զարգացման և վերապատրաստման, ինչպես նաև բուհերում «Ստեղծագործ միտք» ծրագրի իրականացման հարցերում։
Մշակույթի ոլորտում առկա համագործակցության շրջանակում Ժաննա Անդրեասյանը կարևորել է Բրիտանական թանգարանի հետ իրականացված «Մայր աստվածություն. Անահիտից Մարիամ» ժամանակավոր ցուցադրությունը և նշել Հայաստանի պատմության թանգարանի ու Բրիտանական թանգարանի միջև կապերի խորացման հնարավորությունը։
Կողմերը քննարկել են նաև այս տարվա հոկտեմբերին Լոնդոնում կայանալիք «Going Global» բարձրագույն կրթության ամենամյա միջազգային համաժողովին Հայաստանի մասնակցության հարցը։ Համաժողովը, որը Մեծ Բրիտանիայում անցկացվում է 2004 թվականից՝ երկու տարին մեկ, համախմբում է կրթության ոլորտի ղեկավարներին՝ բարձրագույն կրթության ապագայի շուրջ քննարկումների համար։ Նախարարն այն գնահատել է որպես կարևոր հարթակ միջազգային փորձի փոխանակման և Հայաստանի փորձառության ներկայացման համար։
Ժաննա Անդրեասյանը տեղեկացրել է, որ 2025 թվականի աշնանը Երևանում նախատեսվում է անցկացնել երկու խոշոր միջոցառում՝ «Ակադեմիական քաղաք. միջազգային գիտելիքի ֆորում» և «Մշակութային խաչմերուկներ. երևանյան միջազգային համաժողով». վերջինս նվիրված է ՅՈՒՆԵՍԿՕ-ի «Մշակութային արտահայտությունների բազմազանության պաշտպանության և խթանման մասին» կոնվենցիայի 20-ամյակին։ Նա համոզմունք է հայտնել, որ Միացյալ Թագավորության պետական կառույցների ներկայացուցիչների մասնակցությունը կնպաստի երկկողմ քննարկումների շարունակությանը, նոր համագործակցության ուղղությունների ուսումնասիրությանը և կապերի ամրապնդմանը կրթության, մշակույթի, հետազոտության և նորարարության ոլորտներում։
Դեսպան Ջոն Գալագերը շնորհակալություն է հայտնել ընդունելության և երկարամյա արդյունավետ համագործակցության համար՝ ընդգծելով արձանագրված դրական առաջընթացը և փոխգործակցության ներուժի իրացման անհրաժեշտությունը։
Հանդիպման ընթացքում քննարկվել են նաև փոխադարձ հետաքրքրություն ներկայացնող այլ հարցեր։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Հարգելի´ ուսուցիչներ ,ձեզ եմ ներկայացնում իմ ընտրած թեման՝ «21-րդ դարի հմտությունների զարգացմանը միտված մեթոդների կիրառումը հայոց լեզվի և գրականության դասաժամերի ընթացքում »: Հուսով եմ ,որ կմասնակցեք թեմայի քննարկումներին, կանեք մեջբերումներ…
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ « Տեքստային խնդիրների դերը և կարևորությունը մաթեմատիկայի դասավանդման մեջ» և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ :…
Եկեք միասին քննարկենք՝ Արհեստական բանականության դերը կրթության մեջ․ ռիսկեր թե՞ հնարավորություններ: 21-րդ դարում կրթությունը կանգնած է նորագույն տեխնոլոգիաների, այդ թվում՝ արհեստական բանականության (ԱԲ) ակտիվ ներմուծման շեմին: Բայց արդյո՞ք ԱԲ-ն սպառնալիք…
Հարգելի՛ ուսուցիչներ եկեք միասին քննարկենք ներառականությունը և արժեքային դաստիարակությունը դպրոցում: Այսօրվա կրթական համակարգը պարտավորվում է ոչ միայն գիտելիք փոխանցել, այլև ձևավորել այնպիսի միջավայր, որտեղ յուրաքանչյուր երեխա՝ անկախ իր կարողություններից, սոցիալական…
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:If a certain condition is true, then a particular result happens.I would travel around the world if I won the lottery.When water reaches 100 degrees, it boils.There are four types of conditional sentences.It’s important to use the correct structure for each of these different conditional sentences because they express varying meanings.Pay attention to verb tense when using different conditional modes.Use a comma after the if-clause when the if-clause precedes the main clause.What Are the Different Types of Conditional Sentences? There are four different types of conditional sentences in English. Each expresses a different degree of probability that a situation will occur or would have occurred under certain circumstances.Zero Conditional SentencesFirst Conditional SentencesSecond Conditional SentencesThird Conditional SentencesLet’s look at each of these different types of conditional sentences in more detail.
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
