ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարարի տեղակալ Արաքսիա Սվաջյանը «Կրթության զարգացման և նորարարությունների ազգային կենտրոն» (ԿԶՆԱԿ) հիմնադրամի աշխատակազմին է ներկայացրել տնօրենի ժամանակավոր պաշտոնակատար Ժաննա Հարությունյանին։
Արտաշես Թորոսյանը, որը ԿԶՆԱԿ-ը ղեկավարել է 2021 թվականից, իր մասնագիտական գործունեությունը կշարունակի որպես ԿԳՄՍ նախարարի խորհրդական։ Շնորհակալություն հայտնելով տարիների նվիրված և արդյունավետ աշխատանքի համար՝ նախարարի տեղակալ Արաքսիա Սվաջյանը հաջողություն է մաղթել նրան նոր պաշտոնում։
«Շատ գնահատելի է այն մեծածավալ աշխատանքը, որ Արտաշես Թորոսյանն իրականացրել է ԿԶՆԱԿ-ում, սակայն ներկայում առկա են բազմաթիվ բովանդակային մարտահրավերներ, որոնք վերաբերում են ոչ միայն ԿԶՆԱԿ-ին, այլև հանրակրթության ոլորտին առհասարակ»,– նշել է Արաքսիա Սվաջյանը։
Ներկայացնելով ԿԶՆԱԿ տնօրենի նոր ժամանակավոր պաշտոնակատար Ժաննա Հարությունյանին՝ նախարարի տեղակալը նրան մաղթել է արդյունավետ աշխատանք՝ բարդ ու պատասխանատու ոլորտում։
Ժաննա Հարությունյանը հանրակրթության ոլորտում մասնագիտական գործունեության երկար տարիների փորձ ունի․ մինչ այս զբաղեցրել է Երևանի թիվ 152 հիմնական դպրոցի տնօրենի պաշտոնը /նախորդ տարի ճանաչվել է լավագույն տնօրեն/, շուրջ 15 տարի աշխատել է Երևանի Անանիա Շիրակացու անվան ճեմարանում, դասավանդել է Իրավական կրթության և վերականգնողական ծրագրերի կենտրոնում, իրականացրել է վերապատրաստումներ, ներգրավված է եղել 7-9-րդ դասարանների «Գրականություն» առարկայի չափորոշչի մշակման խմբում։
«Դպրոցի կառավարման փորձառությունը ոլորտային խնդիրներն ու գործընթացները պատկերացնելու առումով շատ կարևոր է ԿԶՆԱԿ-ում աշխատելու համար։ Համոզված եմ, որ Ժաննա Հարությունյանի մասնագիտական ճանապարհն ու փորձը կնպաստեն աշխատանքների արդյունավետությանը»,– ասել է ԿԳՄՍ նախարարի տեղակալը։
Նա տեղեկացրել է, որ «Կրթության զարգացման և նորարարությունների ազգային կենտրոն» հիմնադրամի խորհրդի վերջին նիստում հաստատվել է տնօրենի նշանակման կանոնակարգը, և առաջիկայում կհայտարարվի տնօրենի մրցույթը։
Անդրադառնալով ԿԶՆԱԿ-ի վերջին մեկուկես տարվա գործունեությանը՝ նախարարի տեղակալը նշել է, որ կատարված կառուցվածքային և գործառութային փոփոխություններին զուգահեռ՝ դեռևս կարևոր անելիքներ կան փորձագետների ներգրավման և աշխատանքների արդյունավետ կազմակերպման առումով։
«Այս տարվա ընթացքում լուրջ աշխատանքներ են իրականացվել հանրակրթության պետական նոր չափորոշչի ներդրման և առարկայական ծրագրերի վերանայման ուղղությամբ։ Համատեղ ջանքերով պետք է շարունակենք իրականացնել ծրագրերը՝ դպրոցներում դրական փոփոխությունների ակնկալիքով»,– ասել է նա և հավելել՝ ԿԶՆԱԿ-ի դերակատարումն այդ գործընթացում առանցքային է։
«Հանրակրթության պետական չափորոշչի ներդրման բարդ փուլը, կարելի է ասել, ավարտված է։ Այժմ առաջնահերթ է աշխատել որակի բարելավման ուղղությամբ»,- նշել է Արտաշես Թորոսյանը՝ շնորհակալություն հայտնելով վստահության համար։
Հանդիպման ավարտին քննարկվել են ԿԶՆԱԿ-ի հետագա գործունեությանն առնչվող մի շարք հարցեր, այդ թվում՝ հանրակրթության ոլորտում իրականացվող ծրագրերի շարունակականության, փորձագիտական ներուժի արդյունավետ ներգրավման, չափորոշչի ներդրման հաջորդ փուլի աշխատանքների, ոլորտային համագործակցության խորացման և այլնի վերաբերյալ։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Ողջույն գործընկերնե՛ր: Մի թեմա կա, որն այսօր դարձել է ընտանեկան «մարտերի» գլխավոր պատճառը: Մի կողմից՝ ունենք մեր ծնողների սերունդը, ում համար «դիպլոմը պետք է լինի» սկզբունքը սուրբ է: Նրանց համար…
Հարգելի՛ գործընկերներ, սիրով կլսեմ Ձեր կարծիքներն այս թեմայի վերաբերյալ , հետո կավելացնեմ պատրաստածս նյութը:Քանի որ սրա վերաբերյալ շատ մասնագետներ ունենում են հակասական կարծիքներ, տեսակետներ և մոտեցումներ, այդ պատճառով նախընտրում եմ…
Հարգելի՛ գործընկերներ, Ձեր քննարկմանն եմ ներկայացնում մի թեմա, որը, իմ համոզմամբ, միշտ կարևոր է եղել և առանցքային դեր է ունեցել մաթեմատիկայի և ԹԳՀԳ առարկաների ուսուցման գործընթացում: Նախագծային կամ հետազոտական աշխատանքների…
Շատերն ասում են. «ԻÕœնչ լավ է, ընդամենը երկու աշակերտ, գործդ ինչքաÕœն թեթև է»: Բայց մենք՝ մանկավարժներս, գիտենք՝ փոքրաթիվ դասարանը ոչ միայն առավելություն է, այլև հսկայական պատասխանատվություն և յուրահատուկ մարտահրավեր: Իմ…
Հարգելի՛ գործընկերներ, Առաջարկում եմ քննարկման թեմա՝ «Արդյո՞ք դասական գրականությունը դեռ խոսում է ժամանակակից պատանու հետ», որը հատկապես արդիական է հայոց լեզվի և գրականության դասավանդման համատեքստում: Ժամանակակից կրթական միջավայրում հաճախ ենք…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
