ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
Հայ-վրացական երիտասարդական հավաքի շրջանակում ՀՀ 2025 թ. երիտասարդական մայրաքաղաք Ապարանում տեղի է ունեցել «Երիտասարդական քաղաքականությունը Հայաստանում և Վրաստանում, երիտասարդների դերը որոշումների կայացման գործընթացներում» թեմայով պանելային քննարկում:
Քննարկմանը մասնակցել են ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը, Վրաստանի կրթության, գիտության և երիտասարդության նախարարի տեղակալ Բայա Քվիցիանին, Արագածոտնի մարզպետի տեղակալ Արմեն Գրիգորյանը, Ապարան համայնքի ղեկավարի առաջին տեղակալ Արկադի Կարապետյանը, «Երիտասարդական նախաձեռնությունների կենտրոն» ՀԿ-ի նախագահ Արթուր Նաջարյանը:
Արթուր Մարտիրոսյանը, ողջունելով հավաքի մասնակիցներին, ընդգծել է հայ և վրացի երիտասարդների՝ միմյանց ավելի լավ ճանաչելու, համատեղ գաղափարներ փոխանակելու կարևորությունը։ Նա շեշտել է` հայերը և վրացիները հին և հարուստ մշակույթ ունեցող ժողովուրդ են և պետք է շատ լավ ճանաչեն միմյանց պատմությունը, ավանդույթները, մշակույթը, նույնիսկ խոհանոցը։ Նրա խոսքով՝ նմանօրինակ հանդիպումները խթանում են մշակութային երկխոսությունը և նպաստում երիտասարդների միջև կապերի ամրապնդմանը։
ԿԳՄՍ նախարարի տեղակալը կարևորել է նաև Հայաստանի և Վրաստանի՝ երիտասարդական պետական քաղաքականության առանձնահատկությունները։ Նրա դիտարկմամբ՝ երկու երկրների քաղաքական ուղեգծերը շատ առումներով նման են՝ հատկապես ժողովրդավարության ճանապարհի ընտրությամբ:
«Վստահ եմ՝ լավագույն տարբերակը ավելի շատ համագործակցելն ու միմյանցից սովորելն է, որովհետև Հայաստանի և Վրաստանի երիտասարդության մասնակցության և զորեղացման մարտահրավերները շատ նման են։ Իսկ դա նշանակում է, որ լուծումները կարող են նույնը լինել, իսկ մարտահրավերները կարող ենք հաղթահարել` սովորելով միմյանցից»,- նշել է Արթուր Մարտիրոսյանը։
ԿԳՄՍ նախարարի տեղակալը հաջողություն է մաղթել հավաքի մասնակիցներին և շնորհակալություն հայտնել կազմակերպիչներին:
«Մենք մշտապես զգում ենք այս նախաձեռնության կարևորությունը և ուզում ենք պահպանել այն բարձր մակարդակի վրա»,- եզրափակել է նա։
«Երիտասարդական քաղաքականությունը Հայաստանում և Վրաստանում, երիտասարդների դերը որոշումների կայացման գործընթացներում» թեմայով պանելային քննարկման ընթացքում ԿԳՄՍ նախարարի տեղակալը ներկայացրել է ՀՀ պետական քաղաքականությունը երիտասարդության ոլորտում, իրականացվող ծրագրերը, առաջնահերթությունները: Նա մասնավորապես անդրադարձել է վերջերս ընդունված «Երիտասարդական քաղաքականության մասին» ՀՀ օրենքին՝ ընդգծելով օրենքի մշակման գործընթացում ապահովված բարձր մասնակցայնության մասին: Արթուր Մարտիրոսյանն առանձնակի անդրադարձել է նաև երիտասարդական կենտրոնների ստեղծման քաղաքականությանը՝ կարևորելով դրանք որպես երիտասարդների ներուժի բացահայտման, ինքնիրացման, մշակութային ժամանցի միջավայրի ձևավորման կարևոր հարթակներ:
Ողջույնի խոսքով հանդես է եկել նաև Վրաստանի կրթության, գիտության և երիտասարդության նախարարի տեղակալ Բայա Քվիցիանին՝ կարևորելով Հայ-վրացական երիտասարդական կապերի ամրապնդումն ու համագործակցությունը փոխադարձ փորձի յուրացման և նոր ծրագրերի իրագործման համատեքստում: Պանելային քննարկման ընթացքում նա ներկայացրել է Վրաստանում երիտասարդական քաղաքականությունը, առանցքային թիրախները և նախատեսվող ծրագրերը:
Նշենք, որ Հայ-վրացական երիտասարդական հավաքն այս տարի անցկացվել է 2025 թ. հուլիսի 9-11-ը: Պանելային քննարկումից զատ, ծրագիրն ընդգրկել է առաջնորդական, երիտասարդական, մշակութային, սպորտային, կրթական, ճանաչողական միջոցառումներ: Այն իրականացվել է ԿԳՄՍՆ աջակցությամբ` «Երիտասարդական նախաձեռնությունների կենտրոն» ՀԿ-ի կազմակերպմամբ։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Մաթեմատիկան ոչ միայն դպրոցական առարկա է, այլև տրամաբանական մտածողության, խնդիրների լուծման և որոշումների կայացման կարևոր գործիք: Սակայն բազմաթիվ սովորողների համար այն հաճախ ասոցացվում է դժվարությունների, սխալվելու վախի և անհաջողության զգացողության…
10–12-րդ դասարաններում հաճախ հանդիպում ենք մի իրավիճակի. աշակերտներն անկեղծ ասում են. «Այս առարկան ինձ պետք չի, իմ մասնագիտության հետ կապ չունի»: Արդյունքում նրանք կորցնում են հետաքրքրությունը, չեն պատրաստվում դասերին և…
«Մի՞թե միայն դու չհասկացար»: «Տեսեք, երեխանե՛ր, ինչպես չպետք է պատասխանել»: «Քո տարիքին ես սա արդեն պետք է իմանայիր»: Հավանաբար մեզանից շատերը նման արտահայտություններ լսել են՝ որպես աշակերտ, իսկ ոմանք գուցե…
Հայաստանը կենսաբազմազանության համաշխարհային թեժ կետերից մեկում: 2026 թվականի հոկտեմբերին Հայաստանը Երևանում կհյուրընկալի ՄԱԿ-ի << Կենսաբազմազանության մասին>> կոնվենցիայի Կողմերի 17-րդ համաժողովը: Ես, որպես աշխարհագրության ուսուցչուհի շատ կարևորում եմ ոչ միայն համաժողովի…
Ինչպե՞ս եք իրականացնում միջառարկայական ինտեգրումը տարրական դասարաններում Հարգելի ուսուցիչներ, Նոր ՀՊՉ-ով առանցքային տեղ է հատկացված միջառարկայական կապերին և խաչվող հասկացություններին: Օրինակ՝ «Տեխնոլոգիա» (թղթով/նյութերով աշխատանք), «Մաթեմատիկա» (չափումներ, երկրաչափական պատկերներ) և «Կերպարվեստ»…
Մասնագիտական հեռավար վերապատրաստման դասընթացներ
Այս թեման, որն նախատեսված է գրական կամ ուսումնական աշխատանքի վերաբերում է Հովհաննես Թումանյանի ստեղծագործական ժառանգությանը և նրա ազդեցությանը հայոց լեզվի ու բանահյուսության վրա։«Քարտեզագրելով Թումանյանի ուղին»: Սա նշանակում է, որ պետք է ուսումնասիրել ու վերլուծել բանաստեղծի ամբողջ ստեղծագործական կյանքը, գործունեությունը և այն ճանապարհը, որ անցել է՝ հասնելով ժողովրդական խոսքի «մշակման» իր առաքելությանը։
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
