ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կառավարությունն այսօրվա նիստում հաստատել է մանկապատանեկան մարզադպրոցների մարզիչ-մանկավարժների վերապատրաստման ծրագիրը, որը ներկայացրել է ԿԳՄՍ նախարար Ժաննա Անդրեասյանը:
Ծրագրի նպատակն է պետական հոգածության ներքո ապահովել մանկապատանեկան մարզադպրոցների մարզիչ-մանկավարժների պրակտիկ փորձի շարունակականությունը՝ ապահովելով միջազգային սպորտի չափանիշներին համընթաց զարգացում, որը խթան կհանդիսանա նորարարական համակարգերին արագ ինտեգրմանը։
Ժաննա Անդրեասյանի խոսքով՝ նախատեսված է ոլորտում մասնագիտական կարողությունների զարգացման մեխանիզմներ ներդնել, որն առանցքային նշանակություն ունի սպորտում գրանցվող հաջողությունների և դրանց շարունակականության համար, և այս ուղղությամբ աշխատանքի կարևոր մաս է մարզադպրոցների, մարզիչների վերապատրաստումը։
«2023 թվականին առաջին անգամ անցկացվել է արտադպրոցական ուսումնական հաստատությունների մանկավարժական աշխատողների կամավոր ատեստավորում, որում ներառված էին նաև մարզադպրոցների մարզիչները: Այս գործընթացի մասնակցության ցուցանիշները և ստացված արդյունքները հավելյալ վկայում են այն մասին, որ վերապատրաստման գործող կարգը վերանայելու է, և նոր վերապատրաստումներ իրականացնելու անհրաժեշտություն կա»,- ասել է Ժաննա Անդրեասյանը:
Նախարարի տեղեկացմամբ՝ երկու տարվա ատեստավորման արդյունքներով 12 մարզաձևերից ատեստավորմանը մասնակցել են 272 մարզիչ-մանկավարժներ կամ այդ մարզաձևերի մարզիչների շուրջ 22.64%-ը: Նրանցից ատեստավորվել է 55-ը կամ այս մարզաձևերի մարզիչների ընդհանուր թվի շուրջ 5%-ը, ինչը բավական ցածր ցուցանիշ է։
«Ակնհայտ է, որ մարզչական գործունեությունը մարզիչներից պահանջում է գիտելիքների և մասնագիտական կարողությունների անընդհատ զարգացում, և այդ իմաստով կանոնավոր գործիքակազմի բացակայությունը խոչընդոտում է նաև առաջխաղացմանն ու մասնագիտական աճին։ Այս խնդիրների կարգավորման նպատակով նախաձեռնել ենք վերապատրաստման այս ծրագիրը, որի նպատակն է՝ ապահովել մարզիչների պրակտիկ փորձի շարունակականությունը և միջազգային սպորտի չափանիշներին համընթաց զարգացումը»,- ասել է Ժաննա Անդրեասյանը։
ԿԳՄՍ նախարարի խոսքով՝ նախատեսվում է ըստ համապատասխան մարզաձևերի հրավիրել արտերկրի բարձրակարգ մասնագետների, որոնք կիրականացնեն վերապատրաստումները։ Ընդհանուր առմամբ՝ ծրագրի շահառու են մարզադպրոցներում աշխատող ավելի քան 2100 մարզիչներ: Վերապատրաստումն իրականացվելու է ամեն տարի՝ երեք օր տևողությամբ ինչպես տեսական, այնպես էլ գործնական պարապմունքներով, միջազգային ֆեդերացիաների կողմից մշակված ծրագրերի ու չափորոշիչների համաձայն:
Ժաննա Անդրեասյանը տեղեկացրել է՝ հաշվի կառնվեն տարբեր մարզաձևերով զբաղվողների վիճակագրությունը, ըստ այդմ՝ կընտրվի նաև յուրաքանչյուր տարվա համար վերապատրաստումների ուղղությունը: Ծրագիրը կիրականացվի մարզական ֆեդերացիաների հետ համատեղ՝ գործնական պարապմունքներն ու տեսական դասընթացները իրականացնելով համապատասխան հագեցվածություն ունեցող սպորտային կազմակերպությունում:
«2018-ի հետ համեմատ՝ նախորդ տարի ՀՀ պետական բյուջեից 3,5 անգամ ավելի միջոցներ են հատկացվել սպորտի ոլորտին: Մեծ ծավալով ենթակառուցվածքների զարգացման աշխատանք է արվում, տարբեր մրցաշարեր են կազմակերպվում: Եթե զուգահեռ չիրականացվեն նաև կարողությունների զարգացման և որակի ապահովման ուղղությամբ աշխատանքներ, կարծում եմ՝ ակնկալվող ընդհանուր արդյունքները թերի կլինեն: Այս ուղղությամբ ծրագիրը շատ կարևոր է՝ ամբողջական մոտեցում ունենալու տեսանկյունից»,- եզրափակել է Ժաննա Անդրեասյանը:
ՀՀ վարչապետ Նիկոլ Փաշինյանը կարևորել է մասնագիտական կարողությունների զարգացմանը և միջազգային չափանիշներին համահունչ համակարգի գործարկմանն ուղղված նոր ընթացակարգը՝ շեշտելով, որ այն կարող է նպաստել նաև շահառուների վստահության մեծացմանը:
ԿԳՄՍ նախարարը վստահություն է հայտնել՝ վերապատրաստումներն ունենալու են իրենց դրական ազդեցությունը թե՛ ատեստավորման արդյունքների, և թե՛ նաև մարզիչների ավելի ակտիվ ներգրավվածության տեսանկյունից: Այս համատեքստում Ժաննա Անդրեասյանն անդրադարձել է ՀՀ մարզերի և Երևանի՝ առաջին անգամ կազմված մարզական վարկանիշային սանդղակին, որը մի քանի հիմնական բաղադրիչների վրա է հիմնված, այդ թվում՝ մարզիչների կամավոր ատեստավորման ցուցանիշների:
«Հաշվի են առնվում նաև ֆիզկուլտուրայի ուսուցիչների կամավոր ատեստավորման ցուցանիշները, մարզադպրոցներում ընդգրկված երեխաների թիվը, ինչպես նաև ԿԳՄՍՆ կողմից կազմակերպվող միջոցառումներին և մրցաշարերին մասնակցող սովորողների համամասնությունը տվյալ մարզի ընդհանուր աշակերտների թվի հետ»,- նշել է Ժաննա Անդրեասյանը՝ հավելելով, որ վերապատրաստման ծրագիրը կկազմի ամբողջական գործընթացի մաս՝ նպաստելով հետաքրքրության մեծացմանը և մասնակիցների թվաքանակի աճին։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ «Ֆունկցիայի հասկացությունը » և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ : Այս թեմայի ուսումնասիրության նպատակն Ստեղծել քննարկման…
«Воспитание — великое дело: оно решает судьбу человека» (Лев Толстой) Каждый просмотренный мультфильм — часть этого воспитания, особенно если он содержит мораль. Уважаемые коллеги, предлагаю важную и увлекательную тему для…
«Воспитание — великое дело: оно решает судьбу человека» (Лев Толстой) Каждый просмотренный мультфильм — часть этого воспитания, особенно если он содержит мораль. Уважаемые коллеги, предлагаю важную и увлекательную тему для…
Նախագծային ուսուցում նպատակ Ծանոթացնել աշակերտներին Հայաստանի Առաջին Հանրապետության պատմական նշանակության գործիչներին, ուսումնասիրել նրանց գործունեությունը: Զարգացնել 10-րդ դասարանի աշակերտների պատմագիտական մտածողությունը, հայրենասիրությունը:: Խթանել աշակերտների ինքնուրույն ճանաչողական գործունեության հմտությունները, նպաստել
Հարգելի ուսուցիչներ, սիրով ձեզ եմ ներկայացնում իմ <<Առցանց գործիքների կարևորությունը ուսուցման գործընթացում>> թեման և սիրով հրավիրում քննարկման: Ժամանակակից կրթական համակարգում առցանց գործիքները դարձել են անբաժանելի մասը՝ բացելով ուսուցման և ուսումնառության…
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
Ուղղագրությունը և ուղղախոսությունը 10-րդ դասարանում:
