Շարունակվում են «Դպրոցականների բասկետբոլի լիգա» մարզական խաղերը

Հունիսի 20, 2025

Սպորտային լուրեր

Սպորտի կառավարման կենտրոնի ենթակայությամբ գործող «Միկա» մարզահամալիրում շարունակվում են ՀՀ վարչապետի հովանու ներքո անցկացվող «Դպրոցականների բասկետբոլի լիգա» մարզական խաղերի փլեյ-օֆֆ փուլի հանդիպումները:

Հունիսի 20-ին կայացած հանդիպումների արդյունքներով յուրաքանչյուր տարիքային խմբում պայքարի մեջ են մնացել 4-ական թիմեր:

Հունիսի 20-ին գրանցվել են հետևյալ արդյունքները՝

5-6-րդ դասարան՝

Կապանի թիվ 13 - Երևանի թիվ 174 հիմնական դպրոց՝ 10:41

Երևանի թիվ 158 հիմնական դպրոց - Մասիսի թիվ 2 հիմնական դպրոց՝ 11:3

7-9-րդ դասարան՝

Երևանի թիվ 51 հիմնական դպրոց - Քաջարանի թիվ 2 հիմնական դպրոց՝ 58:27

Արթիկի թիվ 2 հիմնական դպրոց - Երևանի թիվ 2 հիմնական դպրոց՝ 23:37

Վանաձորի թիվ 4 հիմնական դպրոց - Գորիսի թիվ 3 հիմնական դպրոց՝ 22:20

Երևանի թիվ 187 հիմնական դպրոց - Երևանի թիվ 137 հիմնական դպրոց՝ 39:55

Ներկայացնում ենք հունիսի 21-ի խաղացանկը՝

5-6-րդ դասարաններ՝

Ժամը 11:00-12:30՝ Եղվարդի թիվ 3 հիմնական դպրոց - Արթիկի թիվ 1 հիմնական դպրոց

Ժամը 12:30-14:00՝ Երևանի թիվ 174 հիմնական դպրոց - Երևանի թիվ 158 հիմնական դպրոց

7-9-րդ դասարաններ՝

Ժամը 14:00-15:30՝ Երևանի թիվ 51 հիմնական դպրոց - Երևանի թիվ 137 հիմնական դպրոց

Ժամը 15:30-17:00՝ Երևանի թիվ 2 հիմնական դպրոց - Վանաձորի թիվ 4 հիմնական դպրոց

«Դպրոցականների բասկետբոլի լիգա» մարզական խաղերի եզրափակիչ և երրորդ տեղի հանդիպումները կանցկացվեն հունիսի 22-ին։ Բոլոր հանդիպումների մուտքն ազատ է:

Եզրափակիչ փուլում 1-ին, 2-րդ և 3-րդ տեղեր գրաված թիմերը կպարգևատրվեն ԿԳՄՍՆ հավաստագրով, գավաթով, մեդալով և դրամական պարգևով:

1-ին տեղ գրաված դպրոցը կպարգևատրվի 4,000,000 ՀՀ դրամով, 2-րդ տեղը՝ 2,500,000 ՀՀ դրամով, 3-րդ տեղը՝ 1,500,000 ՀՀ դրամով: Կպարգևատրվեն նաև դպրոցի ֆիզկուլտուրայի ուսուցիչները՝ 1-ին տեղ՝ 700,000 ՀՀ դրամ, 2-րդ տեղ՝ 500,000 ՀՀ դրամ, 3-րդ տեղ 300,000 ՀՀ դրամ: Մրցաշարի հաղթող թիմերի աշակերտները կպարգևատրվեն դրամական մրցանակներով՝ 1-ին տեղ (9 աշակերտ)՝ 150,000-ական ՀՀ դրամ, 2-րդ տեղ (9 աշակերտ)՝ 100,000-ական ՀՀ դրամ, 3-րդ տեղ (9 աշակերտ)՝ 75,000-ական դրամ:

Նյութի աղբյուրը. ՀՀ կրթության, գիտության, մշակույթի և սպորտի նախարարություն