ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ՀՀ կրթության, գիտության, մշակույթի և սպորտի նախարար Ժաննա Անդրեասյանը մասնակցել է «Միավորվելով հանուն սոցիալական արդարության» թեմայով 3-րդ միջազգային համաժողովին և հանդես եկել բացման խոսքով։
Ժաննա Անդրեասյանը բանախոսել է «Արժանապատիվ աշխատանք բոլորի համար. կանանց, երիտասարդների և հաշմանդամություն ունեցող անձանց հզորացում» խորագրով պանելային քննարկման ժամանակ։
«Սոցիալական արդարության թեմայի շուրջ համախմբվածությունը ցույց է տալիս, որ այն կարևոր է ոչ միայն երկրի օրակարգում, այլև միջազգային մակարդակում, և Հայաստանը միջազգային հարթակ է կարևոր խոսակցությունների համար: ՀՀ կառավարության ծրագրերը և դրանից բխող գործողությունները միտված են ավելի արդար հասարակություն ունենալուն, որի ամենակարևոր գործիքներից մեկը կրթությունն է: Նախևառաջ կրթական համակարգում է, որ մենք փոխանցում ենք հիմնական արժեքներն ու գիտելիքը, հմտություններն ու գաղափարները, դաստիարակում ենք երեխաներին՝ որպես քաղաքացիների: Կրթության բովանդակությունից է կախված, թե որքանով արդար կլինի հասարակությունը»,- բացման խոսքում ասել է ԿԳՄՍ նախարար Ժաննա Անդրեասյանը:
Նախարարը նշել է, որ վերջին տարիներին իրականացվող կրթության բովանդակային բարեփոխումներն ուղղված են արդար հասարակության ձևավորմանը։ Այս համատեքստում նա անդրադարձել է դասագրքերին, որոնց միջոցով հնարավոր է նպաստել պատկերացումների, իրավունքների, հանրային ընդգրկվածության ու ճիշտ մոտեցումների ձևավորմանը:
«Կրթական համակարգը նպաստում է ավելի արդար հասարակության ձևավորմանը՝ հանդես գալով որպես սոցիալական կապիտալ: Պաշտոնական վիճակագրությունը փաստում է՝ ինչքան ցածր է մարդու կրթական մակարդակը, այնքան ավելի մեծ է նրա աղքատ լինելու հավանականությունը, և կա ուղիղ կապ այս երկու երևույթների միջև: Երբ խոսում ենք բարձրագույն կրթություն ունեցող մարդկանց մասին, խոսում ենք նաև նրանց շրջանում ավելի քիչ սոցիալապես անապահով խմբերի մասին»,- ասել է նախարարը՝ կարևորելով որակյալ և մրցունակ կրթությունը, որը զարգացման ուղիղ ճանապարհ է:
Ժաննա Անդրեասյանի խոսքով՝ խնդիրները հստակ ձևակերպված են ՀՀ՝ կրթության մինչև 2030 թ. զարգացման ծրագրում, որը այս ուղղությամբ մեր ամենակարևոր ռազմավարական փաստաթուղթն է և միակն է, որ հաստատվում է Ազգային ժողովի կողմից՝ հիմք ընդունելով կրթության առանցքային բնույթը:
ԿԳՄՍ նախարարը նշել է նաև, որ այս տարի առաջին անգամ ընդունվել է «Երիտասարդական քաղաքականության մասին» ՀՀ օրենքը, որն աջակցելու է զբաղվածության ռազմավարությանը, բարձրացնելով երիտասարդների մրցունակությունը, և լուծելու նրանց առջև ծառացած խնդիրները:
«Արժանապատիվ աշխատանք բոլորի համար. կանանց, երիտասարդների և հաշմանդամություն ունեցող անձանց հզորացում» խորագիրը կրող պանելային քննարկմանը նախարարը ներկայացրել է կրթության տարբեր մակարդակներում իրականացվող բարեփոխումները, ինչպես նաև անդրադարձել երիտասարդության ոլորտի քաղաքականությանը և վերջերս ընդունված նոր օրենքին։
Կրթության բարեփոխումների մասին խոսելիս նա առանձնացրել է համընդհանուր ներառականության քաղաքականությունը․ «Հանրակրթության ոլորտում տարիներ առաջ սկսել էինք անցումը դեպի համընդհանուր ներառականություն և այսօր արդեն ունենք գործող համակարգ: Մասնագիտական կրթության ոլորտում նաև համապատասխան ինստիտուցիոնալ կարգավորումներն ամրագրելու խնդիր կար: Այս առումով նախորդ տարին շատ կարևոր էր «Մասնագիտական կրթության և ուսուցման մասին» ՀՀ օրենքի ընդունումը, որով մի կողմից հնարավոր է դառնում կրթության բովանդակության համապատասխանեցումն աշխատաշուկային՝ սահմանելով աշխատանքի վրա հիմնված ուսուցման մոդելը, մյուս կողմից շատ ավելի ճկուն հնարավորություններ են ստեղծվում հաշմանդամություն ունեցող անձանց մասնագիտական կրթության համար: Օրինակ՝ մասնակի որակավորումների կարգավորումները թույլ են տալիս ֆորմալ կրթական ծրագիր չանցնելու դեպքում ստանալ կոնկրետ մոդուլով ուսուցում, ձեռք բերել կոնկրետ հմտություններ և ապահովել զբաղվածություն»,- ասել է Ժաննա Անդրեասյանը:
Կարևորելով քոլեջներում հաշմանդամություն ունեցող անձանց առավել լայն ներգրավվածությունը՝ նախարարն անդրադարձել է նաև խելամիտ հարմարեցումներին, ինչպես նաև հաշմանդամ ուսանողներին տրվող կրթաթոշակներին, որոնց չափը 2023 թվականից էապես մեծացել է:
Նախարարի խոսքով՝ ներկայում քննարկվող «Բարձրագույն կրթության և գիտության մասին» օրենքի նախագծով ևս ներառականությանն առնչվող մի շարք կարգավորումներ են նախատեսվում։ Առաջիկայում ՀՀ ԱԺ-ում նախատեսվում են օրենքի նախագծի հանրային լսումները։
«Տարբեր բուհեր այս ընթացքում փորձում են իրենց առանձին կարգավորումներն ունենալ: Վերջերս ԵՊՀ-ում ես համոզվեցի, որ բուհը կարողացել է ապահովել տարբեր տարածքներ մուտք գործելու մատչելիություն, որը լրջագույն խնդիր է և նաև կրթության հասանելիության առումով խոչընդոտ է հանդիսանում»,- ասել է Ժաննա Անդրեասյանը:
ԿԳՄՍ նախարարն անդրադարձել է նաև տեխնոլոգիական զարգացման հնարավորությունները կրթության հասանելիության և մատչելիության տեսանկյունից օգտագործելու հեռանկարներին: Այս համատեքստում Ժաննա Անդրեասյանը շեշտել է գործուն համակարգ ունենալու անհրաժեշտությունը:
Այնուհետև Ժաննա Անդրեասյանն անդրադարձել է երիտասարդության ոլորտին՝ կարևորելով «Երիտասարդական քաղաքականության մասին» ՀՀ օրենքի ընդունումը։
«Օրենքում առաջին հերթին ձևակերպել ենք պետության մոտեցումը երիտասարդական քաղաքականության և երիտասարդների նկատմամբ: Առանձնացվել են երիտասարդների տարբեր խմբեր՝ հասկանալու, թե որ մեկի հետ ինչ խնդիր կա: Արձանագրվել է, որ ամենակարևոր խնդիրներից մեկը մնում են որևէ տեղ չաշխատող և չսովորող երիտասարդները, որոնք, ինչպես ամբողջ աշխարհում, այնպես էլ Հայաստանում, երիտասարդական քաղաքականության մեջ առանձնացված են որպես ամենախոցելի խմբեր:
Որպես ՀՀ կառավարության ծրագրի մաս՝ մարզերում երիտասարդական կենտրոնների ստեղծման քաղաքականություն ենք վարում, որն իրականացվում է պետություն-համայնք-մասնավոր հատված եռակողմ համագործակցությամբ: Պետությունը տալիս է դրամաշնորհ հասարակական կազմակերպությանը, որը համագործակցում է համայնքի հետ՝ ստեղծելով երիտասարդական կենտրոն»,- ասել է նախարարը:
Նրա իրազեկմամբ՝ ԿԳՄՍ նախարարությունըկենտրոնների համար մշակել է ուղեցույց՝ ինչ հիմնական շեշտադրումներ պետք է ունենան և ինչի շուրջ պետք է աշխատեն։
«Մեր առանձնահատուկ նպատակը երիտասարդական կենտրոնների ցանցի ձևավորումն է: Ինչ-որ փուլում երիտասարդական կենտրոնները կհավատարմագրվեն՝ դառնալով ավելի մեծ ցանցի մաս, ինչը նրանց հնարավորություն կտա ծավալելու միջազգային համագործակցություն»,- նշել է նախարարը՝ տեղեկացնելով, որ ՀՀ կառավարության ծրագրով 25 այդպիսի կենտրոնների հիմնում է նախատեսված, որոնցից 9-ն արդեն գործում են։
Ըստ նրա՝ նախորդ տարի ավելի քան 8000 երիտասարդ տարբեր ծրագրերի է մասնակցել երիտասարդական կենտրոններում։
Նախարարը պատասխանել է նաև քննարկման մասնակիցների հարցերին՝ անդրադառնալով ոլորտային բարեփոխումների՝ հանրային կյանքում ունեցած ազդեցությանը։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Հարգելի´ ուսուցիչներ ,ձեզ եմ ներկայացնում իմ ընտրած թեման՝ «21-րդ դարի հմտությունների զարգացմանը միտված մեթոդների կիրառումը հայոց լեզվի և գրականության դասաժամերի ընթացքում »: Հուսով եմ ,որ կմասնակցեք թեմայի քննարկումներին, կանեք մեջբերումներ…
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ « Տեքստային խնդիրների դերը և կարևորությունը մաթեմատիկայի դասավանդման մեջ» և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ :…
Եկեք միասին քննարկենք՝ Արհեստական բանականության դերը կրթության մեջ․ ռիսկեր թե՞ հնարավորություններ: 21-րդ դարում կրթությունը կանգնած է նորագույն տեխնոլոգիաների, այդ թվում՝ արհեստական բանականության (ԱԲ) ակտիվ ներմուծման շեմին: Բայց արդյո՞ք ԱԲ-ն սպառնալիք…
Հարգելի՛ ուսուցիչներ եկեք միասին քննարկենք ներառականությունը և արժեքային դաստիարակությունը դպրոցում: Այսօրվա կրթական համակարգը պարտավորվում է ոչ միայն գիտելիք փոխանցել, այլև ձևավորել այնպիսի միջավայր, որտեղ յուրաքանչյուր երեխա՝ անկախ իր կարողություններից, սոցիալական…
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:If a certain condition is true, then a particular result happens.I would travel around the world if I won the lottery.When water reaches 100 degrees, it boils.There are four types of conditional sentences.It’s important to use the correct structure for each of these different conditional sentences because they express varying meanings.Pay attention to verb tense when using different conditional modes.Use a comma after the if-clause when the if-clause precedes the main clause.What Are the Different Types of Conditional Sentences? There are four different types of conditional sentences in English. Each expresses a different degree of probability that a situation will occur or would have occurred under certain circumstances.Zero Conditional SentencesFirst Conditional SentencesSecond Conditional SentencesThird Conditional SentencesLet’s look at each of these different types of conditional sentences in more detail.
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
