ԿՐԹԱԿԱՆ
ՖՈՐՈՒՄ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ
ՀԱՄԱԿԱՐԳ
ԿԳՄՍ նախարարության ֆինանսական աջակցությամբ իրականացվող «SUMMEET Հայաստանում» ժամանակակից պարի միջազգային ամառային փառատոնն այս տարի կանցկացվի հունիսի 14-ից հուլիսի 1-ը Երևանում և Գյումրիում։
Փառատոնի մեկնարկին ընդառաջ՝ «Արմենպրես» լրատվական գործակալությունում այսօր տեղի է ունեցել մամուլի ասուլիս, որին մասնակցել են ՀՀ կրթության, գիտության, մշակույթի և սպորտի նախարարի տեղակալ Դանիել Դանիելյանը, «SUMMEET Հայաստանում» ժամանակակից պարի միջազգային ամառային փառատոնի պրոդյուսեր, «Սարեր» մշակութային հասարակական կազմակերպության նախագահ Էռնա Ռևազովան, փառատոնի միջազգային պրոդյուսեր Հայկ Վարդանյանը, փառատոնի գեղարվեստական ղեկավար Վալերիա Կասպարովան և Երևանի թատրոնի և կինոյի պետական ինստիտուտի ռեկտոր Սառա Նալբանդյանը:
ԿԳՄՍ նախարարի տեղակալ Դանիել Դանիելյանը նշել է, որ փառատոնի անցկացումը հրաշալի առիթ է մեկ անգամ ևս խոսելու ինչպես ժամանակակից պարի, այնպես էլ, առհասարակ, Հայաստանում պարարվեստի ոլորտի մասին: Նախարարի տեղակալն ընդգծել է՝ հայկական ազգային պարարվեստն ունի հազարամյակների պատմություն, որը կատարելագործվելով՝ սերնդեսերունդ փոխանցվել է մեզ: Դրա վառ օրինակն է ԿԳՄՍ նախարարության ենթակայությամբ գործող Ժողովրդական երաժշտության և պարի ազգային կենտրոնը՝ իր նվագարանների և պարային համույթներով, Ա. Սպենդիարյանի անվան օպերայի և բալետի ազգային ակադեմիական թատրոնը, Պարարվեստի պետական քոլեջը, ինչպես նաև ժամանակակից, ժողովրդական տարբեր համույթներն ու անսամբլները, որոնք մեծ պրոֆեսիոնալիզմով հանդես են գալիս ինչպես Հայաստանում, այնպես էլ արտերկրի հեղինակավոր բեմերում և տարբեր հարթակներում:
«SUMMEET փառատոնը վկայում է, որ Հայաստանը դառնում է ժամանակակից կատարողական արվեստների նոր հարթակ։ Ժամանակակից պարի օրգանիկ զարգացման համար անհրաժեշտ է ունենալ կապեր արտերկրի պրոֆեսիոնալ խմբերի, պարուսույցների, ոլորտի մասնագետների, կազմակերպությունների հետ, համատեղ ներկայացումներ անել, որոնցից են, օրինակ, փարաջանովյան տարվան նվիրված հայ-ֆրանսիական համատեղ պարային ներկայացումներն ու տարբեր հոբելյանական միջոցառումների շրջանակում իրականացված նախաձեռնությունները:
Արդեն 5 տարի է՝ Հայաստանն ունի ժամանակակից պարի միջազգային ամառային փառատոն, որն էլ այս ուղղության զարգացման հիմնական հարթակն է: Այն հրաշալի հնարավորություն է միջազգային գործընկերների հետ համագործակցելու, ժամանակակից պարի հայաստանյան գործընթացները ներկայացնելու, փոխանակումներ իրականացնելու տեսանկյունից: Ժամանակակից պարը դառնում է մեր մշակութային դաշտի անբաժանելի և ակտիվ բաղադրիչը։ Փառատոնը մեծապես նպաստում է ոլորտի մասնագետների զարգացմանը, նոր սերնդի ներգրավմանը և հանդիսատեսի կրթությանը։ Այս տարի փառատոնն ընդլայնել է աշխարհագրությունը. մասնակցում են Ճապոնիայից, Ֆրանսիայից, Գերմանիայից, Հարավային Կորեայից, Ռուսաստանից, Ղազախստանից և այլ երկրներից»,- ասել է նախարարի տեղակալը և վստահեցրել, որ պարարվեստի ճյուղերը պետական մշակութային քաղաքականության առանցքում են, և նախարարությունը պատրաստակամ է աջակցելու, օժանդակելու բոլոր այն նախաձեռնություններին, որոնք միտված են ոլորտի զարգացմանն ու հանրահռչակմանը:
«SUMMEET Հայաստանում» ժամանակակից պարի միջազգային ամառային փառատոնի պրոդյուսեր Էռնա Ռևազովայի խոսքով՝ հայկական պարարվեստն ունի խոր արմատներ և փառատոնի նպատակն է ազգային պարին հաղորդել ժամանակակից շունչ:
«Փառատոնի շրջանակում մեկ օրն ամբողջությամբ կնվիրվի ազգային ժամանակակից պարին՝ «Armenian Showcase» ծրագրին, որի շրջանակում ցուցադրվելու են հայ պարուսույցների և ժամանակակից պարային ընկերությունների լավագույն բեմադրությունները՝ հայ պարուսույցների, արվեստի փորձագետների քննարկմամբ և գնահատմամբ: Նախորդ 4 տարիների ընթացքում այս ծրագրին մասնակցել է 28 հայ պարուսույց, իսկ այս տարի ավելացել է ևս 10 պարուսույց»,- տեղեկացրել է փառատոնի պրոդյուսեր Էռնա Ռևազովան:
Նրա խոսքով՝ փառատոնը նպաստում է նաև հայկական ժամանակակից պարարվեստի հանրահռչակմանը՝ հրավիրելով միջազգային պրոդյուսերներ տարբեր երկրներից, որոնք հնարավորություն ունեն ընտրելու «Armenian Showcase» ծրագրի մասնակիցների աշխատանքները՝ հետագայում ներկայացնելու նաև այլ փառատոներին:
Փառատոնի միջազգային պրոդյուսեր Հայկ Վարդանյանը ներկայացրել է այս տարվա փառատոնի միջազգային ներգրավվածությունը՝ նշելով, որ փառատոնին միացել են նաև հեռավոր արևելքի երկրները. «Նախորդ տարիներին փառատոնին մասնակցում էին եվրոպական և ամերիկյան երկրները, իսկ այս տարի առիթ ունեցանք Ճապոնիայի և Հարավային Կորեայի պարուսույցներին ևս ներգրավել փառատոնին»:
Գեղարվեստական ղեկավար Վալերիա Կասպարովան անդրադարձել է փառատոնի կրթական բաղադրիչին և նշել, որ փառատոնի հիմնական նպատակներից է կրթությունը:
«Մեր առաջին քայլերից մեկը հենց անվճար վարպետության դասերի իրականացումն էր, որոնց մասնակցում են ինչպես մասնագետներն, այնպես էլ սիրողական խմբերն ու անհատները, պարարվեստի քոլեջի ուսանողներն ու պրոֆեսիոնալ պարողները: Շատ կարևոր է, որ այս տարիների ընթացքում մեր լսարանն ընդլայնվել է, և կրթության միջոցով առավել կատարելագործել են մասնակիցների գիտելիքներն ու փորձառությունը: Մեր գլխավոր նպատակներից է նաև ստեղծել խաչմերուկ, որտեղ հնարավոր է ներկայացնել հայկական պարարվեստը՝ միջազգային այլ փառատոներում ներգրավվելու համար»:
Երևանի թատրոնի և կինոյի պետական ինստիտուտի ռեկտոր Սառա Նալբանդյանը կարևորել է «SUMMEET Հայաստանում» ժամանակակից պարի միջազգային ամառային փառատոնի ազդեցությունը. «Անչափ կարևոր է, որ փառատոնի մասնակիցների ընտրությունը կատարվում է մեծ մանրակրկիտությամբ, և այս ընթացքում փառատոնի բոլոր մասնակիցները ներկայացել են միայն կատարողական բարձր վարպետությամբ: Դա հնարավորություն է տալիս մեր երկրում տեսնել ամբողջ աշխարհում այս ոլորտում իրականացվող բոլոր գործընթացները՝ իր լավագույն դրսևորումներով: Փառատոնը կարճ ժամանակահատվածում մեծ ազդեցություն ունեցավ՝ ժամանակակից պարի հանդեպ ձևավորելով մեծ հետաքրքրություն՝ մասնագիտական շրջանակներում»:
Նշենք, որ SUMMEET փառատոնի ծրագրում ամփոփված են ժամանակակից պարի, ֆիզիկական և վիզուալ թատրոնի բեմականացումներ, պերֆորմանսներ՝ ներկայացված հայկական թատրոններում, ինչպես նաև քաղաքային լանդշաֆտի արտասովոր վայրերում։
5-րդ փառատոնի նախապատրաստական աշխատանքները մեկնարկել են 2024 թ. դեկտեմբերից՝ փառատոնից վեց ամիս առաջ, ինչի շնորհիվ միջազգային նոր համագործակցությունների սկիզբ է դրվել ճապոնացի, հարավկորեացի, բրիտանացի, գերմանացի, ֆրանսիացի, իտալացի, ռուս և ղազախ պարուսույցների հետ:
Փառատոնի շրջանակում էականորեն ընդլայնվել է կրթական ծրագիրը. Երևանի թատրոնի և կինոյի պետական ինստիտուտում կանցկացվեն վարպետաց դասեր և լաբորատորիաներ (Կացուրա Կան` Ճապոնիա, ACTS` Ֆրանսիա), ինչպես նաև Գյումրիում՝ վարպետաց դասեր (Կաննոն Դանս՝ ՌԴ, Արթուր Գալիմուլին և Տոմիրիս Մետիբաևա՝ Ղազախստան):
Փառատոնի շրջանակում ՀՀ-ում Ֆրանսիայի Հանրապետության դեսպանության և Ֆրանսիական ինստիտուտի (Institut Français) աջակցությամբ կներկայացվի «PARlez français» հայ-ֆրանսիական նախագծի նոր ներկայացումը, որը բեմադրելու համար 3 հայ պարողներ և պարուսույց մեկնել են Փարիզ և միացել են ACTS պարային ակադեմիայի պարուսույցներին և արտիստներին՝ համատեղ արդյունքը հունիսի 27-ին ԵԹԿ ինստիտուտի բեմում ցուցադրելու նպատակով: Ճապոնացի հայտնի պարուսույց, «Բուտո» (Butoh) պարի ներկայացուցիչ Կացուրա Կանի վարպետաց դասերի արդյունքում ստեղծվելիք ներկայացումը ևս կցուցադրվի փառատոնի շրջանակում: Կացուրա Կանը կներկայացնի նաև դասախոսություն և մենապար:
Գերմանացի աշխարհահռչակ բեմադրիչ Մարկո Գյոկեի կողմից բեմադրված մենապարը կներկայացնի Հանովերի թատրոնի մենապարուհի Լիլիթ Հակոբյանը:
Սանկտ-Պետերբուրգի «Կաննոն Դանս» պարային ընկերությունը ներկայանալու է հարավկորեացի պարուսույց Սուջոն Կիմի «Պարադոքս» ներկայացումով, որն ազատության, սիրո, նախապաշարմունքի և արվեստի պարադոքսների արտացոլումն է՝ բեմադրողի աշխարհընկալմամբ։ Պարային ընկերությունը կցուցադրի նաև Լիլիթ Հակոբյանի բեմադրած «Անսրտություն» ներկայացումը:
Այս տարի առաջին անգամ փառատոնի շրջանակում կներկայացվի SUMMEET4KIDS ծրագիրը, որի մասնակիցները կցուցադրեն ներկայացումներ Երևանում և Գյումրիում։
Նշենք, որ փառատոնի կազմակերպիչներն են «Սարեր» մշակութային հասարակական կազմակերպությունը, Open Look ժամանակակից պարի միջազգային փառատոնի հիմնադիր Վադիմ Կասպարովը, օպերային երգիչ Հայկ Վարդանյանը և Balmanukyan Dance Project պարային ընկերությունը։
Փառատոնի գլխավոր գործընկերն է Երևանի թատրոնի և կինոյի պետական ինստիտուտը։
Նյութի աղբյուրը. ՀՀ կրթության, գիտության, մշակույթի և սպորտի նախարարություն
Նախագծի նպատակն է՝ բացահայտել հայ ժողովրդի պատմության էջերը, իր ընտանիքի նահապետների ծննդավայրերը, նրանց անցած ճանապարհը, սերունդների հետ կապը: զարգացնել պատմություն ուսումնասիրելու, հետազտություններ անելու կարողություններ, սովորեցնել ձևակերպել և քայլ առ քայլ…
Հարգելի´ ուսուցիչներ ,ձեզ եմ ներկայացնում իմ ընտրած թեման՝ «21-րդ դարի հմտությունների զարգացմանը միտված մեթոդների կիրառումը հայոց լեզվի և գրականության դասաժամերի ընթացքում »: Հուսով եմ ,որ կմասնակցեք թեմայի քննարկումներին, կանեք մեջբերումներ…
Հարգելի ուսուցիչներ ,սիրով ձեզ եմ ներկայացնում իմ ընտրած թեման՝ « Տեքստային խնդիրների դերը և կարևորությունը մաթեմատիկայի դասավանդման մեջ» և հուսով եմ ,որ կմասնակցեք թեմայի քննարկումներին, կանեք մեջբերումներ ու առաջարկություններ :…
Եկեք միասին քննարկենք՝ Արհեստական բանականության դերը կրթության մեջ․ ռիսկեր թե՞ հնարավորություններ: 21-րդ դարում կրթությունը կանգնած է նորագույն տեխնոլոգիաների, այդ թվում՝ արհեստական բանականության (ԱԲ) ակտիվ ներմուծման շեմին: Բայց արդյո՞ք ԱԲ-ն սպառնալիք…
Հարգելի՛ ուսուցիչներ եկեք միասին քննարկենք ներառականությունը և արժեքային դաստիարակությունը դպրոցում: Այսօրվա կրթական համակարգը պարտավորվում է ոչ միայն գիտելիք փոխանցել, այլև ձևավորել այնպիսի միջավայր, որտեղ յուրաքանչյուր երեխա՝ անկախ իր կարողություններից, սոցիալական…
Conditional sentences are statements discussing known factors or hypothetical situations and their consequences. Complete conditional sentences contain a conditional clause (often referred to as the if-clause) and the consequence. Consider the following sentences:If a certain condition is true, then a particular result happens.I would travel around the world if I won the lottery.When water reaches 100 degrees, it boils.There are four types of conditional sentences.It’s important to use the correct structure for each of these different conditional sentences because they express varying meanings.Pay attention to verb tense when using different conditional modes.Use a comma after the if-clause when the if-clause precedes the main clause.What Are the Different Types of Conditional Sentences? There are four different types of conditional sentences in English. Each expresses a different degree of probability that a situation will occur or would have occurred under certain circumstances.Zero Conditional SentencesFirst Conditional SentencesSecond Conditional SentencesThird Conditional SentencesLet’s look at each of these different types of conditional sentences in more detail.
« Ձևավորող գնահատումը մայրենիի, հայոց լեզվի և գրականության դասաժամերին» դասընթացի նպատակն է աջակցել դասավանդող ուսուցիչներին ձևավորող գնահատում իրականացնելու գործընթացում, մասնավոր օրինակների միջոցով խորացնել գիտելիքը ձևավորող գնահատման ձևերի ու մեթոդների շուրջ և նպաստել գնահատման այս տեսակի գրագետ կիրառության ապահովմանը։
ԵզրակացությունԱյս հետազոտական աշխատանքը մի փոքր ավելի ճանաչելի ու հասկանալի է դարձնում Ավետիք Իսահակյանի «Աբու-Լալա Մահարի» պոեմը: Պոեմի թողած անկրկնելի տպավորությունը պայմանավորված է բանաստեղծի հախուռն, կրակոտ զգացմունքի և փիլիսոփայական խոհերի միասնությամբ:
Մասնագիտական հեռավար վերապատրաստման դասընթաց
Հեռավար ուսուցում 2022—2023 ուսումնական տարի, 5-րդ դասարան
Մուտքի խոսք Էռնեստ Հեմինգուեյի «Ծերունին և ծովը» վիպակը հանրակրթական դպրոցներում ուսումնասիրվում է 8-րդ դասարանում հինգ կամ վեց դասաժամով, որոնցից մեկ դասաժամ հատկացվում է գրողի կենսագրությանը, վիպակի ժանրային առանձնահատկությունների ուսուցմանը: Գրականության դասերին նորագույն մեթոդների ու հնարների հմտորեն կիրառումը մշտապես կարևոր բաղադրիչ է հանդիսացել ուսուցման նպատակին հասնելու համար: Մեթոդների ու հնարների բազմազանության մեջ ուսուցիչը պիտի կարողանա ընտրել թեմային համապատասխանող, համեմատաբար ավելի արդյունավետ, հետաքրքիր, ինչպես նաև սովորողների վերլուծական- քննադատական մտածողությունը զարգացնող միջոցներ, գործիքներ, թվային ռեսուրսներ: Արդյունավետ մեթոդների ընտրությունից է կախված առաջադրված նպատակի իրականացումը: «Ծերունին և ծովը» վիպակի դասավանդման մեթոդները կարող են լինել բազմաշերտ ու ընդգրկուն, ինչպիսին ստեղծագործությունն է: Թեման ուսումնասիրելիս խորհուրդ է տրվում առաջնորդվել ԽԻԿ համակարգով և աշակերտակենտրոն սկզբունքով, ուշադրություն դարձնել խաչվող կամ ընդհանրական հասկացություններին: Եռափուլ համակարգի առանձին փուլերում կիրառել համապատասխան մեթոդներ ու հնարներ, առաջադրանքներ: Դրանք հմտորեն համադրելու և նպատակահարմար կիրառելու դեպքում ուսուցիչը առավելագույն արդյունքի կհասնի:Պարտադիր չէ, որ այս աշխատանքում ընդգրկված բոլոր մեթոդներն ու հնարները կիրառվեն վերջնարդյունքի հասնելու համար: Գրականության ուսուցիչը կարող է դրանցից մի քանիսը հաջողությամբ կիրառել կամ դասը պլանավորելիս համատեղել իր նախընտրած մեթոդի հետ և հասնել ցանկալի արդյունքի:
Հեռավար ուսուցում 2022—2023 ուսումնական տարի, 3-րդ դասարան
