«ՀՀ 2026 թվականի երիտասարդական մայրաքաղաք» մրցույթի փորձագիտական գնահատման խմբի ձևավորման մրցույթ

Մայիսի 26, 2025

Լուրեր կազմակերպություններից

ՀՀ կրթության, գիտության, մշակույթի և սպորտի նախարարությունը հայտարարում է մրցույթ «Հայաստանի Հանրապետության 2026 թվականի երիտասարդական մայրաքաղաք» մրցույթի փորձագիտական գնահատման խմբի ձևավորման նպատակով:

Փորձագիտական գնահատման խումբն իրականացնում է մրցութային հայտերի փորձագիտական գնահատումը:

Մրցույթին մասնակցել և խմբի կազմում ընդգրկվել կարող են երիտասարդական աշխատողներ, երիտասարդական հասարակական կազմակերպությունների, ուսանողական խորհուրդների, նախաձեռնող խմբերի ներկայացուցիչներ, երիտասարդության ոլորտի դասընթացավարներ, փորձագետներ, հետազոտողներ, ինչպես նաև այլ շահագրգիռ անձինք, որոնք ուղղակի և/կամ անուղղակի առնչվում են երիտասարդության հիմնախնդիրներին ու երիտասարդական պետական քաղաքականությանը և բավարարում են ստորև ներկայացվող պահանջներին:

Փորձագետին ներկայացվող պահանջներն են՝

• վերջին 5 տարում երիտասարդական քաղաքականության ոլորտում իրականացրած գործունեություն, համայնքային, մարզային և հանրապետական մակարդակով երիտասարդական ծրագրերի իրականացում, երիտասարդական աշխատանքի իրականացում, երիտասարդական ծառայությունների մատուցում,
• երիտասարդության ոլորտում փորձագիտական աշխատանքի իրականացման փորձառություն,
• առնվազն 3 երիտասարդական կամ համայնքային ծրագրերի գնահատման փորձառություն,
• ներհանրապետական գործուղումների մեկնելու պատրաստակամություն,
• բարձրագույն կրթությունը (առնվազն բակալավրի որակավորման աստիճան) կդիտարկվի որպես առավելություն։

Մրցույթին մասնակցելու համար անհրաժեշտ փաստաթղթերի ցանկը`

• դիմում՝ ուղղված «Հայաստանի Հանրապետության 2026 թվականի երիտասարդական մայրաքաղաք» մրցույթի կազմակերպման մրցութային հանձնաժողովի ղեկավարին (ձևը կցվում է),
• անձը հաստատող փաստաթուղթ (անձնագրի կամ նույնականացման քարտի պատճենը՝ pdf կամ jpg ֆորմատով),
• հայտ՝ pdf կամ word ֆորմատով (ձևը կցվում է),
• ինքնակենսագրություն (cv):

Հայտերի ներկայացման ժամկետը և կարգը՝

Հայտերն ընդունվում են մինչև օգոստոսի 2-ը ներառյալ։

Ներկայացված պահանջներին բավարարող և հետաքրքրված անձինք կարող են իրենց հայտն ուղարկել youth@escs.am էլեկտրոնային փոստին՝ նամակի վերնագրում նշելով «փորձագիտական գնահատման խմբի անդամ/անուն, ազգանուն»:

Հայտի ստացման մասին հայտատուն կտեղեկացվի երկօրյա ժամկետում` պատասխան էլեկտրոնային նամակի միջոցով:

Մրցույթի արդյունքների մասին հայտատուն կտեղեկացվի մինչև օգոստոսի 20-ը:

ՈՒՇԱԴՐՈՒԹՅՈՒՆ։ Փորձագիտական գնահատման խմբում չեն ընդգրկվի այն թեկնածուները, որոնք կներկայացնեն «Հայաստանի Հանրապետության 2026 թվականի երիտասարդական մայրաքաղաք» մրցույթի հայտատու քաղաքները/համայնքները, և/կամ որոնց աշխատանքային/մասնագիտական գործունեությունն անմիջական կապված կլինի հայտատու քաղաքների/համայնքների հետ։

Փորձագիտական գնահատման խմբի կազմը սահմանափակ է, և վերջնական ընտրությունը կատարվելու է «Հայաստանի Հանրապետության 2026 թվականի երիտասարդական մայրաքաղաք» մրցույթի կազմակերպման մրցութային հանձնաժողովի կողմից՝ համաձայն նշված պահանջների։

Հարցերի և հավելյալ տեղեկատվության համար զանգահարել՝ 010 599 643 հեռախոսահամարով:

Նյութի աղբյուրը. ՀՀ կրթության, գիտության, մշակույթի և սպորտի նախարարություն