Սարիգյուղ համայնքի ԻՄՓԱՔԹ ակումբն իրականացրեց առաջին ծրագիրը

Հունիսի 7, 2017

Լուրեր կազմակերպություններից

Տավուշի մարզի Սարիգյուղ համայնքի ԻՄՓԱՔԹ երիտասարդական ակումբը բացվեց 2017 թ. ապրիլին (առաջնորդներ՝ Սեդա  Ոսկանյան, Գոհար Մաթադյան): Ակումբում, որն ունի 18 անդամ,  ուսուցումը հիմնված է  ոչ ֆորմալ  մոդելի վրա ՝ խաղային-կրթական համատեղմամբ, որոնց օգնությամբ  հզորացվում են մասնակիցների  կարողություններն ու գիտելիքները՝  ակտիվ քաղաքացիության, առաջնորդության, աշխատունակության եւ սոցիալական ձեռներեցության ոլորտներում: «Ակտիվ քաղաքացիություն» մոդուլն ուսումնասիրելուց հետո ակումբը ձեռնարկեց  իրենց առաջին համայնքային ծառայության ուսումնական ծրագիրը՝  «Հին արժեքների պահպանումն ու նորովի փոխանցումը բոլորիս պարտքն է» անվամբ: Ծրագրի շրջանակում նաև համագործակցություն է հաստատվել տեղական ինքնակառավարման մարմինների հետ և համայնքի ղեկավար Կոմիտաս Էլլարյանը ողջունելով ակումբի գաղափարը, աջակցեց  նաև ծրագրի իրականացմանը: Ծրագրի նպատակն էր համայնքում մի դարավոր  սոսի ծառի գտնվելու վայրի վերաբերյալ համայնքի սահմաններից դուրս  հանրային իրազեկության բարձրացումն էր և այդ վայրին նոր շունչ հաղորդելը:  Այստեղ աճող սոսի /չինարի/ ծառի պատմությունը շատ հին է, որի մասին տեղեկատվություն հավաքվեց տարբեր աղբյուրներից , այդ թվում համայնքի ղեկավարությունից: Այս նախագիծը նաև նպաստելու է  տարբեր երկրներից այցելուների համար ամբողջական տեղեկատվության ապահովմանը տարածքում գտնվող ծառի պատմության մասին, որը մինչ այդ գրավոր առկա չէր այդ տարածքում: Հավաքված  տեղեկատվությունը մշակվեց, թարգմանվեց ռուսերեն ու անգլերեն: Ծրագրի  արդյունքում  բարեկարգվեց տարածքը, տեղադրվեց Չինարիի մասին եռալեզու տեղեկատվական վահանակ, նստարաններ, աղբարկղ: Այսպիսով,  հասանելի դարձավ դեռևս 9-րդ դարի պատմական իրադարձության մասին  թե, օրինակ ինչպես է Աշոտ Երկաթ թագավորը մարտնչել թշնամու դեմ այս տարածքում և տնկում սոսի (Չինարի),որը մոտ 1000 տարեկան է:  Ինչպես նաև այդ վայրը դարձավ պատշաճ հանգստի գոտի: Ծրագրի իրականացման ընթացքում արդեն շատ այցելուներ սկսեցին ծանոթանալ տեղեկատվությանը, ողջունեցին երեխաների աշխատանքը:

Ակումբի անդամ, 17 ամյա Մարիամի համար, որպես նաև համայնքի բնակիչ, շատ կարևոր էր ծրագիրը. «Նախագիծը առաջնահերթ էր մեր համայնքի համար, քանի որ բացակայում էր ամբողջական տեղեկատվություն այս դարավոր ծառի մասին: Իսկ հիմա ծրագրի արդյունքում այս խնդիրը լուծեցինք՝ երեք լեզուներով տեղեկատվական վահանակ տեղադրելով, բարեկարգեցինք նաև տարածքը»:

ԻՄՓԱՔԹ  ծրագիրը մշակվել է Ռումինիայում «Նոր Հորիզոններ» հիմնադրամի կողմից և Հայաստանում իրականացվում է Վորլդ Վիժն Հայաստանի կողմից և  գործում  են 6 մարզերում: Նպատակն է համախմբել երիտասարդությանը  ԻՄՓԱՔԹ  խմբերում, աջակցել նրանց ձեռք բերել քաղաքացիական հասարակության և աշխատանքային շուկայում մրցունակ լինելու համար անհրաժեշտ կարողություններ:

ՎՎՀ Իջեւանի գրասենյակ