ՀԱՅԿԱԿԱՆ ԿՐԹԱԿԱՆ ՄԻՋԱՎԱՅՐ
ՊՈՐՏԱԼ
ԿՐԹԱԿԱՆ
ՖՈՐՈՒՄ
ՊԱՇԱՐՆԵՐԻ
ՇՏԵՄԱՐԱՆ
ՀԵՌԱՎԱՐ
ՈՒՍՈՒՑՈՒՄ
ԻՆՏԵՐԱԿՏԻՎ
ՈՒՍՈՒՑՈՒՄ
ԿԿՏ
ՀԱՄԱԿԱՐԳ

ԱԺ-ում նախարար Ժաննա Անդրեասյանը պատասխանել է սոցկրեդիտից օգտվելու վերաբերյալ հարցերին

Մարտի 5, 2025
Լուրեր կազմակերպություններից

Ազգային ժողովում ՀՀ կառավարության հարցուպատասխանի ընթացքում Կրթության, գիտության, մշակույթի և սպորտի նախարար Ժաննա Անդրեասյանն անդրադարձել է կրթության ոլորտում սոցիալական կրեդիտից օգտվելու վերաբերյալ հարցին:

ԿԳՄՍ նախարարը տեղեկացրել է, որ նախարարության պաշտոնական կայքում բացված է «Սոցիալական կրեդիտ» բաժինը, որտեղ տեղադրված են բոլոր ուսումնական հաստատությունների և կազմակերպությունների ցանկերը՝ ըստ մարզերի:

«Այն քաղաքացիները, որոնք ցանկանում են օգտվել այս համակարգից, նշյալ ցանկերից կարող են իրազեկվել, թե որ հաստատությունների ու կազմակերպությունների ծրագրերն են երաշխավորված, ըստ այդմ՝ թե որոնցից է հնարավոր օգտվել: Կրթական ծրագրերը ևս ներկայացված են նույն բաժնում՝ առանձին ենթաբաժնով՝ «Երաշխավորված կրթական ծրագրեր»: Այս պահին տեղադրված են արդեն իսկ երաշխավորված 110-ից ավելի ծրագրեր, որոնք թարմացվում են՝ նոր ծրագրերի երաշխավորմանը զուգընթաց: Նույն բաժնում տեղադրված են նաև ուղեցույց, հոլովակ և կոնտակտային հեռախոսահամարներ՝ համակարգին առավել մանրամասն ծանոթանալու նպատակով»,- ասել է նախարարը:

Հարցին, թե ինչպես դիմել երաշխավորման, նախարարը պատասխանել է. «Նշյալ բաժնում կա նաև ուղեցույց երաշխավորման դիմելու ընթացակարգերի վերաբերյալ: Հենց այսօր շրջանառվել է ոչ ֆորմալ կրթական ծրագրերի երաշխավորման կարգի վերանայված տարբերակը, որով առավել պարզ ընթացակարգ է նախատեսվում թե՛ ֆիզիկական, թե՛ իրավաբանական անձանց համար»:

Ժաննա Անդրեասյանը կոչ է արել քաղաքացիներին այս փուլում ակտիվ լինել և երաշխավորման գործընթացը լավարկելու վերաբերյալ առաջարկներ ունենալու դեպքում ներկայացնել դրանք: Նախարարի խոսքով` երաշխավորման ընթացակարգը պարզ է. պետք է դիմել ԿԳՄՍ նախարարություն, երեք օրվա ընթացքում ծրագիրը կուղարկվի փորձաքննության, ինչից հետո դրական եզրակացության դեպքում ծրագիրը կերաշխավորվի: «Ամբողջ գործընթացը պետք է տևի մեկ ամսից ոչ ավելի»,- հայտնել է նախարարը:

Նյութի աղբյուրը. ՀՀ կրթության, գիտության, մշակույթի և սպորտի նախարարություն

  • Առցանց գործիքների կարևորությունը ուսուցման գործընթացում

    Թեմայի հեղինակ՝ Maro

    Ժամանակակից կրթական համակարգում առցանց գործիքները դարձել են անբաժանելի մասը՝ բացելով ուսուցման և ուսումնառության նոր հնարավորություններ: Դրանք ոչ միայն հեշտացնում են կրթական գործընթացը, այլև այն դարձնում ավելի հետաքրքիր, մատչելի և արդյունավետ:Դրանց…

  • ՀԵՔԻԱԹԱՍՏԵՂԾՄԱՆ ԿԱՐՈՂՈՒԹՅԱՆ ՁԵՎԱՎՈՐՈՒՄԸ ՏԱՐՐԱԿԱՆ ԴԱՍԱՐԱՆՆԵՐՈՒՄ

    Թեմայի հեղինակ՝ hak.xachatryan

    Հարգելի ուսուցիչներ, սիրով ձեզ եմ ներկայացնում իմ <<Հեքիաթաստեղխման կարողության ձևավորումը տարրական դասարաններում>> վերնագրով թեման: Մայրենիի ծրագրերում և դասագրքերում ոչ պակաս կարևոր է հեքիաթի տեղն ու դերը, քանի որ հեքիաթն ունի…

  • Խնայողության մշակույթ

    Թեմայի հեղինակ՝ simonyannara25@gmail.com

    Խնայողության մշակույթի բացակայությունն է ազդում մարդկանց սոցիալական և տնտեսական բարեկեցության վրա, թե մարդկանց ցածր եկամուտներն ու երկրի սոցիալ-տնտեսական վիճակը: Խնդրում եմ գրել կարծիքներ` ի նկատի ունենալով մեր իրականությունը: Շնորհակալություն:

  • Գործողություններ բազմությունների հետ

    Թեմայի հեղինակ՝ ՄԱՄՅԱՆ Ա․

    Բազմության և նրա տարրերի հասկացությունները մաթեմատիկայում սկզբնական հասկացություններ են:Այս թեմայի ուսումնասիրության նպատակն է թվային բազմությունների հետ ծանոթացումը, բազմությունների հետ գործողություններ կատարելու հմտությունների ձևավորումը և զարգացումը, բազմությունների հատման և միավորման գաղափարի…

  • Արդյոք՞ մարդու իրավունքները չեն խախտվի, եթե անձը առաջնորդվի բարոյական նորմերով:

    Թեմայի հեղինակ՝ gayane.siradexyan

    Նորմը դա միմիյանց միջև հարաբերությունները կարգավորելու և ավելի ներդաշնակ համայնքներ ու հասարակություններ ձևավորելու նպատակով մարդկանց կողմից ստեղծված վարքագծի կանոն է: Նորմերը լինում են իրավական և բարոյական: 1. Իրավական նորմ՝ պարտադիր…